□ۋاڭ چۇنلين
تاياۋدا شاۋەشەك قالاسىنىڭ ساياحات-مادەنيەت كاسىپ باقشاسىنا بارعانىمىزدا،ادەمى ءلالا گۇلدەر كومكەرگەن تاپ-تازا كولشىكتىڭ ىشىنە بىرەۋلەر تاستاي سالعان 2 بوس قۇمىرانىڭ سۋ بەتىندە قالقىپ،كورەر كوزگە سونداي سولەكەت سەزىنىپ تۇرعانىن بايقادىم.
ءلالا گۇلى كولشىگىندەگى بوس قۇمىرالار كەيبىر ساياحاتشىلاردىڭ كورىنىس تاماشالاۋ بارىسىندا ءالى ءوز ارەكەتىنە كوڭىل بولمەي،قوقىر-قوقسىقتى بەتالدى لاقتىرىپ،كورىنىس ءوڭىرىنىڭ ورتاسىن لاستاۋمەن ساناسپايتىن ادەتىن جويا الماعاندىعىن اڭعارتادى. بۇعان باسقارۋشى تاراۋلاردىڭ وسكەلەڭ ءمان بەرۋى قاجەت.
ساياحات-مادەنيەت كاسىپ باقشاسىنىڭ باسقارۋشى تاراۋلارى جايشىلىقتا باسقارۋدى كۇشەيتۋى ءارى قالا تۇرعىندارى مەن ساياحاتشىلارعا ورتانى قورعاۋدى ەسكەرتۋى كەرەك. سونىمەن بىرگە،ارناۋلى ادام ورنالاستىرىپ،شارلاۋ تەبىنىن ارتتىرىپ،ەرتەرەك بايقاپ،ەرتەرەك ناق مايدانعا بارىپ،ەرتەرەك ءبىر جاقتىلى ەتۋگە تاباندى بولىپ، ساياحات-مادەنيەت باقشاسى ورتاسىنىڭ تازا دا رەتتى بولۋىنا شىنايى كەپىلدىك ەتۋى كەرەك.
جاقىنعى ەكى جىلدان بەرى قالا تۇرعىندارىن سەيىل-سەرۋەن قۇرىپ،ساياحاتتايتىن تاماشا ورتامەن قامداۋ ءۇشىن،شاۋەشەك قالاسى قىرۋار ادام كۇشى مەن قارجى جۇمساپ ساياحات-مادەنيەت كاسىپ باقشاسىن سالدى. قالىڭ قالا تۇرعىندارى قالانىڭ قوجايىنى بولۋ سالاۋاتىمەن وسىندا سەيىلدەي كەلگەندە العىسقا تولى سەزىممەن كاسىپ باقشاسىنىڭ ءاربىر ءتۇپ ءشوپ،ءار تال اعاشىنا دەيىن ىرىقتىلىقپەن قورعاپ،ساياحات كاسىپ باقشاسىنىڭ ورتا تازالىعىن ساقتاپ،مادەنيەتسىز ارەكەتتەردى بايقاعاندا دەر كەزىندە تيىم سالۋى كەرەك.
بيىل 7-ايدا ساياحات-مادەنيەت كاسىپ باقشاسى سالىنىپ ءبىتىپ پايدالانۋعا بەرىلگەننەن كەيىن كوپتەگەن ساياحاتشىنى وزىنە باۋرادى. ساياحاتشىلاردىڭ سەيىلدەگەن كەزدە مادەنيەتتى ساياحاتتاۋدى ەستەن شىعارماي،ساياحات-مادەنيەت كاسىپ باقشاسىنىڭ ورتاسىن ىرىقتىلىقپەن قورعاپ،بەتالدى قوقىر-قوقسىق لاقتىرماۋىن ءۇمىت ەتەمىز. ءبىر قادام ارتىق جۇرگىڭىز كەلمەيتىن ەرىنشەكتىگىڭىزدىڭ كەسىرىنەن كورىنىس ءوڭىرىنىڭ ورتاسى مەن جۇرتشىلىقتىڭ ساياحاتتاپ جۇرگەندەگى تاماشا كوڭىل كۇيىن بۇزعانىڭىز جاراماس.
كوپشىلىك بولىپ بىرلىكتە قۇلشىنىپ،بارلىعىمىز ورتانى قورعاۋ جاۋاپكەرشىلىگىن ارقالاپ، مادەنيەتتىلىكتى دارىپتەپ،بەتالدى قوقىر-قوقسىق لاقتىرماساق، ساياحات-مادەنيەت كاسىپ باقشاسىنىڭ ورتاسى ونان ارى جاقسارىپ، شاۋەشەك قالاسىنىڭ تاماشا ەسىم كارتچكاسىنا اينالاتىنىنا سەنەمىز.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى