ءتىلشىمىز ۋاڭ گاۋشىڭ حابارلايدى. بيىل اۋىل-قىستاقتى گۇلدەندىرۋ قىزمەتىن ورىستەتكەن ءبىرىنشى جىل. تاياۋدا تارباعاتاي ايماقتىق دامۋ جانە رەفورمالاۋ كوميتەتىنەن ۇعىسۋىمىزشا، بيىل ايماق كوپتەگەن شينجياڭعا باعىتتامالى كومەكتەسۋ نىساندارىن اتقارىپ، اۋىل-قىستاقتى گۇلدەندىرۋدىڭ جاڭا جاعدايىن اشۋعا دەم بەرگەن ەكەن.
ءدوربىلجىن اۋدانى قالاماڭى اۋىلى گانچۋان قىستاعى اۋىل شارۋاشىلىعىن نەگىز ەتەتىن قىستاق، قىستاقتا 344 وتباسى، 918 جان سانى بار. بۇل قىستاق ءدوربىلجىن پويەز بەكەتى مەن مەملەكەت جولى 219 -لەنياسىنا ىرگەلەس، اۋدان قالاشىعىنان 4 كيلومەتر قاشىقتىققا ورنالاسقان، قاتىناس قولايلى بولعاندىقتان اۋىل -قىستاق ساياحاتىن دامىتۋعا ءتيىمدى.
بيىل اۋداندىق حالىق سوتى مەكەمەسىنىڭ قىستاقتا تۇراتىن قىزمەت اترەتى مەن قىستاق ”ەكى كوميتەتىنىڭ“ بەلسەنە ات سالىسۋىندا، 10 ميلليون يۋان شينجياڭعا كومەكتەسۋ قارجىسىنا قول جەتكىزىپ، ءدوربىلجىن اۋدانىنىڭ اۋىل -قىستاق ساياحات كاسىبىن جەتىلدىرۋ باقشا نىسانىن اتقاردى.
بۇل نىساننىڭ يەلەگەن جەر اۋماعى 23 مۋ بولىپ، جاڭادان 2600 شارشى مەترلىك ناقتى جاتتىعۋ بازاسىن، 7000 شارشى مەترلىك جەردى اسفالتتاندىرۋ -بەتونداۋ، جاسىلداندىرۋ سياقتى نەگىزدىك قۇرىلعىلار مەن سايكەستى قۇرىلعىلار قۇرىلىسىن سالعان. قازىرگە دەيىن قۇرىلىستىڭ %90 ى سالىنىپ بولعان.
قىزمەت اترەتىنىڭ باستىعى، قىستاقتىڭ ءبىرىنشى شۋجيى پان شينليڭ: ”شينجياڭعا كومەكتەسۋ قارجىسى قىستاعىمىزدىڭ اۋىل -قىستاق ساياحاتىن دامىتۋعا بەرىك نەگىز قالادى، اسىرەسە اۋىل - قىستاقتى گۇلدەندىرۋدى سارقىلماس قوزعاۋشى كۇشپەن قامدادى“ دەدى.
بيىل جىل باسىنان بەرى ايماعىمىز پارتيا تاريحىن ۇيرەنۋمەن تىعىز ۇشتاستىرىپ، شينجياڭ تارباعاتاي ءتۇيىندى دامىتۋ-ەسىك اشۋ سىناق رايونىن وراي ەتىپ، شينجياڭعا كومەكتەسۋ قارجىسىن شوعىرلاندىرىپ، ويداعىداي پايدالانىپ، ايماعىمىزدىڭ ەمدەۋ-دەنساۋلىق ساقتاۋ، مادەنيەت، وقۋ-اعارتۋ، اۋىل -قىستاقتى گۇلدەندىرۋ سياقتى جاقتارىنداعى نەگىزدىك قۇرىلعى قۇرىلىسىن ونان ارى بەكەمدەپ،” 14 -بەسجىلدىق“ جوبانىڭ اتقارىلۋىنا جاقسى باستاما اشىپ، ءساتتى قادام باستى.
شاۋەشەك قالالىق حالىق شيپاحاناسى وڭتۇستىك رايونىنىڭ بالنيتسا ءبولىمى 2020-جىلى جالعاستى سالىنعان نىسان، شينجياڭعا كومەكتەسۋ قارجىسىنان جيىنى 60 ميلليون يۋان قارجى قوسىلعان، جالپى قۇرىلىس كولەمى 19 مىڭ 629 شارشى مەتر. بۇل نىسان 2017 - جىلى 9 -ايدا جۇمىس باستاعان، بيىل قۇرىلىس اياقتالىپ پايدالانۋعا بەرىلەدى ەكەن.
شيپاحانانىڭ ورىنباسار باستىعى ساي جيانيۇڭ: ”بالنيتسا ءبولىمى جاڭادان 440 توسەك ورنىن كوبەيتىپ، كوپ جىلدان بەرگى بالنيتسا توسەك ورنىنىڭ تاپشى بولۋ جاعدايىن وڭايدى. سونىمەن بىرگە، ناۋقاستاردىڭ جاقىن ماڭدا شيپاحاناعا جاتىپ ەمدەلۋ قاجەتىن قاناعاتتاندىرىپ، جەرگىلىكتى ناۋقاستاردىڭ سىرت جەرلەرگە بارىپ ەمدەلۋ شىعىسىن ءونىمدى تومەندەتكەن حالىق تۇرمىسى ينجەنەرياسى سانالادى“ دەپ تانىستىردى.
ۇعىسۋعا قاراعاندا، بيىلعى شينجياڭعا كومەكتەسۋ نىساندارى ەمدەۋ - دەنساۋلىق ساقتاۋ، اۋىل -قىستاقتى گۇلدەندىرۋ، مادەنيەت، وقۋ-اعارتۋ سياقتى كوپتەگەن سالالارعا سايادى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى