□ ءتىلشىمىز جاڭ گوحۇي ەرىكتى ءتىلشى شياۋ يۇڭجۇڭ
”جاپالى كۇرەسپەن كەلگەن باقىت بالدان ءتاتتى ەكەن“. شيحۋ قالاسى شيحۋ قالاشىعى داۋان قىستاعىنىڭ تۇرعىنى بارات دۇيسەنبەك ءوز كەشىرمەلەرى ارقىلى وسى تۇجىرىمىن دالەلدەدى.
ەكى جىلدىڭ الدىندا بارات قوڭىر قالتا تۇرمىس كەشىرىپ جاتقان، تۇرمىسىندا قيىنشىلىعى بار وتباسى ەدى، كەيبىرەۋلەر ونى، ءتىپتى، جاتىپ ىشەر جالقاۋلار قاتارىنا كىرگىزگەن.
2020 -جىلى قىستاقتا تۇراتىن قىزمەت اترەتى مەن قىستاق ”ەكى كوميتەتىنىڭ“ كومەگىندە بارات جۇمىستانىپ، جاڭا ۇيگە كوشىپ كىرىپ، باقىتتى تۇرمىس كەشىرىپ، كۇن كورىسى دە جاقسارا ءتۇستى.
“جۇبايىم ەكەۋىمىزدە تۇراقتى قىزمەت جوق، ونىڭ ۇستىنە ەكى بالامىز دا وقۋدا، ءبىر ءۇيلى جان ەڭ تومەنگى تۇرمىستى قامتاماسىزداندىرۋ قاراجاتىنا سۇيەنەمىز. جۇبايىم مەن بالالارىمنىڭ ءوڭى ءتۇزۋ كيىمى دە جوق، كەيدە بالالار اۋرىپ -سىرقاپ قالسا ناۋقاس كورسەتۋگە دە اقشا تابا الماي قالامىن. جۇبايىم ەكەۋىمىز ءالى جاس بولساق تا تۇرمىستا باعىت -باعدار جوقتاي سەزىنىپ، نە ىستەرىمىزدى بىلمەي جۇرگەمىز” دەدى بارات.
2020 -جىلى 3 -ايدا شيحۋ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ قىستاقتا تۇراتىن قىزمەت اترەتىنىڭ مۇشەلەرى مەن قىستاق ”ەكى كوميتەتى“ باسشىلىق القاسىنىڭ مۇشەلەرى باراتتىڭ وتباسىنا كەلىپ، ونىڭ وتباسىلىق جاعدايىن ەگجەي -تەگجەيلى ۇعىسادى. سول كەزدە بارات پەن جۇبايى ولاردىڭ كەلگەنىن تىم جاقتىرماعان بولاتىن.
قىزمەت اترەتىنىڭ باستىعى، قىستاقتىڭ ءبىرىنشى شۋجيى ۋاڭ جيان بارات پەن جۇبايىنا بايسالدىلىقپەن كەڭەس بەرىپ: “جاس كەزدەرىڭدە قۇلشىنىپ كوپ ەڭبەكتەنىڭدەر، باقىت كۇرەسپەن كەلەدى، سەن ىستەۋگە پەيىل بولساڭ بولعانى، ءبىز بار كۇشىمىزبەن كومەكتەسەمىز” دەيدى.
وسى كەزدە بارىپ ءوز ويىن بىلدىرگەن بارات: “پالەندەي ونەرىمىز جوق، قولىمنان جوعارى ات كۇشىندىك تراكتور جۇرگىزۋ عانا كەلەدى، الايدا لايىقتى جۇمىس ورنى تابىلماي وتىر” دەيدى كىبىرتىكتەپ. “ونەر دەگەن وسى ەمەس پە، بىرگە امال قاراستىرىپ كورەيىك” دەيدى ۋاڭ جيان. قىزمەت اترەتىنىڭ باراتتىڭ جاعدايىنا قاراي قولدانعان كومەكتەسۋ-سۇيەمەلدەۋ سايكەستى شارالارى ونىڭ اۋقاتتانىپ، كىرىستى ارتتىرۋ جىگەرىن تاسقىنداتتى.
كوپ وتپەي قىزمەت اترەتى مەن قىستاق ”ەكى كوميتەتى“ باراتتى قىستاقتاعى ءبىر سەلبەستىك كووپەراتيۆىنە تراكتور جۇرگىزۋگە تانىستىردى. جۇبايى دا قالاشىقتاعى ءبىر اسحاناعا داياشى بولىپ ىستەپ، ەرلى -زايىپتى ەكەۋىنىڭ ايلىق كىرىسى 8000 يۋانعا جەتىپ، وتباسىنىڭ قيىنشىلىعى شەشىلدى.
بارات:”قازىرگىدەي جاعدايعا جەتۋ بۇرىن ويىمىزعا دا كىرمەگەن، جۇبايىم قالاشىقتا جۇمىس ىستەي ءجۇرىپ مەكتەپتەگى بالالارعا قارايلاسادى، قىزمەت اترەتى مەن قىستاق ‘ەكى كوميتەتىنە’ دەگەن العىسىمىز شەكسىز“ دەدى.
”سەلبەستىك كووپەراتيۆىندە جۇمىس ىستەگەن سوڭ بارىپ ەگىس جۇمىستارىنىڭ جاپا -ماشاقاتىن شىنايى سەزىندىم، كوبىندە شىلىڭگىر ىستىقتا اتىز باسىندا جۇرەمىز، كەيدە بوران -شاشىندا جەرگە تىڭايتقىش بەرۋگە، سۋارۋعا تۋرا كەلەدى. الايدا جۇبايىم مەن بالالارىمنىڭ ۇستىلەرىنە جاڭا كيىم كيىپ قۋانعانداعى بەينەسىن ويلاسام بولدى، بارلىق توككەن تەرىم تاتيتىنداي سەزىلەدى. قىزمەت اترەتىنىڭ مۇشەلەرى مەن قىستاق كادرلارى مەنى جاپاعا شىداماي قالاما دەپ الاڭداپ، ۇنەمى كوڭىل ءبولىپ جىگەرلەندىرگەندە كۇش -قۋاتىم ونان ارى تاسقىنداي تۇسەتىن“ دەدى بارات.
2020 -جىلى 9 -ايدا ۋاڭ جيان باراتتىڭ ءۇيىن كورىپ وعان: ”بولات قۇرىلىمدى ءۇي قىستا سۋىق، جازدا ىستىق بولادى، بۇعان ۇزاق ۋاقىت وتىرا المايسىڭ“ دەيدى.
كوپ ۇزاماي ۋاڭ جيان باراتتى ىزدەپ كەلىپ وعان كومەكتەسىپ، جاڭادان اۋىل -قىستاق بەيقۇت ءۇيىن سالىپ، باسپانا شارت -جاعدايىن جاقسارتپاقشى ەكەنىن، قىستاق پەن قىزمەت اترەتى ءارقايسىسى 10 مىڭ يۋاننان جاردەماقى بەرەتىنىن، وعان مەملەكەتتىڭ 18 مىڭ 500 يۋان ساياساتتىق قوسىمشا قاراجاتىن قوسقاندا باراتتىڭ ءوز جانىنان 20 مىڭ يۋان عانا شىعاراتىنىن ايتادى.
قىزمەت اترەتى قۇرىلىسشىلارعا حابارلاسىپ، قۇرىلىس ورنىن تەكسەرۋ، قۇرىلىس مەجە ەسەبىن جاساۋ جانە ءۇيدى جوبالاۋ جۇمىستارىن جۇرگىزەدى.
جاڭادان سالىناتىن ءۇيى 63 شارشى مەتر بولىپ، بارات سول كۇنى قۇرىلىس اترەتىمەن توقتامعا قول قويىسادى. ول: ”تەز ارادا جاڭا ۇيگە كوشىپ كىرەتىنىمىزگە جۇبايىم ەكەۋىمىزدىڭ قۋانعانىمىزدى ايتىپ سۇراما، كۇندە ايتاتىنىمىز ءۇيدىڭ اڭگىمەسى“ دەدى.
جۇمىستىڭ قارقىنىن جەدەلدەتۋ ءۇشىن، ۋاڭ جيان ءار كۇنى جۇمىس باسىنا بارىپ، قۇرىلىستىڭ ساپاسى مەن اياق الىسىن قاداعالاپ، ەرتەرەك سالىنىپ بولىپ، كوشىپ كىرۋىن ءۇمىت ەتتى. بارات تا كۇنى بويى ءۇيىنىڭ ماڭىن جيناستىرىپ، اۋلاسىن رەتتەۋمەن ابىگەر بولدى.
الايدا، باراتتىڭ كوڭىلىندە قۋانىشپەن قوسا ازداپ الاڭداۋشىلىق تا بار ەدى. قىس كىرگەننەن كەيىن سەلبەستىك كووپەراتيۆى مەن اسحانانىڭ جۇمىسى توقتاپ، جۇبايى ەكەۋى تاعى دا ۇيدە جۇمىسسىز قالادى، ەكونوميكالىق كىرىس بولماعاندىقتان، جاڭا ءۇيدى اشەكەيلەتۋگە ىستەتىلەتىن قاراجاتتى قايدان تابادى.
ونىڭ بۇل ويىن بىلگەن ۋاڭ جيان: ”الاڭداما، مەن قايتىپ بارعان سوڭ قىستاق كادرلارىمەن اقىلداسىپ كورەيىن“ دەيدى.
”ۋاڭ شۋجي وسىنى ايتقاندا مەن ونشا ءۇمىت ارتىپ كەتپەگەن بولاتىنمىن. الايدا بىرنەشە كۇن وتپەي تەلەفون سوعىپ، مەنى اماندىق قورعاۋشىسى بولۋعا جۇمىسقا تانىستىردى، ايلىق ەڭبەكاقىسى 2000 يۋان ەكەن. قۋانعانىمنان، ءسوزسىز، جاقسى ىستەۋگە بەكىندىم“.
بۇگىنگى كۇندە باراتتىڭ جاڭا ءۇيى سالىنىپ بولعان، ول جيناعان ەڭبەكاقىسىمەن ءۇيىن قاراپايىم اشەكەيلەتىپ، ءبىر ءۇيلى جان جاڭا ۇيگە كوشىپ كىرىپ، قىستا دا ءۇيىنىڭ ءىشى قىج -قىج قايناپ تۇراتىن بولدى.
”پارتيانىڭ ابزال ساياساتىنىڭ ارقاسىندا باقىتتى تۇرمىسقا جەتكەنىمە العىس ايتامىن. جاپا -ماشاقاتقا شىداپ ەڭبەك ەتسەم بولعانى، وزىمە تيەسىلى باقىتتى تۇرمىستى جاراتا الاتىنىما سەنەمىن“ دەدى بارات.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى