حابارلاندىرۋ

«جۇڭحۋا حالىق رەسپۋبليكاسىنىڭ قالا،  اۋىلداردى جوبالاۋ زاڭى»،«جۇڭحۋا حالىق رەسپۋبليكاسىنىڭ جەر باسقارۋ زاڭى» جانە    «شينجياڭ ۇيعۇر اۆتونوميالى رايونىنىڭ ‹جۇڭحۋا حالىق رەسپۋبليكاسىنىڭ قالا،اۋىلداردى جوبالاۋ زاڭىن› اتقارۋدى باسقارۋ ءادىسى» سياقتىلارداعى قاتىستى بەلگىلەمەلەرگە ساي،شينجياڭ تارباعاتاي ءتۇيىندى دامىتۋ،ەسىك اشۋ سىناق رايونى   الدىمەن دامىتۋ رايونىنىڭ (شەكارا ەكونوميكالىق سەلبەستىك رايونىنىڭ 37.5 شارشى      كيلومەتر) كولەمى ىشىندەگى قۇرىلىستى باسقارۋ قىزمەتىن اناعۇرلىم ارناعا ءتۇسىرۋ ءۇشىن،قاتىستى ىستەردى تومەندەگىدەي  حابارلاندىرامىز:

ءبىرىنشى،ءارقانداي ورىننىڭ (كاسىپورىن)،جەكەنىڭ شاۋەشەك قالالىق شەكارا ەكونوميكالىق سەلبەستىك رايونىنىڭ 37.5 شارشى      كيلومەتر كولەمى ىشىندەگى جوبادا    مەڭگەرىلگەن شىعىسى جوسپارداعى بەيجيڭ جولىنا دەيىن،وڭتۇستىگى جوسپارداعى اۋمىن جولىنا دەيىن،سولتۇستىگى باقتى جولى مەن قارامايلى-شاۋەشەك جوعارى قارقىندى تاس جولىنىڭ جالعاسقان لەنياسىنا دەيىنگى اۋماق ىشىندە قۇرىلىس جۇرگىزۋ ارەكەتى،ءسوز جوق،«شينجياڭ تارباعاتاي ءتۇيىندى دامىتۋ،ەسىك اشۋ سىناق رايونى قۇرىلىسىنىڭ جالپى تۇلعالىق جوباسىنا (2021-2030-جىل) » جانە قاتىستى ارناۋلى جوبالاردىڭ تالابىنا   ۇيلەسۋى،شاۋەشەك قالالىق شەكارا    ەكونوميكالىق سەلبەستىك رايونىنىڭ (تومەندە شەكارا ەكونوميكالىق سەلبەستىك رايونى دەپ   قىسقارتىلدى) قاتىستى بەلگىلەمەلەرى بويىنشا قاتاڭ اتقارىلۋى كەرەك.

ەكىنشى،ءارقانداي ورىننىڭ (كاسىپورىن)،جەكەنىڭ قۇرىلىس جۇرگىزۋ سياقتى ارەكەتتەرى شاۋەشەك قالالىق شەكارا ەكونوميكالىق    سەلبەستىك رايونىن باسقارۋ بەلگىلەمەسىنە،  ءسوز جوق،بويسۇنۋى،سىناق رايونى الدىمەن دامىتۋ رايونىنىڭ ءار دارەجەلى،ءار ءتۇرلى مەملەكەت جەرى كەڭىستىك جوباسىنىڭ تالابىنا ۇيلەسۋى كەرەك.

ءۇشىنشى،ءارقانداي ورىن (كاسىپورىن)،جەكە شاۋەشەك قالالىق شەكارا ەكونوميكالىق سەلبەستىك رايونىنداعى قاتىستى تاراۋلاردىڭ بەكىتۋىنسىز نەمەسە بەلگىلەنگەن ءتارتىپ   بويىنشا بەكىتتىرۋ راسمياتىن وتەمەي سالعان   (قايتالاپ سالۋدى،وزگەرتىپ،كەڭەيتىپ سالۋدى قامتيدى) قۇرىلىستار (قۇرىلىم) جانە باسقا دا قۇرىلعىلار (كولەمدەنگەن باعىمشىلىققا پايدالانىلاتىن جەرگە بەكىتۋدەن وتكىزبەي نەمەسە جەردەن پايدالانۋ كۋالىگى،قورا-جاي كۋالىگى،    قورا-جايلىق جەر كۋالىگى سياقتى جىلجىمايتىن مۇلىك ۇقىعى كۋالىگى بار بولعانىمەن،جوبانىڭ رۇقساتىنسىز ءوز بەتىمەن كوبەيتىپ سالعان قۇرىلىستار قامتىلادى) سالعاندار،مەرزىمى ءوتىپ ءالى   بۇزىلماعان ۋاقىتتىق قۇرىلىستار جانە جەردىڭ پايدالانىلۋ رولىن ءوز بەتىمەن وزگەرتكەندەر،ءوز بەتىمەن اعاش كوشەتتەرىن كوبەيتىپ ەككەندەر،ەگىمشىلىك كولەمىن،ءتۇرىن ءوز بەتىمەن كەڭەيتكەندەر تۇگەلىمەن زاڭعا قايشى ارەكەتكە جاتادى،زاڭنىڭ قورعاۋىندا بولمايدى، جەر مەن ءۇيدى قايتارىپ الۋ،پايدالانۋ   بارىسىندا تولەم بەرىلمەيدى.

ءتورتىنشى،ءارقانداي ورىن (كاسىپورىن)، جەكە قۇرىلىس جوبالاۋ رۇقسات كۋالىگىن الماي تۇرىپ نەمەسە قۇرىلىس جوبالاۋ رۇقسات كۋالىگىندە بەلگىلەنگەن مازمۇنداردى ءوز بەتىمەن وزگەرتىپ قۇرىلىس جۇرگىزسە، ۋاقىتتىق قۇرىلىستىڭ مەرزىمى وتسە دە بۇزباسا نەمەسە ۋاقىتتىق پايدالانىلاتىن جەرگە ۇزاق ۋاقىتتىق قۇرىلىستار مەن باسقا قۇرىلعىلاردى سالسا،شاۋەشەك قالالىق شەكارا ەكونوميكالىق  سەلبەستىك رايونىنىڭ قاتىستى تاراۋلارى    قۇرىلىستى توقتاتۋعا بۇيىرۋ،شەكتى مەرزىم   ىشىندە شاعۋ،زاڭعا قايشى قۇرىلىستاردى    (قۇرىلمالاردى) ءمۇسادىرالاۋ سياقتى شارالاردى قولدانىپ تۇزەتۋگە بۇيىرادى،وعان قوسا   اقشالاي ايىپ سالۋ سياقتى جازالاۋ شارالارىن اتقارادى.

بەسىنشى،ءارقانداي ورىننىڭ (كاسىپورىننىڭ)،جەكەنىڭ جەردەن پايدالانۋ ۇقىعى مەن    ءۇي مەنشىك ۇقىعىن ءوز بەتىمەن     زاڭسىز وتكەرمەلەۋىنە قاتاڭ تيىم سالىنادى. ويتپەگەندە،زاڭدىق جاۋاپكەرشىلىگى قاتاڭ قۋزاستىرىلادى ءارى زاڭسىز تابىسى زاڭ   بويىنشا ءمۇسادىرالانادى،قىلمىسقا ساياتىندارىنىڭ زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

التىنشى،مەملەكەت قىزمەتكەرلەرىنىڭ    زاڭ بويىنشا مىندەت وتەۋىنە كەدەرگىلىك   جاساعاندار «قوعام اماندىعىن باسقارۋ-جازالاۋ زاڭىنداعى» قاتىستى بەلگىلەمەلەر بويىنشا   جازالانادى؛قىلمىسقا ساياتىندارىنىڭ زاڭ   بويىنشا قىلمىستىق ىستەر جاۋاپكەرشىلىگى   قۋزاستىرىلادى.

جەتىنشى،بۇل حابارلاندىرۋ جاريالانعان كۇننەن باستاپ اتقارىلادى.
 

شاۋەشەك قالالىق شەكارا ەكونوميكالىق سەلبەستىك رايونىن باسقارۋ كوميتەتى

2021-جىلى 8-ايدىڭ 24-كۇنى

رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى