حالىقارالىق وليمپيادا كوميتەتى جۋىقتا مالىمدەمە جاريالاپ، قىسقى وليمپيادا سپورتشىلارىنىڭ سوچيدا داۋ-شاردىڭ شۇڭەتىنە باتۋدان، ياعني ءارقانداي ساياسي سيپاتتى جانە داۋ-شارعا ساياتىن ىستەردەن اۋلاق بولۋمەن بىرگە، رەسەي جەرلىك ۇكىمەتىنىڭ زاڭ-ەرەجەلەرىنە بويسۇنۋى كەرەكتىگىن ەسكەرتتى.
حالىقارالىق وليمپيادا كوميتەتىنىڭ ءتوراعاسى باح: «ءبىزدىڭ باستى نەگىزىمىز وليمپيادا نەگىزگى زاڭىنىڭ 50 تارماقتى ەرەجەسى، ءارقانداي ساياسي، ءدىني ءتۇس العان جانە ءناسىل كەمسىتۋشىلىككە ساياتىن وسەك-اياڭ مەن ارەكەتتەرگە وليمپيادا سپورت جارىسى كەزىندە تيىم سالىنادى. بۇل نەگىزگى پرينسيپ ءارى سپورتشىلاردى ساياسي قاقتىعىسقا ارالاسۋدان قورعاۋدىڭ تەتىگى» دەدى.
حالىقارالىق وليمپيادا سپورت جارىسى كوميتەتىنىڭ ءتوراعاسى باح كەزىندە سەمسەر سپورتشىسى بولاتىن ءارى گەرمانيا كومانداسىنا ۋاكىلاتان 1976-جىلى مونترەال وليمپيادا سپورت جارىسىندا جەڭىل سەمسەر سايىسى جارىسىنىڭ توپتىق اعا جۇلدەگەرلىگىن يەلەگەن. باح: «مەنىڭ باسىمنان دا مۇنداي ءىس وتكەن، ءبىر سپورتشى تۇرعىسىنان سەن وليمپيادا قىستاعى نەمەسە وليمپيادا الاڭىندا ساياسي سيپاتتى داۋ-شارعا ارالاسۋدى استە قالامايسىڭ» دەدى.
سوچي وليمپيادا سپورت جارىسى 2014-جىلى 7-اقپاننان 23-اقپانعا دەيىن رەسەيدىڭ سوچي قالاسىندا وتكىزىلەدى، بۇل رەسەي تاريحىندا تۇڭعىش رەت قىسقى وليمپيادا سپورت جارىسىن وتكىزۋى ەسەپتەلەدى.
رەداكتورى : ءجازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.