ءتىلشىمىز زىڭ جاۋمەي، ەرىكتى ءتىلشى حى شياۋيىڭ حابارلايدى. 5 جىل كەم بولعان 6 مۋ جەردى تولىقتاپ بەرگەنى ساۋان قالاسى ۇلانۇس قالاشىعى حۋاڭجيالياڭ جاڭا قىستاعى حۋاڭجيالياڭ گرۋپپاسىنىڭ تۇرعىنى جاڭ يۇيگونى قاتتى اسەرلەندىردى.
اسىلىندە 2016 -جىلى قىستاقتا جەردى بىرىكتىرگەندە جاڭ يۇيگونىڭ وتباسىنا 46.72 مۋ جەر ءبولىنىپتى، ول كەزدە رۋلەتكامەن ولشەگەندىكتەن، مۇنداي پارىق شىعاتىنىن ويلاماعان ەكەن. 2019 -جىلى ول بەيدوۋ جول نۇسقاۋىش جۇيەسى ورناتىلعان تۇقىم سەبۋ ماشيناسىمەن تۇقىم سەپكەن كەزدە ماشينانىڭ ولشەۋ ساعاتىنان ونىڭ جەرى نەبارى 40 مۋ بولىپ كورىنگەندە، ول بۇعان ونشا ءمان بەرىپ كەتپەگەن. سول جىلى كۇزدە ماقتا تەرەتىن كومباينمەن ماقتا جيناتقاندا ونىڭ جەرى تاعى دا 40 مۋ بولىپ شىققاندا بارىپ بۇعان نازار اۋدارعان ەكەن.
جاڭ يۇيگو 46.72 مۋ جەردىڭ ولشەمى بويىنشا جەر استى سۋ بايلىعى اقىسىن تاپسىرىپ كەلگەندىكتەن، بۇل ءىستى قىزمەت اترەتى مەن قىستاق ”ەكى كوميتەتىنە“ اڭىس ەتەدى. كەيىن كەلە تاعى 20 نەشە وتباسىندا وسىنداي جاعداي بايقالعان، الايدا ءتۇرلى سەبەپتەرمەن لايىقتى شەشىمىن تاپپاي كەلگەن ەكەن.
بيىل 3-ايدا ساۋان قالالىق وقۋ-اعارتۋ جانە عىلىم - تەحنيكا مەكەمەسىنىڭ قىستاقتا تۇراتىن قىزمەت اترەتىنىڭ باستىعى، قىستاقتىڭ ءبىرىنشى شۋجيى ما حايلۇڭ وتباسىلارىن ارالاپ جاعداي ۇعىسۋ بارىسىندا جاڭ يۇيگو مەن باسقا قىستاق تۇرعىندارى وسى ءىستى تاعى دا اڭىس ەتەدى.
قىزمەت اترەتى مەن قىستاق”ەكى كوميتەتى“ بۇل ءىستى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ ماڭىزدى مازمۇنىنىڭ ءبىرى ەتىپ، قىستاق تۇرعىندار ۋاكىلدەرى جينالىسىنا سالىپ، شينجياڭ جيڭۋي جىلجىمايتىن مۇلىكتى ولشەۋ -سىزۋ شەكتى سەرىكتەستىگىن ۇسىنىس ەتىپ، قىستاقتىڭ جەرىن 2016-جىلعى جەر بولىكتەرى مەن رەتى بويىنشا قاتاڭ تۇردە دالمە -ءدال ولشەپ، قايتا تۇراقتاندىرۋدى بەلگىلەيدى.
جۇمىستىڭ جاريا، تەڭ، ءادىل بولۋى ءۇشىن، قىستاق پارتيا باس ياچەيكاسىنىڭ شۋجيى، قىستاق تۇرعىندارى ۋاكىلى بولىپ 10 نەشە ادامنان ۇيىمداسقان جەردى قايتا تۇراقتاندىرۋ قىزمەتى باسشىلىق گرۋپپاسىن قۇرادى.
بۇل قىزمەت 10 -ايدىڭ 27-كۇنى باستالىپ، 11-ايدىڭ 3-كۇنى اقىرلاسادى.
جەردى قايتا تۇراقتاندىرعان كەزدە قىستاق تۇرعىنى چىڭ تيانشان قىستاق جاعدايىمەن، حالىق تىلەگىمەن ۇشتاستىرا وتىرىپ بەلسەنە كەڭەس بەرسە؛ قىستاق تۇرعىنى ما يۇڭگو ءوز كولىگىن تەگىن جۇرگىزىپ بەردى؛ ال قىستاق تۇرعىنى جاڭ ۋىنجۇن جالپى جاعدايدى ويلاستىرىپ، قىستاق كادرلارىنىڭ ءوز وتباسىنىڭ جەرىن رەتتەۋىنە سايكەستى...
قايتا تۇراقتاندىرۋ ارقىلى حۋاڭجيالياڭ گرۋپپاسىندا 6642.72 مۋ جەر بار ەكەنىن انىقتاپ، 243 وتباسىنىڭ ەگىستىك جەرىنىڭ مۋ سانىن تۇراقتاندىرىپ، شەكاراسىن ايقىندادى. ەگىستىك جەرى دۇرىس بولىنبەگەن 63 وتباسىنىڭ جەرىن قايتالاي تەڭشەپ تۇراقتاندىردى، وسى بارىستا قىستاق كوللەكتيۆىنە تاعى 110 مۋ جەر قوسىلدى.
11 -ايدىڭ 9 -كۇنى مەردىگەر شاقىرۋ ارقىلى وسى جەرلەردى تۇگەلدەي كوتەرمەگە بەرىپ، قىستاق كوللەكتيۆىنىڭ كىرىسىن 40 مىڭ يۋان ارتتىردى.
ما حايلۇڭ: ”قىستاق تۇرعىندارى ءۇشىن جەردى قايتا تۇراقتاندىرۋدىڭ ءمانى زور، بۇل قىستاق قىزمەتىنىڭ جاريالىلىعىن ارتتىرىپ، كادرلار مەن بۇقارانىڭ بايلانىسىن بەكەمدەپ، كەدەيلىكتەن ارىلتۋدان قامال الۋدىڭ جەتىستىگىن بەكەمدەۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ويداعىداي ىستەۋگە بەرىك نەگىز قالادى. قىزمەت اترەتى حالىقتىڭ ۇنىنە جالعاستى قۇلاق اسىپ، حالىق تىلەگىن ۇعىسىپ، قىستاق ‘ەكى كوميتەتىمەن’ سەلبەسىپ ناقتى ىستەردى ىستەپ، حالىقتى ۋايىمنان ارىلتادى“ دەدى.
”الداعى جەردە قىستاق تۇرعىندارىنا قىزمەت وتەۋ قابىلەتىمىز بەن دەڭگەيىمىزدى ۇزدىكسىز جوعارىلاتىپ،كوپشىلىكتىڭ اناعۇرلىم باقىتتى تۇرمىس كەشىرۋىنە مۇمكىندىك جاراتامىز“ دەدى قىستاق كوميتەتىنىڭ مەڭگەرۋشىسى لياڭ جيانشين.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى