ساۋان قالاسى ليۋماۋۋان قالاشىعى شامىنزى جاڭا قىستاعى ياڭجياۋان گرۋپپاسى:
ءتىلشىمىز زىڭ جاۋمەي، ەرىكتى ءتىلشى جياڭ حۇڭ حابارلايدى. ”سەلبەستىك كووپەراتيۆى ماقتا تۇقىمىن، حيميالىق تىڭايتقىشتى جەتكىلىكتى دايىندادى، سەلبەستىك كووپەراتيۆى تۇرعاندا كىرىس ارتاتىنىنا سەنىمىمىز كامىل، پايدا ءبولىسىن كۇتسەك بولدى“ دەدى 2 ـ ايدىڭ 9 ـ كۇنى ساۋان قالاسى ليۋماۋۋان قالاشىعى شامىنزى جاڭا قىستاعى ياڭجياۋان گرۋپپاسىنىڭ تۇرعىنى ياڭ چىڭيۇن.
2021 -جىلى ياڭ چىڭيۇننىڭ 138 مۋ جەردەگى ماقتاسىنىڭ ءونىمى ايتارلىقتاي بولۋمەن قاتار، سەلبەستىك كووپەراتيۆىنەن 25 مىڭ 20 يۋان تابىس ءبولىسىن الىپ، كوڭىلى تاسي ءتۇستى.
2016 -جىلى شامىنزى جاڭا قىستاعى”ەكى كوميتەتى“ ياڭجياۋان گرۋپپاسىندا جان سانى كوپ، جەر از بولۋ ءىس جۇزىندىك جاعدايىمەن ۇشتاستىرا وتىرىپ، وسى گرۋپپاداعى قىستاق تۇرعىندارىنان كەڭ كولەمدى پىكىر الۋ ارقىلى قىستاق پارتيا ياچەيكاسىنىڭ جەتەكشىلىگىندە ەگىمشىلىك ءىرى وتباسى حۋ دالين باستاماشى بولىپ ساۋان رۇنحاۋ اۋىل شارۋاشىلىق شارۋالار كاسىپتىك سەلبەستىك كووپەراتيۆىن قۇرادى.
قىستاق”ەكى كوميتەتى“ ەڭ الدىمەن قىستاق كوللەكتيۆىنىڭ 380 مۋ جەرىن سەلبەستىك كووپەراتيۆىنە جارنا رەتىندە قوسىپ، ”پارتيا ياچەيكاسى + سەلبەستىك كووپەراتيۆى + شارۋا وتباسى“ ۇلگىسىن جاراتىپ، 33 قىستاق تۇرعىنى 14 مىڭ يۋاننان قارجى شىعارىپ، سەلبەستىك كووپەراتيۆىنە جارناعا قوستى. سەلبەستىك كووپەراتيۆى قىستاقتىڭ كوللەكتيۆ جەرىن اينالىمعا سالىپ، بىرىكتىرۋ ارقىلى بۇرىنعى جەردى وزدەرى ەگەتىن قىستاق تۇرعىندارىن ”جەر + سەلبەستىك كووپەراتيۆى“ ۇلگىسىندە قوس جاقتان كىرىس كىرگىزەتىن”جارناگەرگە“ اينالدىردى.
سەلبەستىك كووپەراتيۆى عىلمي، ولشەمدى ەگۋ ۇلگىسى مەن ولشەمدى باعىپ -باپتاۋ ءتاسىلىن قولدانىپ، جاڭا ءداۋىر وركەنيەتىن امالياتتا ايگىلەۋ بازاسىن تايانىش ەتە وتىرىپ توڭىرەكتەگى تۋان ـ الاڭداردىڭ اۋىل شارۋاشىلىق تەحنيكتەرىن ۇسىنىس ەتىپ، وسى زامانعى اۋىل شارۋاشىلىق تەحنيكاسىنا باۋلۋ ارقىلى ءشيتتى ماقتانىڭ مۋ باسىندىق ءونىم مولشەرىن العاشقى 380 كيلوگرامنان قازىر 430 كيلوگرامعا جەتكىزىپ، ءار وتباسىنىڭ الۋعا ءتيىستى تابىس ءبولىسىن العاشقى جىلعى 7300 يۋاننان بىلتىر 25 مىڭ 20 يۋانعا جەتكىزدى، جارناگەرلەر دە 36 وتباسىنا كوبەيدى.
”ءومىر بويى ەگىنشى بولىپ، ەندى جارناگەرگە اينالارىمدى ويلاماپپىن، تابىس بولىسىنە قوسا 48 مۋ جەردىڭ كىرىسىنەن سىرت، اۋلاعا قانت قىزىلشا، جۇگەرى سياقتىلاردى ەگىپ، 3000 يۋان كىرىس كىرگىزدىم، بيىل جالعاستى قۇلشىنا ىستەيمىن“ دەدى قىستاق تۇرعىنى ۋي يۇيچين قۋانىشتى بەينەمەن.
اۋىل -قىستاقتى گۇلدەندىرۋ ستراتەگياسى اتقارىلعاننان بەرى، ليۋماۋۋان قالاشىعى الۋان ءتۇرلى فورمالار ارقىلى ۇگىتتەۋ، جەتەكشىلىك ەتۋدى كۇشەيتىپ، بۇرىنعى مەن قازىرگىنى سالىستىرىپ، ەكونوميكالىق كىرىستى ەسەپتەپ، جەردى اينالىمعا سالۋدىڭ قوس جاقتاعى پايداسىن ەسەپتەپ، شارۋالاردىڭ كىرىستى ارتتىرۋ سەنىمىن بەكەمدەدى.
حۋ دالين:”بيىل سەلبەستىك كووپەراتيۆىمىز جاسى ەگدەلەگەن، جەرى از، جەرىن جارناعا قوسۋدى قالايتىن قىستاق تۇرعىندارىن تۇگەل قابىلداپ، ولاردىڭ كىرىسىن ارتتىرۋىنا قول ۇشىن بەرمەكشى“ دەدى.
”الداعى جەردە ءبىز كاسىپ سالاسىن گۇلدەندىرۋدىڭ، دامىتۋدىڭ ۇلگىسىن جالعاستى قاراستىرىپ، ءداستۇرلى باسىمدىققا يە كاسىپ سالالارىن تياناق ەتىپ، ‘ءبىر قىستاقتا ءبىر ءونىم بولۋعا’ كۇش سالىپ، ليۋماۋۋان قالاشىعىنىڭ سىندارلى بۇرىلىس جاساۋىن ۇزدىكسىز ىلگەرىلەتىپ، ءار ۇلت قىستاق تۇرعىندارىن ءتىپتى دە باقىتتى تۇرمىسقا كەنەلتەمىز“ دەدى ليۋماۋۋان قالاشىعى پارتكومىنىڭ ورىنباسار شۋجيى، قالاشىق باستىعى لياۋ حايلۇڭ.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى