حالىقارالىق ءزايتۇن دوپ القالار كەڭەسى (IRB) شياڭگاڭدا 9-جەلتوقساندا 2014-جىلعى دۇنيە جۇزىلىك جاستار ءزايتۇن دوپ ساۋىتىنا تالاسۋ جارىسىنىڭ گرۋپپالارعا ءبولىنۋ جاعدايى مەن جارىس كۇن ءتارتىبىن جاريالادى. بۇل وسى تۇردەگى جارىستىڭ تۇڭعىش رەت ازيادا وتكىزىلۋى.
جارىس 2014-جىلى 7-ساۋىردەن 19-ساۋىرگە دەيىن شياڭگاڭدا وتكىزىلىپ، كانادا، گرۋزيا، جۇڭگو شياڭگاڭ، جاپونيا، ناميبيا، تونگا، ا ق ش جانە ۋرۋگۆاي كوماندالارى جارىسقا قاتىناسادى. 2012-جىلعى جارىستىڭ اعا جۇلدەگەرى ا ق ش كومانداسى تونگا، گرۋزيا جانە وتاعاسى ەل جۇڭگو شياڭگاڭ كومانداسىمەن بىرگە A گرۋپپاعا؛ كانادا، جاپونيا، ۋرۋگۆاي جانە ناميبيا كومانداسى B گرۋپپاعا ءبولىندى.
وسى كەزەكتى جاستار ساۋىتىنا تالاسۋ جارىسىندا اعا جۇلدەگەر بولعان كوماندا 2015-جىلعى حالىقارالىق ءزايتۇن دوپ القالار كەڭەسىنىڭ جاستار ءزايتۇن دوپ دۇنيە جۇزىلىك جۇلدەلى جارىسىنا قاتىناسۋ تولىمدىلىعىنا يە بولادى. ا ق ش كومانداسى 2012-جىلى اعا جۇلدەگەرلىكتى ەنشىلەگەننەن كەيىن دارەجەسى جوعارىلاعان، الايدا، بيىلعى جاستار دۇنيە جۇزىلىك جۇلدەلى جارىسىندا قاتارعا تۇرعىزۋدا ارتتا قالعاندىقتان، دارەجەسى ءتۇسىرىلىپ، جاستار ساۋىتىنا تالاسۋ جارىسىنا قاتىناساتىن بولعان.
كانادا كومانداسى 2012-جىلعى جارىستا التىنشى بولعانىمەن، بيىل ماۋسىمدا چيليدە وتكىزىلگەن 2013-جىلعى جارىستا شەشۋشى جارىسقا ءتۇسىپ، ەڭ سوڭىندا 45 كە قارسى 23 ۇپايمەن يتاليا كومانداسىنان جەڭىلىپ قالادى.
حالىقارالىق ءزايتۇن دوپ القالار كەڭەسىنىڭ (IRB) دۇنيە جۇزىلىك جاستار ءزايتۇن دوپ ساۋىتىنا تالاسۋ جارىسى 2008-جىلى قۇرىلىپ، بيىل چيليدە وتكىزىلگەن جارىستى 35 مىڭنان استام كورەرمەن تاماشالاپ، تىڭ ناتيجە جاراتقان.
رەداكتورى : ءجازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.