ءتىلشىمىز داي جياۋمەي حابارلايدى. ”كوپتەن -كوپ راقىمەت، قىزمەت اترەتى بىزگە اقشالاي جىلۋ اتاعانىمەن بىرگە، مەكەمەدەگى كادر، جۇمىسشى -قىزمەتكەرلەردى جىلۋ اتاۋعا جۇمىلدىرىپ، ءبىزدىڭ قيىن وتكەلدەن وتۋىمىزگە كومەكتەستى“ دەدى جۋىقتا شاۋەشەك قالاسى ابدىرا اۋىلى ۋحۋ قىستاعىنىڭ تۇرعىنى ما فۋحۋا ۇلى اتىنان قىزمەت اترەتىنىڭ جىلۋ اقشاسىن تاپسىرىپ العاندا.
ما فۋحۋانىڭ ۇلى ليۋ جيجۇن بيىل 48 جاستا، انا -بالا ەكەۋى ءبىر-بىرىنە سۇيەۋ بولىپ كۇن وتكىزىپ كەلە جاتقان. ليۋ جيجۇن جوعارى قان قىسىم، جەل - قۇز سيپاتتى رەۆماتيزم اۋرۋىنا شالدىققاندىقتان، كوپ جىلدان بەرى اۋىر ەڭبەككە جاراماي قالعان ول تاياۋدا سالدانىپ توسەك تارتىپ جاتىپ قالادى.
ما فۋحۋا دا قانتتى نەسەپ اۋرۋىنا شالدىققان، جىل بويى ءدارى - دارمەكتەن قول ۇزە المايتىن. انا -بالا ەكەۋى ءبىر شاعىن دۇكەن مەن 30 مۋ جەردەن كىرگەن كىرىسكە سۇيەنىپ كۇنەلتىپ كەلگەن، تۇرمىستىق قيىنشىلىقتارى ءبىرشاما اۋىر ەدى.
شاۋەشەك قالالىق انا-بالالاردىڭ دەنساۋلىعىن قورعاۋ، جوسپارلى تۋىتقا قىزمەت وتەۋ ورتالىعىنىڭ ۋحۋ قىستاعىندا تۇراتىن قىزمەت اترەتى ليۋ جيجۇننىڭ وتباسى جاعدايىن بىلگەننەن كەيىن ۇنەمى ولاردىڭ جاعدايلارىن ۇعىسىپ،ءدارى -دارمەك جەتكىزىپ بەرىپ تۇرادى. كوكتەمگى ەگىس كەزىندە قىستاقتاعى پارتيا مۇشەلەرىن، اۋىل شارۋاشىلىق ماشينالارىن جۇرگىزەتىن وتباسىلارىن جۇمىلدىرىپ، ليۋ جيجۇنعا كومەكتەسىپ ەگىن ەكسە، كۇزدە تاعى جيىن -تەرىنگە كومەكتەسەدى.
”جەردى كوتەرمەگە بەرسەك، كىرىسى ماردىمسىز بولىپ قالادى ەكەن، ءبىز قىستاق’ەكى كوميتەتىمەن‘ اقىلداسىپ، ءار جىلى ليۋ جيجۇننىڭ وتباسىنا ەگىس جۇمىسىنا كومەكتەسىپ تۇراتىن بولدىق، وسىلاي ىستەسەك، كىرىسى ءبىر ەسە جوعارى بولادى ەكەن“ دەدى قىزمەت اترەتىنىڭ باستىعى، قىستاقتىڭ ءبىرىنشى شۋجيى گو شيۋتاۋ.
بيىل 9 -ايدىڭ 26 -كۇنى ليۋ جيجۇننىڭ جۇرەك قان تامىرى تۇتقيىل توسىلىپ، شينجياڭ مەديتسينا داشۋەسىنە قاراستى 1 -شيپاحاناعا شۇعىل جوتكەپ، وپەراتسيا جاساتادى.
ليۋ جيجۇن وپەراتسيادان شىققان سوڭ ەكى كۇنگە جەتپەيتىن ۋاقىتتا ەمدەلۋگە 100 مىڭ يۋاننان استام قاراجات جۇمسالادى، جالعاستى ەمدەلۋىنە ءالى دە قىرۋار قاراجات كەرەك ەدى.
مۇنداي كوپ ەمدەلۋ قاراجاتى انا -بالا ەكەۋىن تۇبەگەيلى تۇرالاتىپ جىبەرەدى.
بۇدان حابار تاپقان گو شيۋتاۋ دەرەۋ شۇيدي جىلۋ اتاۋ تۇعىرى ارقىلى 300 يۋان جىلۋ اتايدى ءارى جىبەرگەن ورىنعا بۇل ءىستى مالىمدەيدى. شيپاحانا پارتيا ياچەيكاسى دەرەۋ زور جيىن اشىپ، بارلىق كادرلار، جۇمىسشى - قىزمەتكەرلەردى جىلۋ اتاۋعا جۇمىلدىرادى.
قىسقا عانا ءۇش كۇندە جىبەرگەن ورىنداعى كادرلار مەن جۇمىسشى- قىزمەتكەرلەر 7250 يۋان جىلۋ اتايدى. ما فۋحۋا مەن ۇلى كوزدەرىنە ىستىق جاس الىپ: ”كوممۋنيستىك پارتياعا راقىمەت، پارتيانىڭ جاقسى كادرلارىنا راقىمەت“ دەپ اۋىز جاپپاي العىس جاۋدىردى.
پارتيا تاريحىن ۇيرەنۋ تاربيەسى ورىستەتىلگەننەن بەرى شاۋەشەك قالالىق انا-بالالاردىڭ دەنساۋلىعىن قورعاۋ، جوسپارلى تۋىتقا قىزمەت وتەۋ ورتالىعى پارتيا ياچەيكاسى مەن قىستاقتا تۇراتىن قىزمەت اترەتى”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ورىستەتىپ، كاسىپتىك جاقتاعى قولايلىلىقتارىنان پايدالانىپ، ۇنەمى قىستاق تۇرعىندارىنىڭ قان قىسىمدارىن ولشەپ، سوزىلمالى اۋرۋلارىن تەكسەرىپ تۇردى ءارى بۇقارامەن ەتەنە بولىپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن ۇعىسىپ، بۇقارا اڭىس ەتكەن قيىنشىلىقتاردى بار كۇشپەن شەشىم ەتىپ كەلەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى