ءتىلشىمىز ۋاڭ ليڭ، ەرىكتى ءتىلشى حۋاڭ چىن
موتوتسيكل سياقتى كولىكتەردى مايلاپ الىپ نەمەسە سۇراپ الىپ جۇرگىزىپ پايدالانۋ جايتتەرى ەكىنىڭ بىرىندە كەزىگەدى. مايلاپ نەمەسە سۇراپ الىپ پايدالانۋ بارىسىندا باسىم كوبىندە ەشقانداي ماسەلە كورىلمەي، جۇمىستارى ءوز ورنىمەن ءبىتىپ، «سەن جاقسى دا، مەن جاقسى» بولىپ، ءوزارا كومەكتەرىنە رازىلىقتارىن ايتىپ ءوتىپ جاتادى.
بۇل ءبىر-بىرىنە كومەكتەسۋدىڭ، بەرەكە- بىرلىكتىڭ، قارايلاسىمدىلىقتىڭ نىشانى ەسەپتەلەدى، الايدا موتورلى كولىكتى مايلاپ الىپ نەمەسە سۇراپ الىپ ءوزى جۇرگىزۋ بارىسىندا توسىن شىرعالاڭ تۋىلسا، بەرۋشى مەن الۋشى اراسىندا كوڭىل كىربەڭدىگى تۋىلۋمەن بىرگە، بۇل شىرعالاڭنان تۋىلعان زيان جاۋاپكەرلىگىن كىم ارقالايدى؟ دەگەن ماسەلە كىم - كىمدى دە الاڭداتادى، سوندىقتان مۇنى ايقىنداپ ءبىلىپ العانىمىز ءجون.
مۇندا، ەڭ الدىمەن موتورلى كولىكتەردى مايلاپ نەمەسە سۇراپ الۋشىنىڭ موتورلى كولىك جۇرگىزۋ تولىمدىلىق كۋالىكتەرى بار-جوقتىعى، مايلاپ نەمەسە سۇراپ الىنعان موتورلى كولىكتىڭ جولعا شىعۋ تولىمدىلىق راسمياتتارى بار-جوقتىعى العى شارت ەتىلىپ، تولەم جاۋاپكەرلىگى ايىرىلادى. مايلاپ نەمەسە سۇراپ الىپ پايدالانۋدا ەكى جاقتىڭ راسمياتتارى تولىق بولعان شارت استىندا توسىن شىرعالاڭ تۋىلسا، تولەم جاۋاپكەرلىگى تومەندەگىدەي ءبىر جاقتى ەتىلەدى: جاڭادان جاريالانعان «ۇقىققا كيلىگۋ جاۋاپكەرلىك زاڭىنىڭ» بەلگىلەمەسىنە نەگىزدەلگەنىمىزدە، مايعا الۋ، ۋاقىتتىق الا تۇرىپ پايدالانۋ بارىسىندا موتورلى كولىكتى جۇرگىزۋدەن شىرعالاڭ تۋىلسا، موتورلى كولىك جۇرگىزۋشىنىڭ كۋالىكتەرى تولىق بولسا، سول موتورلى كولىكتى قامسىزداندىرعان بولسا، قامسىزداندىرۋ شەك كولەمى ىشىندە قامسىزداندىرۋ ورنى تولەم بەرەدى، قالعان بولەگىن موتورلى كولىكتى جۇرگىزۋشى ارقالايدى، ەگەر زارداپتىڭ تۋىلۋىندا موتورلى كولىك يەسىنىڭ اعاتتىعى بار بولسا، وندا ول دا بەلگىلى تولەم جاۋاپكەرلىگىن ارقالايدى.
موتورلى كولىك يەسى موتورلى كولىكتى بىرەۋگە ساتىپ بەرگەن نەمەسە كوڭىل تارتىپ بەرگەن، ءبىراق يەلىك ۇقىعىنىڭ راسمياتىن وتەمەگەن كەزدە قاتىناس شىرعالاڭى تۋىلعان بولىپ، موتورلى كولىكتى قامسىزداندىرعان بولسا، قامسىزداندىرۋ شەك كولەمى ىشىندە قامسىزداندىرۋ ورنى تولەم بەرەدى، قالعان بولەگىن موتورلى كولىكتى ساتىپ الۋشى مەن ساتىپ بەرۋشى ىلىكتەستىك جاۋاپكەرلىگىن ارقالايدى. ءوز بەتىمەن سۇراقسىز جۇرگىزگەن، ۇرلاپ، تارتىپ الىپ جۇرگىزۋ بارىسىندا شىرعالاڭ تۋدىرعان بولسا، تۋىلعان زياننىڭ بارلىعىن سۇراقسىز جۇرگىزگەن، ۇرلاپ، تارتىپ الىپ جۇرگىزگەن جاق تولەپ بەرەدى، ەگەر قامسىزداندىرۋ ورنى شۇعىل قۇتقارۋ قاراجاتىن الدىن الا بەرىپ تۇرعان بولسا، بۇل قاراجاتتى تولەم جاۋاپكەرلىگىن ارقالاۋشىدان قامسىزداندىرۋ ورنى قۋزاپ قايتارىپ الۋعا ۇقىقتى بولادى.
موتورلى كولىكتى قامسىزداندىرعان، الايدا، موتورلى كولىكتى جۇرگىزۋشى شىرعالاڭ تۋدىرىپ قاشىپ كەتكەن بولسا دا، قامسىزداندىرۋ شەك كولەمى ىشىندە تولەم بەرەدى. موتورلى كولىك قامسىزداندىرىلماعان بولسا، زياندالۋشىنىڭ بارلىق تولەۋگە ءتيىستى قاراجاتتارىن تولەم جاۋاپكەرلىگى بارلار تولەيدى.
« ءتاڭىرتاۋ تورابىنان»
رەداكتورى : ءجازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.