ەرىكتى ءتىلشى جوۋ جيانشۇي حابارلايدى. ”تۇرعىندار نازار اۋدارىڭىزدار، ۇيدەن شىعاردا، ءسوزسىز، ماسكا تاعىڭىزدار، استە كولەمدى باس قوسۋ وتكىزۋلەرىڭىزگە، جينالىپ تاماقتانۋلارىڭىزعا بولمايدى...“ ءار كۇنى ساعات 12 دەن باستاپ ارگۇڭ قالاشىعى زوگۇڭسى قىستاعىنىڭ ۇلكەن لاباسىندا كوپشىلىكتىڭ ىندەتتەن ساقتانۋ-تىزگىندەۋ قىزمەتىن ويداعىداي ىستەۋ كەرەكتىگى ەسكەرتىلەدى.
ىندەتتەن ساقتانۋ-تىزگىندەۋ قىزمەتى بارىسىندا شاۋەشەك قالالىق بازار باسقارۋ مەكەمەسىنىڭ زوگۇڭسى قىستاعىندا تۇراتىن قىزمەت اترەتى مەن قىستاق ”ەكى كوميتەتى“ ۇنەمى حالىق تۇرمىسىنا باسا نازار اۋدارىپ، بۇقارانىڭ ويلاعانىن ويلاپ، بۇقارانىڭ اسىققانىنا اسىقتى.
قىزمەت اترەتى مەن قىستاق ”ەكى كوميتەتى“ قىستاقتا جىلجىمالى حالىق سانى كوپ بولاتىندىعىن، مەرەكەدە ارالاپ قىدىرۋ، ءبىر اراعا توپتالۋداي ءداستۇرلى داعدىنىڭ ىندەتتەن ساقتانۋ-تىزگىندەۋ قىزمەتىندەگى ءالسىز بۋىن ەكەندىگىن بايقاپ، وتكەلدى الدىعا جىلجىتىپ، حاۋىپ -قاتەردەن الدىن الا ساقتاندى. قىستاقتا ىندەتتەن ساقتانۋ بۇيىمدارى كەمشىل بولۋ ماسەلەسىنە قاراتا قىزمەت اترەتى مەن قىستاق ” ەكى كوميتەتى“ ەرتە باستان دايىندىق كورىپ، بەلسەنە سايكەستىرىپ، قىستاق تۇرعىندارىنا دارىگەرلىكتە ىستەتىلەتىن ماسكا، گرادۋس ولشەۋىش، زارارسىزداندىرۋ سۇيىقتىعى، ىندەتتەن ساقتانۋ ۇگىت قولدانباسى سياقتى زاتتىق بۇيىمداردى تەگىن تاراتتى.
ىندەتتەن ساقتانۋ زاتتىق بۇيىمدارىن تەگىن تاراتۋمەن بىرگە، قىزمەت اترەتى مەن قىستاق ” ەكى كوميتەتى“ قىستاق تۇرعىندارىنا ” قولدى ۇنەمى جۋۋ، سىرتقا شىعاردا ماسكا تاعۋ، جەكە باسىنىڭ ىندەتتەن ساقتانۋ شارالارىن ويداعىداي ىستەۋ “ سياقتى ىندەتتەن ساقتانۋ-تىزگىندەۋ بىلىمدەرى مەن ماسكانى دۇرىس تاعۋ ءتاسىلىن ۇگىتتەدى. جاسى ۇلعايعان قارتتارعا جولىعا قالعان جەردە قولما -قول ماسكانى دۇرىس تاعۋدى كورسەتىپ وتىردى.
ىندەتتەن ساقتانۋ بۇيىمدارىن العان قىستاق تۇرعىندارىنىڭ جۇزىنەن شاتتىق كۇلكىسى ەسىپ، باس بارماقتارىن شىعارىپ، قىزمەت اترەتى مەن قىستاق ”ەكى كوميتەتىنىڭ“ وسى ءبىر ىزگى ىستەرىن اۋىز جاپپاي القادى.
قىزمەت اترەتىنىڭ ورىنباسار باستىعى ساۋ جيانحۇي: ”ىندەتتەن ساقتانۋ بۇيىمدارىن تاراتۋىمىز، وتباسىلارىن ارالاپ ىندەتتەن ساقتانۋ-تىزگىندەۋ بىلىمدەرىن ۇگىتتەۋىمىز ءبىز ورىستەتىپ وتىرعان ’مەن بۇقارا ءۇشىن ناقتى ءىس ىستەيمىن‘ امالياتتىق قيمىلىنىڭ ءبىر بولىگى عانا. الداعى قىزمەت بارىسىندا، ءبىز بۇقاراعا ناقتى، جىڭىشكەلىكپەن قىزمەت وتەپ، ءار ۇلت بۇقاراسىنا پارتيانىڭ مەيىرىن سەزىندىرە تۇسەمىز“ دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى