گۋاڭجوۋ حىڭدا كومانداسى 9-قاراشادا ازيا جۇلدەگەرلىگىنە تالاسۋ بىرلەسكەن جارىسىندا اعا جۇلدەگەر بولعاننان كەيىن باس جاتتىقتىرۋشى ليپي: « حىڭدا كومانداسىنىڭ اعا جۇلدەگەر بولۋى جۇڭگو فۋتبولىنىڭ تولىق تۇراقتاندىرۋعا يە بولعاندىعىن اڭعارتادى » دەدى.
ليپي: « بۇل وتە ماڭىزدى جارىس، جۇڭگو فۋتبولى جونىنەن كەلەلى ماڭىز الادى ءارى جۇڭگو فۋتبولىنىڭ تولىق تۇراقتاندىرۋعا يە بولعاندىعىنان دەرەك بەرەدى. مەن ۇنەمى كومانداداعىلارعا باس جۇلدەنى جەڭىپ الۋعا كۇشى قاپتال جەتكەنىمەن، حالىقارالىق جارىس مايدانىندا ءالى دە ءالسىز ەكەنىن ايتىپ وتىرامىن. وتكەن ءبىر جارىم جىلدا كوماندامىز بەن فۋتبولشىلارىمىزدا كورنەكتى ىلگەرىلەۋشىلىك بولدى. ونىڭ ۇستىنە، كوماندامىزداعىلاردىڭ كوپ ساندىسى مەملەكەتتىك كوماندانىڭ مۇشەسى، بۇل جانە ءبىر جاعىنان مەملەكەتتىك كوماندانىڭ ورەسىن جوعارىلاتۋىنا پايدالى، قازىر تۇتاس جۇڭگو فۋتبولى ۇزدىكسىز العا ىلگەرىلەۋدە » دەدى.
جارىسقا تالداۋ جاساعاندا ليپي: « جارىس ولاردىڭ جوسپارلاعانىنداي بولدى، الدىڭعى جارتى مايداندا كوپ ورايدى قولدان جىبەرىپ قويدىق، كەيىنگى جارتى مايداندا موريكي وراي جاراتىپ، ەلكسون ءبىر دوپ كىرگىزگەن بولسا دا، قارسىلاسىمىزدا قاراپ تۇرماي تەزدەن تەڭەستى، ءتىپتى ءبىزدى تىعىرىققا تىرەدى. الايدا، ءبىزدىڭ ءبىر جىلدىق بەينەمىزدەن الىپ ايتقاندا، جۇلدەگەرلىككە قول جەتكىزۋىمىز ءشۇباسىز » دەدى.
دۇنيە ساۋىتىنا تالاسۋ، ەۆروپا جۇلدەگەرلىگى، ازيا جۇلدەگەرلىگى، يتاليا A دارەجەلى فۋتبول بىرلەسكەن جارىسى، جۇڭگو ەرەن كوماندالار بىرلەسكەن جارىسىن باسىنان وتكىزگەن ليپي ءوزىنىڭ توتەنشە تالەيلى ەكەندىگىن ايتتى.
رەداكتورى : ءجازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.