12-كەزەكتى دۇنيە جۇزىلىك سايىسكەرلىك ونەرى جۇلدەسىنە تالاسۋ جارىسى 3-قاراشادا كۋالا-لۋمپوردا جالعاستى وتكىزىلىپ، ەلىمىز كومانداسى جانە ەكى التىن مەدال ەنشىلەپ، 8 التىن مەدالمەن التىن مەدال تاقتاسىندا الدىڭعى ورىندى يەلەدى.
3-قاراشادا دۇنيە جۇزىلىك سايىسكەرلىك ونەرى جۇلدەسىنە تالاسۋ جارىسىنداعى 7 التىن مەدالدىڭ ەكەۋىن ەلىمىز كومانداسىنداعى چاي يۇنلۇڭ مەن لي فۋكۇي قانجىعاسىنا بايلادى، قالعان بەس التىن مەدالدى مالايزيا، وڭتۇستىك كوريا جانە ەلىمىزدىڭ شياڭگاڭ اكىمشىلىك رايونىنان كەلگەن سپورتشىلار ەنشىلەدى.
مۇنان تىس، قول-اياق سايىسى تۇرىندە، ەلىمىز كومانداسى جىبەرگەن 5 ەر سپورتشى مەن 3 ايەل سپورتشى 4-قاراشادا وتكىزىلەتىن جارتىلاي شەشۋشى جارىسقا قاتىناسادى. قول-اياق سايىسى تۇرىندە جالپى 18 التىن مەدال (ايەلدەردىكى 8 التىن مەدال، ەرلەردىكى 10 التىن مەدال) بولىپ، 4-، 5- قاراشا كۇندەرى ناتيجەسى جاريالانادى. قازىرگە دەيىن ەلىمىز كومانداسى 8 التىن مەدالمەن التىن مەدال تاقتاسىندا الدىڭعى ورىندى يەلەسە، مالايزيا كومانداسى 4 التىن مەدال، 4 كۇمىس مەدال، 3 قولا مەدالمەن ەكىنشى ورىندى، ەلىمىزدىڭ اۋمىن كومانداسى 3 التىن ، ءبىر قولا مەدالمەن ءۇشىنشى ورىندى يەلەدى.
رەداكتورى : ءجازيرا قاجىكەن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.