تىلشىلەرىمىز داي جياۋمەي، زىڭ جاۋمەي حابارلايدى. 1 -ايدىڭ 6 -كۇنى ايماقتىق مادەنيەت، دەنە تاربيە، راديو -تەلەۆيزيا جانە ساياحات مەكەمەسىنىڭ، ايماقتىق كاسىپتەن سىرتقى دەنە تاربيە مەكتەبىنىڭ پارتيا مۇشەلەرى مەن كادرلارى جۇڭگونىڭ مۇزدا تەز سىرعاناۋ سپورتشىسى الماس شاعانبايدىڭ ۇيىنە امانداسا بارىپ، اتا -اناسىنان حال سۇرادى.
حال سۇراۋشىلار الماستىڭ اتا - اناسىنىڭ قىزمەت، تۇرمىس جاعدايىن ەگجەي -تەگجەيلى ۇعىسىپ، ولاردىڭ الماسقا جالعاستى بەرىك سۇيەنىش بولىپ، ونى قىستىق وليمپيادا سپورت جارىسىنا دايىندالۋدىڭ شەشۋشى كەزەڭىندە كۇش ۇستىنە كۇش قوسىپ، ناتيجەسىن ونان ارى جوعارىلاتىپ، ءتىپتى دە بيىك، ءتىپتى دە ۇزاق نىسانالارعا تالپىنۋعا جىگەرلەندىرۋلەرىن ءۇمىت ەتتى.
الماستىڭ اتا اناسى:”كوپشىلىكتىڭ بالامىزعا كوڭىل بولگەنىنە راقىمەت، بالامىزعا، ءسوزسىز، بەرىك سۇيەنىش بولىپ، ونى قاجىرلىلىقپەن جاتتىعىپ، ەرلىكپەن العا ۇمتىلىپ، بەيجيڭ قىسقى وليمپيادا سپورت جارىسى مايدانىندا تاماشا ناتيجەگە قول جەتكىزىپ، اتا مەكەنىنە، وتانىنا داڭق اپەرۋگە شابىتتاندىرامىز“ دەدى.
بيىل 24 جاستاعى قىرعىز ازامات الماستىڭ ءۇيى شاۋەشەك قالاسى شاشا قالاشىعى ۋشيڭ الەۋمەتتىك اۋماعىندا تۇرادى. بالا كۇنىنەن مۇزدا تەز سىرعاناۋعا اۋەس ونى جەتى -سەگىز جاس كەزىنەن باستاپ اتا -اناسى شاعىن مۇز الاڭىنا ويناۋعا ەرتىپ باراتىن. تۇڭعىش رەت كونكي كيىپ، مۇزدا سىرعاناۋدىڭ قىزىعىنا ەلىتكەن ول وسى ءبىر سپورت تۇرىنە اڭسارى اۋادى.
وسىعان بولا الماستىڭ اتا -اناسى ايماقتىق كاسىپتەن سىرتقى دەنە تاربيە مەكتەبىنىڭ مۇزدا تەز سىرعاناۋ جاتتىقتىرۋشىسى فۋ ۋيدى ارنايى ىزدەپ بارىپ، الماسقا جەتەكشىلىك ەتۋىن وتىنەدى. فۋ ۋي: ”العاش جاتتىققان كەزدە الماستىڭ مۇزدا سىرعاناۋ جاعىندا تالانتى بار ەكەنىن بايقادىم، ادەتتە بالالار مۇزدا وڭايلىقپەن بويىن مەڭگەرىپ تۇرا المايدى، ال الماس ءوزىن ەركىن مەڭگەرۋمەن بىرگە، ارەكەتتەردى سىناپ كورۋگە باتىلدىق ەتە الادى“ دەدى.
جاتتىعۋ بارىسىندا الماس مۇزدا سىرعاناۋ جاعىنداعى تالانتىن بايقاتىپ قالماستان، جاپاكەشتىك رۋحىن دا ايگىلەدى. فۋ ۋي:”مۇزدا سىرعاناۋدىڭ وزىندىك جاپاسى بار، جىعىلىپ جاراقاتتاناتىن جاعداي ۇنەمى تۋىلىپ تۇرادى، باسقا بالالار جىعىلعاننان قورقىپ شەگىنىپ شىقسا دا، الماس شەگىنشەكتەمەدى. قانشا رەت جىعىلسا دا، ورنىنان تۇرىپ جاتتىعۋىن جالعاستىراتىن. ونىڭ ۇزدىكسىز العا باسىپ، ءتۇرلى سيلىقتارعا يە بولعانىنا شىن جۇرەكتەن قۋانامىن“ دەدى.
الماس مۇزدا تەز سىرعاناۋدان تالاي مارتە مەملەكەتتىك جانە حالىقارالىق سيلىق الىپ، مەملەكەتتىك دەنە تاربيە باس مەكەسى جاعىنان حالىقارالىق دارەجەلى سپورت شەبەرى اتاعىن العان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى