ءتىلشىمىز جاڭ پەيچي حابارلايدى.”ماماندار سويلەگەن سالاماتتىق بىلىمدەرى مەن ءۇشىن وتە پايدالى بولدى. كەي كۇندەرى تۇندە تۇتقيىل جۇرەگىمنىڭ سوعۋى وتە تەزدەپ كەتەدى، جايشىلىقتا تۇرمىستاعى كوپتەگەن ىستەرگە دە نازار اۋدارىپ كەتپەيدى ەكەنبىز، مامانداردىڭ ساباعىن تىڭداعاننان كەيىن دەنساۋلىعىمىزعا كوبىرەك كوڭىل بولۋ كەرەكتىگىن ءتۇسىندىم“ دەدى شاۋەشەك قالاسى جاڭاجامبىل ءمالى باسقارماسى قۇلجا الەۋمەتتىك اۋماعىنىڭ تۇرعىنى لي يۋەيىڭ.
12 ـ ايدىڭ 1 ـ كۇنى شاۋەشەك قالاسىنىڭ جاڭاجامبىل ءمالى باسقارماسى 6 ـ توپتا ۇيىرمە ۇلگىسىندەگى شىنياڭنان شينجياڭعا كومەككە كەلگەن ەمدەۋ اترەتىنىڭ ءبىر ءبولىم شيپاگەرلەرىن ۇسىنىس ەتىپ، ”سالاماتتىقتى الەۋمەتتىك اۋماقتارعا جەتكىزۋ“ لەكسياسىن وتكىزىپ، تەگىن دەنساۋلىق تەكسەرۋ قيمىلىن ورىستەتىپ، تۇرعىندارعا سالاماتتىق جاعىنان قىزمەت وتەدى.
لەكسيادا شينجياڭعا كومەككە كەلگەن شيپاگەر تان لياڭ قاراپايىم دا ۇعىنىقتى تىلمەن ناقتىلى مىسالدار كەلتىرە وتىرىپ تۇرعىندارعا جوعارى قان قىسىم، جۇرەك ـ مي قان تامىر اۋرۋلارى سياقتى ۇنەمى كەزىگەتىن اۋرۋلاردىڭ كلينيكالىق بەلگىلەرىن، دارىمەن ەمدەۋ جانە كوڭىل بولەتىن ىستەردى ءتۇسىندىرىپ، تۇرعىندارعا جۇرەك ـ وكپە قىزمەتىن قالپىنا كەلتىرۋ سياقتى شۇعىل قۇتقارۋ شەبەرلىگىن ۇيرەتىپ، تۇرعىنداردىڭ القاۋىنا بولەندى.
“جۇرەك سوعۋى توقتاپ قالعاندا قانشا ۋاقىت ىشىندە شۇعىل قۇتقارۋ جۇرگىزۋ كەرەكتىگىن بىلەسىڭدەر مە؟”.
”جۇرەك سوعۋىنىڭ تۇتقيىل تەزدەۋى جۇرەك اۋرۋى سانالا ما؟“
جاڭاجامبىل ءمالى باسقارماسى قاراءدوڭ الەۋمەتتىك اۋماعىندا تۇرعىنداردىڭ بەلسەندىلىگى ارتىپ، مۇقيات تىڭداپ، مۇقيات ەستەلىككە الدى.
لەكسيا اياقتاعاننان كەيىن، كوپشىلىك قورالانا وتىرىپ، شينجياڭعا كومەككە كەلگەن شيپاگەر يۇي حۇيچاۋدان اقىل ـ كەڭەس سۇرادى.
تۇرعىن راحىمەتوللا قىزىرقان: ”شينجياڭعا كومەككە كەلگەن شيپاگەرلەردىڭ لەكسياسىن تىڭداعاننان كەيىن، تۇرمىستاعى شۇعىل قۇتقارۋ بىلىمدەرىن ۇيرەندىم، الداعى جەردە توسىن جاعدايلارعا جولىققاندا قالاي قۇتقارۋدى ءبىلدىم“ دەدى.
”شيپاحاناعا بارىپ ماماندارعا ناۋقاس كورسەتۋ ءۇشىن ۇزاق ۋاقىت وشىرەتكە تۇرۋعا تۋرا كەلەدى. بۇل جولى ماماندار ۇيىمىزگە كەلىپ تەگىن تەكسەرۋ قيمىلىن ورىستەتتى، بۇل ءبىز ءۇشىن تاپتىرماس تاماشا وراي، ولارعا شىن جۇرەكتەن العىس ايتامىن“ دەدى تۇرعىن ۋاڭ فۋلين.
ۇعىسۋعا قاراعاندا ، بۇل رەتكى قيمىل شاۋەشەك قالاسى جاڭاجامبىل ءمالى باسقارماسىنىڭ 5 الەۋمەتتىك اۋماعىندا ءبىر ۋاقىتتا ورىستەتىلىپ، 200 دەن استام تۇرعىن يگىلىككە كەنەلگەن ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى