ءتىلشىنىڭ اۆتونوميالى رايوندىق حالىق قۇرىلتايى تۇراقتى كوميتەتى كەڭسەسى حابارلاعان الەۋمەتتىك دەنساۋلىق ساقتاۋ بويىنشا قىزمەت وتەۋ جۇيەسى قۇرىلىسىن باقىلاۋ تەبىنىن كۇشەيتۋگە قاتىستى اقپار جاريالاۋ ماجىلىسىنەن ۇعىسۋىنشا، رايونىمىزدا اۋرۋ - سىرقاۋدان ساقتانۋ، تىزگىندەۋ، ايەلدەر مەن بالالاردىڭ دەنساۋلىعىن قورعاۋ، جان ساۋلىعىن ساقتاۋ جانە ەمدەۋ، شۇعىل قۇتقارۋ، ەمدەۋ، قان الۋ، قان بەرۋ، دەنساۋلىق ساقتاۋدى باقىلاۋ سياقتى كاسىپتىك الەۋمەتتىك دەنساۋلىق ساقتاۋ قۇرىلىمدارىن نەگىزگى تىرەك، اۋىل - قالاشىق ەمحانالارى، قىستاق دەنساۋلىق ساقتاۋ ءۇيى جانە قالا الەۋمەتتىك اۋماق دەنساۋلىق ساقتاۋ بويىنشا قىزمەت وتەۋ ورتالىقتارى (پۋنكت) سياقتى قالا، اۋىل نەگىزگى ساتى ەمدەۋ، دەنساۋلىق ساقتاۋ قۇرىلىمدارىن جەلى تياناعى، ءار دارەجەلى، ءار ءتۇرلى ەمدەۋ قۇرىلىمدارىن تايانىش، تۇتاس قوعام ات سالىسۋدى تىرەك ەتكەن، جالپى حالىقتى قامتىعان الەۋمەتتىك دەنساۋلىق ساقتاۋ بويىنشا قىزمەت وتەۋ جۇيەسى نەگىزىنەن قالىپتاسىپ بولعان.
سوڭعى جىلداردان بەرى، اۆتونوميالى رايوندىق پارتكوم پارتيا ورتالىق كوميتەتىنىڭ ”سالاماتتى جۇڭگو“ ورنالاستىرۋىن مىقتاپ ارقاۋ ەتىپ، حالىقتى وزەك ەتۋگە تاباندى بولىپ، اۆتونوميالى رايوننىڭ الەۋمەتتىك دەنساۋلىق ساقتاۋ بويىنشا قىزمەت وتەۋ جۇيەسى قۇرىلىسىن ۇزدىكسىز كۇشەيتىپ، جالپى حالىقتىق الەۋمەتتىك دەنساۋلىق ساقتاۋ بويىنشا قىزمەت وتەۋ جۇيەسىن نەگىزىنەن قالىپتاستىرىپ، ساياسات جاعىنان قامتاماسىزداندىرۋ مەحانيزمىن ونان ارى كەمەلدەندىرىپ، جۇقپالى اۋرۋدىڭ الدىن الۋ، تىزگىندەۋ ونىمدىلىگىن كورنەكتى جوعارىلاتتى، توسىن الەۋمەتتىك دەنساۋلىق ساقتاۋ وقيعالارىنا توتەپ بەرۋ قۋاتىن ونان ارى ارتتىرىپ، اۋدان كولەمىندە ەمدەۋ ورتاق تۇلعاسىن قالىپتاستىرۋدىڭ باستاپقى ونىمدىلىگى كورىلىپ، اۆتونوميالى رايوننىڭ ەكونوميكالىق، قوعامدىق دامۋىنا، قوعام ورنىقتىلىعى مەن باياندى تىنىشتىعىنا سالاماتتىق جونىنەن نەگىز قالادى. 2020 - جىلدىڭ سوڭىنا دەيىن تۇتاس رايونىمىزدا بار ءار دارەجەلى، ءار ءتۇرلى ەمدەۋ، دەنساۋلىق ساقتاۋ قۇرىلىمدارى 15 مىڭ 600 گە، توسەك ورىن 160 مىڭ 500 گە، ەمدەۋ، دەنساۋلىق ساقتاۋ قىزمەتىمەن شۇعىلداناتىندار 163 مىڭ 200 ادامعا؛ ءار دارەجەلى اۋرۋدان ساقتانۋ جانە تىزگىندەۋ ورتالىقتارى 117 گە، الەۋمەتتىك دەنساۋلىق ساقتاۋ قىزمەتىمەن شۇعىلداناتىندار 10 مىڭ 700 ادامعا جەتتى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى