قۇمىل قالالىق 1-ورتا مەكتەپتىڭ باستىعى ەركىن ابىلەز
پومپەو مەن جىڭ گو-ىن شينجياڭ تۋرالى سان-ساققا جۇگىرتتى،بۇل بۇكىلدەي شىندىقپەن ساناسپاعاندىق،اق پەن قارانى شاتاستىرعاندىق،ماقساتى __ ايتىلمىس شينجياڭعا ساياتىن ماسەلەلەردەن پايدالانىپ،جۇڭگونىڭ ۇلت قاتىناسىنا ىرتكى سالۋ، شينجياڭنىڭ گۇلدەنۋىن،ورنىقتىلىعىن ءبۇلدىرۋ،جۇڭگونىڭ دامۋىن،كۇشەيۋىن تەجەۋ،نيەتى توتەنشە سۇرقيا،«جامان نيەتى جۇرتقا ايان» دەۋگە بولادى.
شينجياڭ جۇمىسىنىڭ جاقسى ىستەلگەن-ىستەلمەگەنى تۋرالى پومپەو،جىڭ گو-ىن سياقتى «ساياسي ۆيرۋستاردىڭ» كوسەمسۋىنىڭ قاجەتى جوق،بۇل تۋرالى شينجياڭدا تۇرمىس كەشىرىپ جاتقان ءار ۇلت حالقى ەڭ سويلەۋ ۇقىعىنا يە. شينجياڭنىڭ ءتول تۋماسى رەتىندە،شينجياڭنىڭ وقۋ-اعارتۋ قىزمەتكەرى رەتىندە،شينجياڭنىڭ وقۋ-اعارتۋ جاعىندا جارىققا شىققان كەرەمەت وزگەرىستەرىنە كۋامىن. مەن كىشكەنتايىمنان پارتيانىڭ قامقورلىعىنا بولەنىپ ەسەيىپ-ەرجەتتىم،مەنىڭ مۇعالىمدارىم ونەگە كورسەتىپ،ءبىلىم ۇيرەتىپ،ۇعىندىرىپ،ماعان ءومىردىڭ بەتالىسىن نۇسقادى،ولاردىڭ قالتقىسىز ۇلەس قوسۋى مەنى تەبىرەنتتى. وسى سەبەپتى مەن كىشكەنتايىمنان ءبىر وقۋ-اعارتۋ قىزمەتكەرى بولۋدى ماقسات تۇتتىم. 30 جىلدان بەرى مەن وقۋ-اعارتۋ ىستەرىنە دەگەن تالپىنىسىمدى كوكەيدە ساقتاپ،پارتيانىڭ تاربيەلەۋى مەن باۋلۋىندا حالىق وقىتۋشىسىنان مەكتەپ باستىعى بولىپ،باستان-اياق وقۋ- اعارتۋ شەبىندە ءوزىمنىڭ كۇش-قۋاتىمدى ارناپ كەلەمىن. وتە-موتە،قۇمىل قالالىق 1-ورتا مەكتەپكە كەلگەننەن سوڭ،پارتيا مەن ۇكىمەتتىڭ كوڭىل ءبولۋى مەن قامقورلىعىندا،مەكتەبىمىز 2011-جىلى جاڭا مەكتەپ رايونىنا تۇتاس تۇلعالىق جاقتان كوشۋدى ورىندادى،ساباقحانامىز ءتىپتى دە كەڭ ءارى جارىق بولدى،يقۋاتتى ساباقحانانىڭ ءتۇرى ءتىپتى دە كەمەلدەنىپ،وقۋشىلاردىڭ ۇيرەنۋ ورتاسى، وقىتۋشىلاردىڭ قىزمەت ىستەۋ شارت- جاعدايى ايرىقشا جاقساردى،مەكتەپتىڭ ءتۇرلى قىزمەتتەرى جەدەل دامىدى. 2009-جىلدان بۇگىنگە دەيىن ءۇرتىس كوپ جىلدار بويى 1-ورتا مەكتەپ وقۋشىلارىنىڭ جوعارى مەكتەپ ەمتيحانىندا تولىق كۋرسقا ءوتۋ سالىستىرماسى ％100 كە جەتتى. نەشە ونداعان از ۇلت وقۋشىسى ىركەس-تىركەس بەيجيڭ داشۋەسى،فۋدان داشۋەسى،جىجياڭ داشۋەسى،جۇڭگو حالىق داشۋەسى،جۇڭگو ساياسي-زاڭ داشۋەسى سياقتى ايگىلى جوعارى مەكتەپتەرگە قابىلداندى.
قۇمىلداعى ءار ۇلت وقۋشىلارى «ءۇشتى كەشىرىم ەتۋ،ءبىردى تولىقتاۋ» ساياساتىنان يگىلىكتەنۋدە،ىشكى وڭىرلەردەگى وقۋ-اعارتۋى وزىق ولكە-قالالار ايگىلى وقىتۋشىلارىن قۇمىلعا وقۋ-اعارتۋ ىسىنە كومەكتەسۋگە جىبەرىپ،ءار ۇلت بالالارىنىڭ اناعۇرلىم ساپالى وقۋ- اعارتۋ بايلىعىنان يگىلىكتەنۋىنە مۇمكىندىك جاساپ،شىعىس،باتىس بولىكتەردىڭ وقۋ- اعارتۋداعى پارقىن ازايتتى. بۇل ءتيىمدى ساياساتتار قۇمىلدىڭ وقۋ-اعارتۋ ىستەرىنە وراسان زور وزگەرىستەر الا كەلىپ،شارۋا وتباسىلارىنىڭ بالالارىنىڭ وقيتىن مەكتەبى بولۋىنا،وقي الۋىنا، جاقسى وقۋىنا مۇمكىندىك جاسادى.
شينجياڭداعى ءار ۇلت جاستارى قىراعى بولا ءتۇستى. پومپەو،جىڭ گو-ىن،سەندەردىڭ سۇرقيا نيەتتەرىڭ الدەقاشان اشكەرەلەندى،ءبىز،استە،الدانبايمىز! ءبىزدىڭ باقىتتى تۇرمىسىمىزدى بۇلدىرەم دەپ ويلاماڭدار！
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى