___ لياۋنيڭ ولكەسىنىڭ ەمدەۋ جاعىندا «ۇيىرمە ۇلگىسىندە» شينجياڭعا كومەكتەسۋ قىزمەتىنە جالپى شولۋ
□ ءتىلشىمىز داي جياۋمەي
ەمدەۋ جابدىقتارى توپ-توبىمەن تارباعاتايعا كىرىپ،ەمدەۋ ورتاسىن جاقسارتتى؛ءبىر توپ اق حالاتتى قورعاۋشىلار مىڭ شاقىرىم جول باسىپ،تەڭدەسسىز سۇيىسپەنشىلىكتەرى ارقىلى تارباعاتايدىڭ بايتاق دالاسىن نارلەندىردى.
2016-جىلى 4-ايدا جۇڭگو مەديتسينا داشۋەسى ىلگەرىندى-كەيىندى جۇڭگو مەديتسينا داشۋەسىنە قاراستى 1-شيپاحانادان، شىڭجيڭ شيپاحاناسىنان،4-شيپاحانادان جانە اۋىز قۋىسى اۋرۋلارى شيپاحاناسىنان 6 توپتا جيىنى 117 ەمدەۋ دارىندىسىن شينجياڭعا كومەكتەسۋ بويىنشا ايماقتىق حالىق شيپاحاناسىنا تاڭداپ جىبەرىپ،«ۇيىرمە ۇلگىسىندە» ەمدەۋ جاعىنان كومەكتەسۋ ورىستەتىپ،«قان قۇيۋدى» «قان جاساۋعا» وزگەرتىپ،كومەككە يە بولعان جەردىڭ ەمدەۋدەن قىزمەت وتەۋ ورەسىن تاعى دا تىڭ ساتىعا كوتەرىپ،ءار ۇلت بۇقاراسىن ۇزدىك ەمدەۋ جاعىندا قىزمەت وتەۋدەن يگىلىكتەندىردى.
تەحنيكا ۇيرەتىپ،بوستىقتى تولتىردى
جاقىندا ايماقتىق حالىق شيپاحاناسىنىڭ جاڭا تۋىلعان نارەستەلەر ءبولىمىنىڭ ناۋقاس بولمەسىندە جۇڭگو مەديتسينا داشۋەسىنە قاراستى 1-شيپاحانا جاڭا تۋىلعان نارەستەلەر ءبولىمىنىڭ ورىنباسار مەڭگەرۋشىسى،شينجياڭعا كومەككە كەلگەن شيپاگەر جاۋ شىمىڭ قىزمەتتەستەرىمەن ەرتە تۋىلعان نارەستەنىڭ ناۋقاس جاعدايىن اقىلداسۋدا.
جاڭا تۋىلعان نارەستەلەر ءبولىمى قۇرىلۋدان بۇرىن،ناۋقاسى سالماقتى نارەستەلەردى ۇرىمجىگە جوتكەپ ەمدەتۋگە تۋرا كەلەتىن. 2020-جىلى 11-ايدا جاڭا تۋىلعان نارەستەلەر ءبولىمى قۇرىلعاننان كەيىن،ناۋقاسى سالماقتى نارەستەلەر جەرگىلىكتى ورىندا ءبىرشاما جاقسى ەمدەلە الاتىن بولدى.
لين حۇڭجۇن ايماقتىق حالىق شيپاحاناسى جاڭا تۋىلعان نارەستەلەر ءبولىمىنىڭ شيپاگەرى،جاۋ شىمىڭنىڭ شاكىرتتەرىنىڭ ءبىرى.
«جاۋ ۇستاز ماعان جاڭا تۋىلعان نارەستەلەردىڭ كىندىك تامىرىنا تۇتىكشە ورناتۋ تەحنيكاسىن ۇيرەتتى،بۇل تەحنيكامەن جاڭا تۋىلعان نارەستەلەردىڭ جۇعىمدالۋ سالىستىرماسىن تومەندەتۋگە بولادى. الايدا جۇمىس بارىسى وتە كۇردەلى،قيىندىق دارەجەسى وتە جوعارى» دەدى لين حۇڭجۇن.
2017-جىلى 7-ايدا شينجياڭعا كومەكتەسۋ قىزمەت اترەتى تارباعاتاي ايماقتىق رۋحاني پسيحولوگيالىق دەنساۋلىق ساقتاۋ ورتالىعىن باستاماشىلدىقپەن قۇرىپ،بۇكىل شينجياڭداعى تۇڭعىش «پسيحولوگيالىق ەمدەۋ ماماندارىن تاربيەلەۋ ورتالىعىن» قۇرىپ،ايماقتىڭ رۋحاني اۋرۋلاردى ەمدەۋ-باسقارۋ جاعىنداعى بوستىقتى تولتىردى. قازىرگە دەيىن،ءتۇرلى رۋحاني جاقتان كەدەرگىگە ۇشىراعان ناۋقاستان 1784 ادام رەت قابىلداپ جانە ەمدەپ، توڭىرەكتەگى اۋدان،قالالاردان سالماقتى رۋحاني جاقتان كەدەرگىگە ۇشىراۋ ناۋقاسىنا شالدىققان 1300 دەن استام ادامعا تەكسەرۋ جۇرگىزگەن.
قازىر شينجياڭعا كومەكتەسۋ قىزمەت اترەتى ايماقتىق حالىق شيپاحاناسىنا وزىق ەمدەۋ تەحنيكاسىنان 212 ءتۇرىن جالپىلاستىردى؛ايماقتا تۇڭعىش رۋحاني پسيحولوگيالىق دەنساۋلىق ساقتاۋ ورتالىعى،كاسىپتىك قالىپتى قىسىمنان تومەن تۋبەركۋلەز تاجىريبەحاناسى جانە ايدس ۆيرۋسى گەنىن تەكسەرۋ تاجىريبەحاناسى،وسپە اۋرۋلارىنا دياگنوز قويۋ جانە ەمدەۋ ورتالىعى سياقتىلاردى قۇرىپ،ايماقتىڭ ەمدەۋ تەحنيكاسى جاعىنداعى 145 ءتۇرلى بوستىقتى تولتىردى.
قارجىنى ەڭ قاجەتتى جەرلەرگە جۇمسادى
ەمدەلۋ ورتاسىن جاقسارتىپ،وزىق ەمدەۋ جابدىقتارىن ەنگىزىپ،ارناۋلى ەمدەۋ ورتالىعىن قۇرىپ،تەحنيكالىق دارىندىلاردى تاربيەلەدى...
ساناققا نەگىزدەلگەندە،«13-بەسجىلدىق» مەزگىلىندە لياۋنيڭ ولكەسى شينجياڭعا كومەكتەسۋگە جيىنى 108 ميلليون يۋان قارجى قوسىپ،قاتتى-جۇمساق بولشەك قۇرىلىسىنا جۇمساپ،شيپاحانانىڭ ەمدەلۋ ورتاسىنىڭ، ەمدەۋ جابدىقتارىنىڭ جانە تەحنيكالىق ورەسىنىڭ باياندى دامۋىنا قولداۋ كورسەتكەن.
79 ميلليون يۋان قارجى قوسىپ،جاڭادان امبۋلاتوريا،بالنيتسا عيماراتى جانە قاراستى قۇرىلىستاردى سالدى؛16 ميلليون يۋان قارجى قوسىپ،شيپاحانا ماماندارىنىڭ تۇراعىن سالدى؛ءبىر ميلليون 100 مىڭ يۋان قارجى قوسىپ،وڭىرلىك كەسكىن ساپاسىن مەڭگەرۋ تۇعىرى مەن الىس ارالىقتى دياگنوز قويۋ تۇعىرىن قۇردى؛700 مىڭ يۋاننان استام قارجى قوسىپ،باۋلۋدى شينجياڭعا جەتكىزۋ جانە «ارالاسۋ،ىشتەسۋ،توعىسۋ» نىسانى سياقتىلاردى ورىستەتتى.
ايماقتىق حالىق شيپاحاناسىنىڭ باستىعى شيا جيانجياڭ: «ەمدەۋ بىرىككەن تۇلعاسى قۇرىلىسى،الىس ارالىقتان دياگنوز قويۋ جانە كەسكىن ساپاسىن مەڭگەرۋ تۇعىرىن قۇرۋ نەگىزگى ساتىداعى بۇقارانىڭ ‹ەمدەلۋى قيىن بولۋ،ەمدەۋ اقىسى قىمبات بولۋ› ماسەلەسىن جەڭىلدەتتى» دەدى.
ماڭگىلىك ەمدەۋ اترەتىن قۇردى
شينجياڭعا كومەكتەسۋ قىزمەت اترەتى ىرگە تەپكەننەن بەرى،«شىعارۋ،ەنگىزۋ» ءوزارا ۇشتاستىرىلعان دارىندى تاربيەلەۋ ۇلگىسىنە باستان-اياق تاباندى بولىپ،«قان جاساۋ ۇلگىسىندەگى» كومەكتەسۋ-سۇيەمەلدەۋ ارقىلى ايماققا كەتپەيتىن ەمدەۋ دارىندىلارى قوسىنىن جەتىلدىردى.
2016-جىلدان قازىرگە دەيىن،«ۇيىرمە ۇلگىسىندە» ەمدەۋ جاعىندا شينجياڭعا كومەكتەسۋ قىزمەت اترەتى جيىنى 34 كاسىپتىك ءپان بويىنشا 270 ادام رەت جەرگىلىكتى كۋرسانتتاردى تاربيەلەۋگە كومەكتەسىپ،جەتەكتەپ، جەرگىلىكتى ورىننىڭ كاسىپتىك تىرەكتىلەرىنەن 68 ادامدى باۋلىدى.
مۇنان تىس،2016-جىلدان باستاپ،جۇڭگو مەديتسينا داشۋەسى،جينجوۋ مەديتسينا داشۋەسى كومەكتەسىپ،ءار جىلى ايماقتىق حالىق شيپاحاناسىنا 20 تولىق كۋرس وقۋشىسىن، ءار جىلى تۇتاس ايماعىمىزداعى ەمدەۋ قۇرىلىمدارىنا 30 تولىق كۋرس وقۋشىسىن تاربيەلەپ بەردى،وقۋ مەرزىمى 5 جىل. ۇيرەنگەن ساباقتارى جەرگىلىكتى ورىننىڭ قاجەتىنە ساي،كلينيكالىق مەديتسينا،اۋىز قۋىسى مەديتسيناسى،ناركوز عىلىمى،مەديتسينالىق كەسكىن عىلىمى،رۋحاني اۋرۋلار مەديتسيناسى،بالالار اۋرۋلارى عىلىمى،بيولوگيالىق مەديتسينا ينجەنەرياسى سياقتى 10 نەشە ءپاندى قامتيدى،بيىل 5-توپتا وقۋشى تاربيەلەۋدە.
ۇعىسۋعا قاراعاندا،2016-جىلى ايماقتىق حالىق شيپاحاناسى مەن جۇڭگو مەديتسينا داشۋەسى كەلىسىم جاساسىپ،10 جىل ۋاكلاتان تاربيەلەۋ قىزمەتىن ورىستەتىپ،ايماققا باعىتتامالى تۇردە 500 تولىق كۋرس وقۋشىسىن تاربيەلەپ بەرەدى ەكەن.
جۇڭگو مەديتسينا داشۋەسىنىڭ 6-توپتاعى ەمدەۋ دارىندىلارىنىڭ «ۇيىرمە ۇلگىسىندە» شينجياڭعا كومەكتەسۋ قىزمەت اترەتىنىڭ جەتەكشىسى جۇڭ حۇڭشان: « ‹14-بەسجىلدىق› مەزگىلىندە،ءبىز ‹ۇيىرمە ۇلگىسىندەگى› ەمدەۋ دارىندىلارىنىڭ رولىن ۇزدىكسىز ساۋلەلەندىرىپ،كومەككە يە بولعان جەردەگى شيپاحانالاردىڭ ەمدەۋگە قىزمەت وتەۋ دەڭگەيىن اناعۇرلىم جوعارىلاتامىز. سونىمەن بىرگە،ەمدەۋ بىرىككەن تۇلعاسى قۇرىلىسىن كۇشەيتىپ،‹ۇيىرمە ۇلگىسىندە› ەمدەۋ جاعىندا شينجياڭعا كومەكتەسۋ بايلىعىن نەگىزگى ساتىعا دەيىن جالپىلاستىرامىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى