□ زىڭ جاۋمەي
جۋىقتا ءتاتتى كارتوپ العالى بارعانىمدا، دۇكەن قوجايىنى سۇن پيڭ ءبىر جاشىك ءتاتتى كارتوپتى ءتاتتى كارتوپ ساتىپ الۋعا كەلگەن قاريدارلارعا تەگىن بەرە سالعانىن كوردىم. مۇنىسى ءتاتتى كارتوپ ءۇسىپ كەتكەن بولماسىن دەپ الاڭداعانىنان ەدى.
سۇن پيڭ: ” جۋىقتان بەرى ساۋاننىڭ اۋا رايى سۋىتىپ، نەشە كۇننەن بەرى دۇكەنگە كەلىپ -كەتكەن قاريدارلار دا مول بولعاندىقتان، ەسىك تە ءجيى -ءجيى اشىلىپ -جابىلىپ، بوساعادا تۇرعان ءتاتتى كارتوپ ءۇسىپ قالدى ما دەپ الاڭداعان ەدىم، ءتاتتى كارتوپتىڭ ۇسىگەنىن سىرتىنا قاراپ بىلۋگە بولمايدى، ءبىراق پىسقان سوڭ قاتتى ءارى كەرمەك بولىپ كەتەدى“ دەدى.
ساۋداگەردىڭ بۇل ادالدىعى مەنى قاتتى اسەرلەندىردى، سۇن پيڭنىڭ بۇل ءىس - ارەكەتى سەنىمدى تيجاراتشىنىڭ كاسىپتىك قاسيەتىن ايگىلەپ تۇر.
ادامدار ۇنەمى ساۋداگەر اۋەلى دۇرىس ادام بولۋى كەرەك، سەنىمدىلىكتى دارىپتەيتىن ادامنىڭ ساۋداسى دا جامان بولمايدى دەگەندى اۋىزدان تاستامايدى، سۇن پيڭنىڭ الارماندارعا بولعان شىن ىقىلاستى مامىلەسى مەن بۇكپەسىز پەيىلى سەنىمدىلىككە يە ەتىپ، جاقسى اسەر قالدىراتىنى حاق.
ساۋدا - ساتتىقتا ادال، سەنىمدى بولۋدان ماڭىزدى ەشتەڭە جوق. ازىق –تۇلىكتىڭ ساپاسىنا كەپىلدىك ەتە الماعان جاعدايدا، الارماندارعا تاۋاردى ساتىپ بەرە سالۋعا ولمايدى. وسىنداي سەنىمدىلىكتى پايدادان دا ماڭىزدى قارايتىن ءىس -ارەكەت القاۋىمىزعا تاتيدى ءارى بۇل ءاربىر ساۋداگەردە، ءسوزسىز، بولۋعا ءتيىستى ساپا.
اق، ادال جولمەن اۋقاتتانۋ اسىلزادالىقتىڭ بەلگىسى دەگەن ءسوز بار. سۇن پيڭنىڭ ءتاتتى كارتوپتى قاريدارلارعا تەگىن بەرە سالۋى، قاراماققا زيان تارتقانداي بولعانىمەن، ءىس جۇزىندە ءتىپتى دە كوپ ادامداردىڭ سەنىمدىلىگىنە يە بولدى، قاريدارلاردى وزىنە باۋرادى، ادامداردى ىستىق ىقىلاسقا بولەپ، مۇنان بىلاي ساۋداسىنىڭ ءتىپتى دە كۇسەت بولۋىنا شامالى بولسا دا سارا داڭعىل قالادى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى