ءتىلشىمىز ۋاڭ گاۋشىڭ، ەرىكتى ءتىلشى ۋي يانران
19-قاراشادا شاۋەشەك قالاسى ەمىل اۋىلىنىڭ تۇرعىنى گوۋ جىفىڭ مەن شەشەسى شاۋەشەك قالالىق قوعام حاۋىپسىزدىگى مەكەمەسىنە قامقا تۋ ۇسىندى.
5-قاراشا تۇنگى ساعات 12 مولشەرىندە قاتىناس ساقشى ۇلكەن اترەتى 110 قولباسشىلىق ەتۋ ورتالىعىنىڭ شاۋەشەك قالاسى ەمىل اۋىلدىق ۇكىمەتى مەن يۋانلين قىستاعى جولىنىڭ تۇيىلىسىندە قاتىناس شىرعالاڭى تۋىلعاندىعى جونىندەگى تەلەفونىن قابىلداپ، دەرەۋ ناق مايدانعا اتتانادى.
ناق مايدانعا بارعان حالىق ساقشىسى ياۋ جۇنفىڭ: « ءبىز ناق مايدانعا بارعانىمىزدا شىرعالاڭ تۋدىرعان اۆتوموبيل قاشىپ كەتكەن ەكەن، شىرعالاڭدا ءبىر ادام قازا بولىپتى. شىرعالاڭ تۋىلعاندا قالعان اۆتوموبيلدىڭ جان ايناسىنىڭ سىنىعى بىزگە قالعان بىردەن – ءبىر ءجىپ ۇشى بولدى » دەدى.
گوۋ xx شاۋەشەك قالاسى ەمىل اۋىلى يۋانلين قىستاعىنىڭ تۇرعىنى ەكەن. حالىق ساقشىسى 4-قاراشادا گوۋ xx تىڭ تۋىسىنىڭ ۇيىنە قوناققا كەتكەننەن قايتا ورالماعاندىعىن، ونىڭ ايەلى مەن بالاسى گوۋ جىفىڭنىڭ موتوتسيكلمەن ىزدەپ تابا الماعاندىعىن، ارتىنان جاياۋ شىعىپ ىزدەپ، ەڭ سوڭىندا جول شەتىندە شىرعالاڭعا ۇشىراپ قازا بولعانىن بايقاپ، دەلو مالىمدەگەندىگىن ءبىلدى.
ناق مايداندا قالعان جان اينانىڭ سىنىقتارىن قۇراستىرۋ ارقىلى قاتىناس ساقشى ۇلكەن اترەتى شىرعالاڭ تۋدىرعان اۆتوموبيلدىڭ « بەيجيڭ فۋتيان » ماركالى اق ءتۇستى جەڭىل جۇك اۆتوموبيلى ەكەندىگىن العاشقى ساتىدا تۇراقتاندىردى.
ياۋ جۇنفىڭ: « ءبىز ايماقتىق اۆتوموبيل باسقارۋ بولىمشەسىنىڭ ينفورماتسيا قويماسىنان 2009-جىلدان 2012-جىلعا دەيىنگى وسى تەكتەس شىرعالاڭ تۋدىرعان اۆتوموبيلدەردى تەكسەرىپ، ەڭ سوڭىندا ءۇش اۆتوموبيلدەن كۇماندانىپ، اۆتوموبيل يەلەرىنە ىشكەرىلەي تەكسەرۋ جۇرگىزدىك، ما xx وسىلاردىڭ ءبىرى ەدى » دەدى.
ەرتەسى حالىق ساقشىلارى ما xx تىڭ ۇيىنە بارعانىندا، وتباسىنداعىلارى ونىڭ بىرنەشە كۇننەن بەرى ۇيگە قايتپاعاندىعىن ايتادى. سونىمەن حالىق ساقشىلارى وعان ءتۇيىندى تۇردە تەكسەرۋ جۇرگىزەدى.
7-قاراشا تاڭەرتەڭ حالىق ساقشىلارى شاۋەشەك قالاسىنىڭ اقسۋ ماڭىنداعى ءبىر باعىمشىلىق الاڭىنان قىلمىس كۇماندىسى مەن شىرعالاڭ تۋدىرعان اۆتوموبيلدى قولعا تۇسىرەدى.
ىزدەپ كەلگەن ساقشىلاردى كورگەن ما xx ءىستىڭ بارىسىن تولىعىمەن تاپسىرادى. ول ادامدى سوققان سوڭ، توقتاعان، الايدا، ءبىراز جۇرگەن سوڭ، قايتا بۇرىلىپ بايقاماقشى بولىپ بارعانىندا ادامنىڭ الدە قاشان جان ۇزگەندىگىن كورگەن، ول ىشتەي جولدا باقىلاۋ كامەراسى جوق، ونىڭ ۇستىنە كۇن قاراڭعى ءارى ەشكىم دە كورمەدى دەپ ويلاپ، اۆتوموبيلىن ايداپ زىتىپ بەرگەن ەكەن. كەزەكتە، ول قىلمىستىق ىستەر بويىنشا قولعا الىندى.
قاتىناس ساقشى ۇلكەن اترەتىنىڭ جەتەكشىسى رىن ليانپيڭ: « بۇل دەلونى ەكى كۇندە شەشتىك، ءبىزدىڭ ماقساتىمىز زيانكەستىككە ۇشىراۋشىلاردىڭ وتباسىنا مۇمكىندىكتىڭ بارىنشا تەز ارادا جاۋاپ بەرۋ » دەدى.
ۇعىسۋعا قاراعاندا، بيىل شاۋەشەك قالاسىندا ءىرى قاتىناس شىرعالاڭىن تۋدىرىپ، قاشىپ كەتۋ دەلوسىنان 4 رەت تۋىلىپ، بارلىعى شەشىمىن تاپقان، ال باسقا دا شىرعالاڭ تۋدىرىپ، قاشىپ كەتۋ دەلوسى 30 نەشە رەت تۋىلىپ، بارلىعى دا لايىقتى ءبىر جاقتىلى ەتىلگەن ەكەن.
رەداكتورى : ءجازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.