ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

بالىقتىڭ كوزسىز ماحابباتى

جولدانعان ۋاقىتى : 2013/12/10 16:33:45

چەحوۆ (رۋسسيا)
  بۇل اڭگىمەگە سەنۋدىڭ ءوزى عاجاپ: پاندالين سارداردىڭ سارايىنىڭ جاقىن ماڭىنداعى كولشىكتىڭ ىشىندە جاسايتىن تابان بالىقتاي اينالاسىنداعىلار اسەم سارايداعى سونيا ماموچلينا بويجەتكەندى سۇيە الماعان. الايدا، بۇنىڭ نە عاجاپتىعى بار عوي دەيسىڭ؟ لەرمونتوۆتىڭ ءىبىلىسى داماليعا ولەردەي عاشىق بولسا، ال، اسپان سەرىسى اققۋ ونىڭ كەرىسىنشە، لەداعا عاشىق بولماپ پا ەدى، ول-ول ما، قارا جۇمىسقا جەگىلىپ جۇرگەن مىسكىندەر دە باي-ماناپتىڭ ۇلپىلدەك قىزدارىنان قان جۇتىپ عاشىق بولماۋشى ما ەدى؟ سونيا ماموچلينا ءار كۇنى كۇن كوكجيەككە كوتەرىلگەننەن كەيىن ناعاشى اپايىنا ەرىپ كەلىپ سۋعا تۇسەتىن. سول كەزدە، وعان تابان بالىقتىڭ سۇيىسپەنشىلىگى قوزداپ، جاعاعا تاياۋ كەلىپ سىمباتىنا ەسى اۋاتىن. ول ماڭعا تاياۋ كران  جيە  دەگەن اكەلى-بالالى اشقان ءبىر قۇيماشىلىق زاۆودى بار ەدى. سونىڭ اسەرىنەن كولشىكتەگى سۋدىڭ ءتۇسى قارا قوڭىر بولىپ وزگەرگەن. الايدا، تابان بالىق ءوز عاشىعىن بۇعان بولا كوزىنەن ءبىر ساتتە تاسا قىلعان ەمەس. ءار كۇنى سۇلۋ سۋرەتىنە قاراپ، كوڭىلى تولىپ، اڭسارى اۋاتىن-دى. ول شەكسىز اسپانداعى اق ۇلپا بۇلتتاردىڭ باياۋ سىرعۋى مەن قۇستاردىڭ ەركىن سامعاعان كەڭىستىكتەگى قيمىلىن دا قالت جىبەرمەي  كورەتىن. اۋەل دەسەڭ، ايناداي جارقىراعان سارايدىڭ ىشىندەگى حاس سۇلۋدىڭ اسا ءبىر ەپتىلىكپەن كيىمىن شەشكەنىن دە كورەتىن. ونىمەن قوسا، ول پەريزاتقا عاشىق بوز بالالاردىڭ كولشىكتىڭ جاعاسىنداعى ءماۋىلجىپ تۇرعان بۇتا-بۇرگەننىڭ اراسىنا جاتىپ الىپ جاسىرىن تاماشالايتىنىن دا قىزىقتايتىن. ەتتى-جەندى ناعاشى اپايى سۋعا ءتۇسۋدىڭ الدىندا تاس ۇستىندە ءبىراز ۋاقىت ايالداپ، ءوزىنىڭ بالپاناقتاي دەنەسىن سيپالاپ رازى بولعان بەينەدە:

  - مەنىڭ بۇل دەنەم قالايشا وسىلاي ەتتى-جەندى بولىپ ءوستى ەكەن! ءبىر قاراعانعا تىم سولەكەت كورىنەدى-اۋ، - دەپ ءتىل قاتقانىن دا ەستيتىن.

  سونيا نازىك دەنەسىندەگى لىپانى اسا ءبىر ەپتىلىكپەن شەشىپ تاستاي سالىپ، نازىك داۋىسپەن وزىنە دەم بەرىپ، سۋعا سەكىرىپ ءتۇسىپ مالتاي جونەلەدى. سۋىق سۋعا القىمى بۇلكىلدەپ، الگى تابان بالىق تا ءوز قيالىندا كوزدى اشىپ-جۇمعانشا ونىڭ قاسىنا جەتىپ باراتىن دا قاناعاتسىز  اۋزى ونىڭ ءشي اياعىنان، اق موينىنان سۇيە بەرەتىن... ول كەزدە، ايناداي جارقىراعان سارايدىڭ ءسانقوي قوس  سىلقىمى  ابدەن جۋىنىپ  بولىپ،  الدەقاشان ۇيىنە بارىپ، شاي ءىشىپ، ءدامى ءتىل ۇيىرەتىن بولكا جەۋگە كەتەتىن-دى.

