□ءتىلشىمىز زىڭ جاۋمەي
ساۋان قالاسى سىداۋحىزى قالاشىعى حىتان قىستاعىندا حانزۋ،قازاق ۇلتى ارالاس قونىستانعان،جالپى 296 تۇرعىننىڭ 210 ى قازاق. بۇل قىستاق شاعىن بولعانىمەن،جان جادىراتار حيكايالار از ەمەس.
«جۋ اعاي بەينە تۋىسقانىم سياقتى»
قىستاق تۇرعىنى ىرىسگۇل تۇردىبايدىڭ جاقىن تارتىپ «جۋ اعاي» دەپ جۇرگەنى ايماقتىق سۋ يگىلىگى مەكەمەسى سۋ يگىلىگى،سۋ ەلەكتر قۇرىلىسىن بارلاۋ-جوبالاۋ ورنىنىڭ حىتان قىستاعىندا تۇراتىن قىزمەت اترەتىنىڭ باستىعى،قىستاقتىڭ ءبىرىنشى شۋجيى جۋ جياجۇن ەدى.
«مەن بۇرىننان ونى جۋ اترەت باستىعى ءيا بولماسا جۋ شۋجي دەمەي،جۋ اعاي دەيمىن. ول بەينە تۋعان اعامداي قامقور بولىپ،ماعان جانە وتباسىمداعىلارعا قارايلاسىپ كەلەدى» دەدى ىرىسگۇل.
بيىل 37 جاستاعى ىرىسگۇل وتباسىلىق جاعداي سەبەبىنەن ناۋقاس ۇلى مەن باستاۋىش مەكتەپ وقيتىن قىزىن ەرتىپ،حىتان قىستاعىندا تۇراتىن اپەكەسى ءماميلا تۇردىبايدى پانالاعان.
تالما اۋرۋى بار ىرىسگۇلدىڭ ناۋقاسى ۇنەمى قايتالاپ قوزعالماعانىمەن،ودان قاتتى الاڭداعان اپەكەسى قىستاقتان ءۇي مايلاپ بەرەدى ءارى شاعىن دۇكەن اشىپ بەرىپ، تۇرمىسىنداعى قيىنشىلىعىن جەڭىلدەتەدى.
«ءسىڭلىم بۇل قىستاقتىكى بولماسا دا،قىزمەت اترەتى مەن قىستاق ‹ەكى كوميتەتى› ونى جات سانامادى. جيەنىم ناۋقاستانىپ وپەراتسيا جاساتقاندا،10 مىڭ يۋاننىڭ ۇستىندە جىلۋ اتاپ،ءۇش-ءتورت كۇندە ءبىر رەت جاعدايىن ۇعىسىپ تۇردى. تاعى مەرەكە-مەيرام سايىن ۇن،كۇرىش سياقتى تۇرمىستىق بۇيىمدار اپارىپ تۇرادى» دەدى ءماميلا.
كەي كەزدەرى ىرىسگۇل قالاشىققا نەمەسە قالاعا بارىپ جۇمىس بىتىرمەكشى بولا قالسا بولدى قىزمەت اترەتىندەگىلەر اۆتوكولىكپەن جەتكىزىپ قويادى. سالماقتى ناۋقاستاردى ەمدەۋ-قۇتقارۋ كومەك قاراجاتىنا ءوتىنىش ەتكەندە دە قىزمەت اترەتىندەگىلەر جازباشا ماتەريالدارىن دايىنداسىپ،وزدەرى ەرتىپ ءجۇرىپ ءبىتىرىپ بەرگەن ەكەن.
«قىزمەت اترەتىنىڭ بولعانى قانداي جاقسى»
بيىل 4-ايدىڭ ورتا شەنىندە،قىستاق تۇرعىنى گۇلجان قايسا اياق استىنان ونەبويى جايسىزدانىپ،جىعىلىپ قالادى.
ءدال سول كەزدە گۇلجاننىڭ ۇلى اتىز باسىندا جۇمىس ىستەپ جۇرگەن،قىزى قالادا وقۋدا بولاتىن. اسىپ-ساسىپ ەسى شىققان گۇلجان قىستاقتاعى تۋىسىنا حابارلاسادى.
گۇلجاننىڭ تۋىسى بىردەن قىزمەت اترەتىنە بارىپ جاعدايدى تۇسىندىرەدى. جۋ جياجۇن دەرەۋ قىزمەت اترەتىنىڭ مۇشەلەرىن ەرتىپ بارىپ،گۇلجاندى اۆتوكولىكپەن 30 كيلومەتر قاشىقتىقتاعى بيڭتۋان 8-شى 121-تۋانىنىڭ شيپاحاناسىنا جەتكىزەدى ءارى گۇلجاننىڭ ۇلىنا جاعدايدى حابارلايدى.
«شيپاحاناعا جەتكەندە ەسىمنەن تانىپ كەتىپپىن. مۇنى كەيىن ۇلىمنان ەستىدىم،باعىما جاراي دەر كەزىندە شيپاحاناعا جەتكىزىلگەن ەكەنمىن، الدىمەن 121-تۋاننىڭ شيپاحاناسىندا شۇعىل قۇتقارىلعان سوڭ،كەيىن ۇلىم قالالىق حالىق شيپاحاناسىنا جوتكەپ،ەمدەۋدىڭ ەڭ ۇتىمدى ءساتىن وتكىزىپ الماپتى. قىزمەت اترەتىنىڭ بار بولعانى قانداي جاقسى بولعان،ولار مەنىڭ تۋعان بالالارىم سياقتى» دەدى گۇلجان.
«ولار جارالماعان جاقسى بالالار»
65 جاستاعى قىستاق تۇرعىنى تولەگەن قامزانىڭ نازارىندا قىزمەت اترەتىنىڭ مۇشەلەرى مەن قىستاق كادرلارىنىڭ بارلىعى جاقسى كادر، جاقسى بالالار.
5-ايدىڭ ورتا شەنىندە تولەگەن ابايسىزدا جىعىلىپ،سول جاق جامباسىنىڭ تومەن تۇسى كوپ جەردەن سىنىپ كەتەدى. ءدال سول كەزدە ونىڭ جىعىلعانىن كورگەن قىستاق تۇرعىنى ۋاڭ حاي ونى دەرەۋ سۇيەپ تۇرعىزادى ءارى ۇيىندەگىلەرى مەن قىزمەت اترەتىنە حابارلاسادى. ىلە-شالا كوپشىلىك ونى قالالىق حالىق شيپاحاناسىنا الىپ بارادى.
«قىزمەت اترەتىنىڭ مۇشەلەرى مەنىڭ بالنيتساعا جاتۋ راسمياتىمدى ءبىتىرىپ،تۇبەگەيلى ورنالاستىرىپ بولعانشا ءبىر كۇن وتە شىقتى،ولار شيپاحانادان ەرتەسى ءبىر-اق قايتتى» دەدى تولەگەن.
جارىم ايدان كەيىن شيپاحانادان ۇيىنە شىعىپ كۇتىنىپ جاتقان تولەگەن توسەكتەن تۇسە الماعاندىقتان،ىشتەي قاتتى مازاسىزدانادى.
قىزمەت اترەتىندەگىلەر ونىڭ كىتاپ وقۋعا اۋەس ەكەنىن ەستىپ،«پارتياعا ماڭگى ىلەسەمىن پارتيا تاريحىن ۇيرەنۋ تاربيەسى»،«3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى» سياقتى كىتاپتاردى اپارىپ بەرىپ،كىتاپتى سەرىك ەتىپ،الاڭسىز كۇتىنۋىنە جاعداي جاسايدى.
...
حىتان قىستاعىندا بۇل سياقتى جان جادىراتار حيكايالار ايتىپ تاۋىسقىسىز.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى