ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

«جۇڭگودا اسەم اۋەندەر» باعدارلاماسىنا قاتىستى ەڭ ۇلكەن الدامكوستىك دەلوسى پاش بولدى

جولدانعان ۋاقىتى : 2013/12/9 16:14:47

  ماناس اۋداندىق قوعام حاۋىپسىزدىگى مەكەمەسىنىڭ قىلمىستىق ىستەر بارلاۋشى ساقشىلار ۇلكەن اترەتىنىڭ   ارناۋلى دەلو گرۋپپاسىنداعى ساقشىلار 4 قىلمىس كۇماندىسىن حىنان ولكەسىنەن ماناس اۋدانىنا الىپ كەلىپ، قوعام حاۋىپسىزدىگى مەكەمەسىنىڭ اۋلاسىنا كىرە بەرگەندە، «جارايسىڭدار!» دەگەن القاۋلار ايتىلىپ، شاپالاق ءۇنى كوتەرىلدى. وسى تاجىريبەلى ساقشىلار الدى-ارتى 84 كۇنگە سوزىلعان، حاينان، حىنان، حۋنان، حۋبەي، گۋاڭدۇڭ سياقتى 5 ولكەنى شارپىعان،  دەلوعا قاتىستى سوما 6 ميلليون يۋاننان اسقان، تەلەگراف الدامكوستىك دەلوسى بويىنشا ماناس اۋدانى تاريحىنداعى ەڭ ۇلكەن الدامكوستىك دەلوسىن پاش   ەتىپ، شينجياڭ ساقشىلارىنىڭ ناقتى قۋاتىن تاعى ءبىر رەت  ايگىلەدى.

  «ءسىز سيلىققا يە بولدىڭىز...»

  ماناس اۋدانىنىڭ تۇرعىنى ما حۇڭ 26-ماۋسىمدا قول تەلەفونىنا كەلگەن كەلتە حاتتى كورىپ، ءوز كوزىنە ءوزى سەنبەي سىلەيىپ تۇرىپ قالدى. «قۇرمەتتى ابونت، ءسىزدىڭ حۋنان تەلەۆيزياسى وتكىزگەن ‹جۇڭگوداعى ەڭ اسەم اۋەن› باعدارلاماسىنىڭ تالەيلى كورەرمەنى بولعانىڭىزدى قۇتتىقتايمىز، ءسىز 168 مىڭ يۋان ناق اقشاعا جانە    ‹الما› ماركالى تاقتايشا كومپيۋتەرگە يە بولدىڭىز» دەگەن مازمۇندا جازىلعان وسى كەلتە حاتتا توراپتىڭ مەكەن-جايى دا انىق جازىلعان. مۇنى كورگەن ما حۇڭ دەرەۋ توراپقا كىرىپ، ءوزىنىڭ قول تەلەفون ءنومىرىن جانە دالەلدەۋ ءنومىرىن وعان كىرگىزدى.    ايتىپ-ايتپاي اشىلعان توراپ بەتىندە ونىڭ «جۇڭگوداعى ەڭ اسەم اۋەن» باعدارلاماسىنىڭ تالەيلى كورەرمەنى سيلىعىنىڭ يەگەرى بولعانى انىق جازىلعان. وسى كەلتە حاتقا رياسىز سەنگەن ما حۇڭ ەندىگى جەردە توراپ بەتىنىڭ قىزمەت وتەۋ تەلەفون نومىرىنە تەلەفون شالدى. تەلەفوندى قابىلداعان قارسى جاق:      «ەستىپ تۇرعانىڭىز حۋنان تەلەۆيزياسى وتكىزگەن ‹جۇڭگوداعى ەڭ اسەم اۋەن› باعدارلاماسىنىڭ قىزمەت وتەۋ ىركىلىسسىز تەلەفونى» دەيدى دە، ونى قىزۋ قۇتتىقتايتىنىن ايتىپ، پوچتا اقىسى ءۇشىن وزدەرى ايتىپ بەرگەن ءنومىر بويىنشا سول بانكە كارتۋچكاسىنا 200 يۋان سالىپ جىبەرۋدى تاپسىرادى. ما حۇڭ ولار ايتقان بانكە كارتۋچكاسىنا 200 يۋان اقشا سالىپ جىبەردى دە ىركىلىسسىز تەلەفون نومىرىنە قايتادان تەلەفون شالادى، قارسى جاق وعان اقشا سالعان الگى بانكە كارتۋچكاسىنا تاعى 5 مىڭ 700 يۋان كەپىلدىك اقشاسىن سالىپ جىبەرۋدى تاپسىرادى. 168 مىڭ يۋان اقشاعا يە بولۋ ءۇشىن ازىراق شىعىن شىعارۋعا رازى بولعان ما حۇڭ الگى بانكە كارتۋچكاسىنا تاعى 5700 يۋان اقشا سالىپ جىبەرەدى دە، قارسى جاققا تاعى دا تەلەفون شالىپ، اقشانى سالىپ جىبەرگەنىن ايتىپ، سيلىق سومانى قولىنا قالاي تيگىزىپ الاتىنىن سۇرايدى. سوندا قارسى جاق وعان باسقا ءبىر تەلەفون ءنومىرىن ايتىپ بەرەدى دە، ونىڭ وسى نومىرگە تەلەفون شالۋ ارقىلى سيلىق سومانى قالاي الاتىنىن بىلۋىنە بولاتىنىن ايتادى. ما حۇڭ ىلە-شالا وسى نومىرگە تەلەفون شالادى. تەلەفوندى قابىلداعان قارسى جاق قاتىستى بەلگىلەمەگە ساي 33 مىڭ 600 يۋان باجى تولەۋ كەرەك ەكەنىن ايتىپ، وعان تاعى باسقا ءبىر بانكە كارتۋچكا ءنومىرىن ايتىپ بەرەدى. وسى كەزدە ما حۇڭنىڭ ەسىل-دەرتى سول سيلىق سومانى تەزىرەك قولعا تيگىزۋ ەدى. ەندى ول   ءوزىنىڭ بانكە كارتۋچكاسىنان 33 مىڭ 600 يۋان اقشا شىعارىپ الىپ، ولاردىڭ ايتقان الگى بانكە كارتۋچكا نومىرىنە سالىپ   جىبەرەدى، ءبىراق قارسى جاق ويلاماعان جەردەن بۇل اقشانى بانكەنىڭ تۇتقيىل مۇزداتىپ تاستاعانىن، ەندى ۋ XX ەسىمدى بىرەۋدىڭ اتىنداعى بانكە كارتۋچكاسىنا دەرەۋ 23 مىڭ 900 يۋان كەپىلدىك اقشاسىن سالىپ جىبەرۋىن تاپسىرادى. ەندى كۇدىكتەنە باستاسادا ما حۇڭ الگى بانكە كارتۋچكاسىنا 23 مىڭ 900 يۋان اقشا سالىپ جىبەرەدى. ما حۇڭ «ەندى سيلىق اقشا قالايدا قولىما تيەتىن شىعار» دەپ قۇر قيالعا سالىنىپ وتىرعاندا، قارسى جاق ما حۇڭعا باسقا ءبىر بانكە كارتۋچكاسىنا 36 مىڭ 900 يۋان اقشا سالىپ جىبەرۋدى تاپسىرادى. بۇل تۇستا ما حۇڭ بانكەلەر اراسىندا ارلى-بەرى كوپ سابىلىپ نەداۋىر شارشاپ-شالدىعىپ تا قالعان ەدى، دەسەدە 168 مىڭ يۋان اقشا ەسىنە تۇسسە بولدى، ونىڭ جۇزىنە الدە قانداي قۋانىش ورنايتىن. وسىلايشا ول بانكەگە بارىپ وسى اقشانى دا سالىپ جىبەرەدى. الايدا ويلاماعان جەردەن قارسى جاق ما حۇڭعا تاعى 70 مىڭ يۋان اقشا سالىپ جىبەرۋدى ايتادى. وسى كەزدە الدانعانىن سەزگەن ما حۇڭنىڭ ماڭدايىنان سۋىق تەر بۇرق ەتە تۇسەدى. ول ەندى دەرەۋ «110» عا تەلەفون شالادى.
 
84 كۇندە پاش بولعان ءىرى الدامكوستىك دەلوسى

  ماناس اۋداندىق قوعام حاۋىپسىزدىگى مەكەمەسى ما حۇڭ مالىمدەگەن دەلودان حابار تاپقان سوڭ بانكە سالاسىنداعىلارمەن حابارلاسادى. وكىنىشكە وراي، ما حۇڭنىڭ سالىپ جىبەرگەن   اقشاسى الدە قاشان جوتكەلىپ اكەتىلگەن-دى. ماناس اۋداندىق قوعام حاۋىپسىزدىگى مەكەمەسى شۇعىل كەڭەس وتكىزىپ، ارناۋلى دەلو گرۋپپاسىن قۇرادى. ارناۋلى دەلو گرۋپپاسىنداعى ساقشىلار 26-ماۋسىمنان 8-شىلدەگە دەيىن ما حۇڭ اقشا سالعان بانكە كارتۋچكالارىنان قايسى رايوندا اقشا شىعارىلعانىن، كىمنىڭ كارتۋچكاسىنا جوتكەلگەنىن    انىقتاعان سوڭ، حىنان، حۋنان، حاينان، حۋبەي جانە گۋاڭدۇڭ سياقتى 5 ولكەنى ءتۇيىن ەتە  وتىرىپ تەكسەرۋ جۇرگىزەدى. ارناۋلى دەلو گرۋپپاسىنداعى 2 ساقشى 8-شىلدە كۇنى حىنان ولكەسىنە اتتانادى. وسى كۇننەن باستاپ ساقشىلاردىڭ جاپالى قىزمەتى باستالادى.

  وسى الدامكوستىك ىستەگەن قىلمىستىلار توبىنىڭ اتاماندارى بارىپ تۇرعان الاياق بولعاندىقتان، قىزمەت ءبولىسىن انىق ايىرعان، سوندىقتان ونداعى ءارقايسى گرۋپپانىڭ مۇشەلەرى ءبىر-    ءبىرىن دە تانىمايتىن. ارناۋلى دەلو گرۋپپاسىنداعى ساقشىلار بارعان جەرلەرىندە جەرگىلىكتى كاسىپتەستەرىنىڭ جاقىننان بەرگەن جاردەمىنە يە بولادى.

  شىلدە جانە تامىز ايلارى ىشكى ولكەنىڭ اۋا رايى ەرەكشە ىستىق، ال حاينان، گۋاڭدۇڭ سياقتى ولكەلەردە جاۋىن-شاشىن مول بولاتىن كەز ەدى. شينجياڭنان بارعان ساقشىلار اۋا رايى، ازىق-تۇلىك جاقتارىنداعى ءتۇرلى   قيىنشىلىقتاردى جەڭىپ، بارلاۋ قىزمەتىن ىشكەرىلەي جۇرگىزەدى. ولار 5-تامىزعا دەيىن 5 ولكەنى اينالىپ، ءاربىر كۇماندى تۇيىندەردى ءبىر-بىرلەپ تەكسەرەدى ءارى «كۇماندى» دەپ قارالعان ادامداردى قاتارعا تۇرعىزىپ، حىنان ولكەسىنەن 4 قىلمىس كۇماندىسىن العاشقى ادىمدا تۇراقتاندىرادى. 2-باسقىشتاعى قىزمەت اياقتالعان سوڭ، مەكەمە باسشىلارى قىلمىس كۇماندىلارىن جىلدام زاڭ تورىنا ءتۇسىرۋ جونىندە نۇسقاۋ تۇسىرەدى. ساقشىلار جەرگىلىكتى كاسىپتەستەرىنىڭ كومەگىندە ءبىر ايدان ارتىق بارلاۋ جۇرگىزىپ، 11-، 12 -، 22-جانە 25-قىركۇيەك كۇندەرى 4 قىلمىس كۇماندىسىن حىنان ولكەسىنىڭ ءارقايسى قالالارىنان قولعا تۇسىرەدى ءارى ولاردان 61 بانكە كارتۋچكاسىن، 7 جالعان ازاماتتىق كۋالىكتى، 40 مىڭ يۋاننىڭ ۇستىندە ناق اقشانى جانە باعاسى 70 مىڭ يۋان اينالاسىنداعى ءبىر جەڭىل اۆتوكولىكتى ءمۇسادىرالايدى. ساقشىلار وسى قىلمىستىق توپتىڭ شينجياڭ، شاندۇڭ، بەيجيڭ، حىنان، گۋاڭشي، حۋبەي سياقتى جەرلەردە دەلو تۋدىرعانىن، قازىرگە دەيىن دەلوعا قاتىستى سومانىڭ 6 ميلليون   يۋاننان اسقانىن انىقتايدى.

  كەزەكتە ماناس اۋداندىق قوعام حاۋىپسىزدىگى مەكەمەسى وسى 4 قىلمىس كۇماندىسىن قىلمىستىق ىستەر زاڭى بويىنشا ۇستاي تۇردى. وكىنىشكە وراي، 4 قىلمىس كۇماندىسى وسى الدامشى قىلمىستىلار توبىنىڭ اقشا الۋعا، جوتكەۋگە جاۋاپتى قاراپايىم مۇشەلەرى عانا ەدى. قوعام حاۋىپسىزدىگى مەكەمەسى قىلمىستىق ىستەر بارلاۋشى ساقشىلار ۇلكەن اترەتىندەگى وسى دەلوعا جاۋاپتى قىزمەتكەردىڭ ايتۋىنشا، ولار قولعا تۇسكەن وسى قىلمىس كۇماندىلارى ارقىلى باستى قىلمىس كۇماندىلارىن قۇرىقتاۋعا، زيانكەستىككە ۇشىراعانداردىڭ مال-مۇلكىن دە تولىعىمەن قايتارىپ كەلۋگە كۇش شىعارادى ەكەن.
 
الدامكوستىكتەن ساقتانۋ    قىراعىلىعىمىزدى جوعارىلاتايىق

  ماناس اۋداندىق قوعام حاۋىپسىزدىگى مەكەمەسىنىڭ قىلمىستىق ىستەر بارلاۋشى ساقشىلار ۇلكەن اترەتىنىڭ ورىنباسار باستىعى دۇڭ باۋجياڭ  مىنانى قاتاڭ ەسكەرتەدى:

  قازىر «ۇلكەن سيلىققا يە بولدىڭ» دەپ ادام الداۋ، «تۋىس-تۋعان، دوس-جارانىڭمىن» دەپ وتىرىك ايتۋ ارقىلى الدامكوستىك ىستەۋ، ءتارتىپ تەكسەرۋ ورگاندارىنىڭ قىزمەتكەرىمىز دەپ الداپ-ارباۋ سياقتى ءتۇرلى-ءتۇستى كوزبوياۋشىلىقتار كوبەيىپ بارادى. ەستەرىڭىزدە بولسىن، اياق استىنان ۇلكەن سيلىققا يە بولا كەتەتىن ونداي وڭاي شارۋا جوق. پايدا كوستىگىمىزدەن، ناداندىعىمىزدان پايدالانعان الدامكوستەر ءبىزدى تۇزاعىنا وڭاي ءتۇسىرىپ كەتەدى. كوپشىلىك قاشاندا سەرگەك بولۋى، ءتۇرلى الدامكوستىككە، اسىرەسە، تەلەگراف الدامكوستىگىنە قارسى تۇرۋ سانا-سەزىمىن جوعارىلاتۋى كەرەك. بەيتانىس نومىرلەردەن كەلگەن تەلەفون جانە كەلتە حاتقا وڭاي سەنە سالماۋى، قانداي جاعدايدا دا باسقالارعا ءوزىمىزدىڭ جانە وتباسىمىزىڭ ينفورماتسياسىن، بانكە ەسەپ-قيساپ ءنومىرىن، بانكە كارتۋچكا ءنومىرىن ايتپاۋىمىز ءتيىس. بەيتانىس ادامنىڭ بانكە كارتۋچكاسىنا اقشا سالماۋ، اقشا جوتكەمەۋ كەرەك. ەگەر الدانىپ قالعانىڭىزدى سەزسەڭىز، دەرەۋ قوعام حاۋىپسىزدىگى مەكەمەسىنە دەلونى مالىمدەۋىڭىز كەرەك.
 
(شينجياڭ زاڭ گازەتىنەن)
 
   رەداكتورى : ءجازيرا قاجىكەن قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
   مسالى: «تارباعاتاي اقپارات تورابىنان» الىندى.
 
 
powered by IlgharCMS 3.2 www.ilghar.cn