  الگى تابان بالىق اياداي كولشىكتىڭ ىشىندە جاپادان جالعىز ارى-بەرى شورشىپ، ىرشىپ ءجۇزىپ، ىشتەي ەسەپ سوعىپ: «ارينە، ول ەكەۋىمىز ءوزارا تەڭدەسسىز سۇيىسپەنشىلىكتىڭ عاشىعىمىز. بۇندا ەشقانداي ادا-كۇدەلىك جوق. ول ءبىر ادامنىڭ سۇلۋى تۇرسا، ارينە، مەندەي ادەمى تابان بالىقتى سۇيمەي قويار دەيسىڭ بە؟ مۇمكىن ەمەس، قالاي دەسەڭ دە مۇمكىن بولماس! استە ءوزىڭدى-ءوزىڭ قۇر قيالدىڭ جەتەگىنە جىبەرمە، بەيشارا بالىق! جاپادان-جالعىز سەنىڭ وسى ءبىر تاعدىرىڭدى  كۇتۋ، مەن ءۇشىن ءولۋ! الايدا، ءولۋدىڭ قانداي ادىستەرى بار سوندا؟ بۇل كولشىكتىڭ ىشىندە نە جانقۇرال، نە وتالۋعا وت قوياتىن سىرىڭكە جوق. بۇل جەردە تابان بالىق بولعان مەن ءۇشىن ءبىر عانا ءولۋدىڭ جولى بار، ول بولسا: شورتان بالىقتىڭ ازۋىنا ءتۇسىپ جەم بولۋ. الايدا، ماعان الاقانداي كولشىكتىڭ قاي جەرىنەن شورتان بالىق تابىلا قالار دەيسىڭ؟ ەرتە دە بۇل كولشىكتىڭ ىشىندە ءبىر شورتان بالىقتىڭ بولعانى شىن، ءبىراق الاقانداي كولشىكتە جابىرقاعاندىقتان شىم يرىمىنە باتىپ، مەرت بولعان، ءيا، مەن، شىنىندا ءبىر باقىتسىز جانمىن!»

  بۇل جاستاعىلاردىڭ وي-ساناسىن تورىعۋشىلدىق قۇيىنى قۇنداقتاعاندا ويلايتىنى تۇنباعا تۇنشىعىپ ءولۋ، سول كەزدە عانا، ءوزىنىڭ عالامات عاشىقتىعى تۋرالى ەستەلىكتەر جازىلار دەپ ويلايدى... ءبىر جولى،  ىمىرت ۇيىرىلەر الدىندا،  سونيا مەن ونىڭ ناعاشى اپايى ەكەۋى كولشىكتىڭ  جاعاسىنا  وتىرىپ الىپ بالىق اۋلايدى. الگى تابان بالىق ومەشەگى ءۇزىلىپ، كوزىن ونىڭ سۇيىكتى قىزىنىڭ اي جامالىنا قادايدى دا وتىرادى. كەنەت، ونىڭ ساناسىنا بەينە ءبىر ەلەكتر ساۋلەسى سياقتى وي ۇشقىنى ورالا كەتتى.

  تابان بالىققا اياق  استىنان: «مەن نارتاۋەكەل ونىڭ الاقانىندا ولگەنىم جاقسى» دەگەن وي كەلدى. ول دامىلسىز جارعاعىن قوزعاي العا ۇمتىلدى دا: «ۋا، بۇل ءبىر كەرەمەت، اق ءولىم بولاتىن بولدى!» دەدى قۋانىپ.

  ول ەرەكشە سەنىممەن، ءتۇر-ءتۇسى انتەك بوزعىلتتانىپ، سونيانىڭ قارماعىنا قاراي جۇزە جونەلىپ، كوزىن جۇمىپ، قارماقتى قاپتى.

  − سونيا، سەنىڭ انا قارماعىڭدى بالىق قاپتى!-دەگەن ونىڭ ناعاشى اپايى جالعاستى شىڭكىلدەپ قايتالاي، -سۇيىكتى سونيا، سەنىڭ قارماعىڭدى اقىرى بالىق قاپتى!- دەدى جەلپىنە.

  سونيا بار كۇشىن جۇمساپ، قارماعىن تارتىپ كەپ قالدى. التىنداي جارقىراعان ءبىر نارسە كەڭىستىكتە جارق ەتىپ بارىپ، سۋ بەتىنە شولپ ەتتى، سۋ بەتىندە سان-ساناقسىز كوپىرشىكتەر پايدا بولدى.

  - قارماق قاپتى!-دەپ ايعايلادى ساياجايدىڭ قوس سىلقىمى بار داۋىسپەن، جۇزدەرى كۇلمىڭدەپ، -قارماق قاپتى! ۋا، سۇيىكتىم! -دەدى.
كوپشىلىكتىڭ ءبارى قارماققا قارادى دا قارماقتىڭ ىلگەگىنە ءبىر بالىقتىڭ ەرنى ىلىنگەنىن كوردى.

  ناعاشى اپايى:

  - سەن مۇنشا كۇش جۇمساۋىڭنىڭ قاجەتى جوق ەدى. قازىر ول بەيشارا تابان بالىقتىڭ قارماق قاپقان تيتىمدەي ەرنى جىرىلدى دا كولشىككە ءتۇسىپ كەتتى!-دەدى كوڭىلسىزدەنىپ.
مەنىڭ باس كەيىپكەرىم قارماقتىڭ ىلگەگىنەن ءتۇسىپ كەتكەننەن كەيىن، شوشىعانىنان قيمىلسىز سىلەيىپ تۇرىپ قالدى، كوپ ۋاقىتقا دەيىن نەندەي جاعدايدىڭ بولعانىن بىلمەي اڭتارىلدى. سالدەن سوڭ ەسىن جيعان زامان:

  - مەن ءالى ءتىرىمىن، و، كەرەمەت، ولمەپپىن! بۇل دا بولسا جازمىشتىڭ تالكەك ەتۋى!-دەدى ىڭىرسي.

  ەسىن جيعان تابان بالىق ءوزىنىڭ يەگىنىڭ جوق ەكەنىن بايقادى، ءوڭى سۇپ-سۇرعىلت بولىپ، قويانشىعى ۇستاعانداي قارق-قارق كۇلدى. ول شىنىندا جىنداندى.

  راس-اۋ، راس، بۇل اقىماق تابان بالىق جىنداندى. جىندانباي نە، الباستى باسقاندا، ول كۇنى بۇگىنگە دەيىن اياداي كولشىگىندە جاساپ كەلەدى.
 
اۋدارعان- ديداربەك زاكىرجان ۇلى

  رەداكتورى : ءجازيرا قاجىكەن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn