پوسكام اۋداندىق پارتكومنىڭ تۇراقتى مۇشەسى،ۇگىت ءبولىمىنىڭ باستىعى تۇرسۇناي ابىليميت
پومپەو،جىڭ گو-ىن وتىرىك ايتۋمەن جانە الدامشىلىقپەن اتى شۋلى بولعان،ولار تاراتقان شينجياڭعا ساياتىن ءتۇرلى ۋىتتار مەن وسەك-اياڭدار،ءسوز جوق،تاريحتىڭ قوقىر-قوقسىعىنا سىپىرىلىپ تاستالادى ءارى،ءسوزسىز،ادىلەتتىڭ تەرگەۋىنە جانە ەسەپ الۋىنا تارتىلادى.
مەن جاڭا جۇڭگودا تۋىپ،قىزىل تۋدىڭ استىندا ەرجەتتىم،كىشكەنتايدان ەرجەتكەنگە دەيىن،قۇلاققا ءسىڭىستى،كوزگە ءۇيىر بولعانى،اعا بۋىنداردان ەستىگەنىمىز،كورگەنىمىز تۇگەلدەي ۇلى پارتيامىزدىڭ،ۇلى وتانىمىزدىڭ حالىقتى سۇيۋدەگى،حالىققا تيىمدىلىك جاساۋداعى سان-ساناقسىز ىستەرى بولدى. قىزمەتكە قاتىناسقاننان كەيىن،از ۇلت كادرى رەتىندە،ءوزىمنىڭ شينجياڭنىڭ دامۋىنىڭ،وزگەرىسىنىڭ قۇرۋشىسى،كۋاگەرى بولعانىمدى توتەنشە ماقتانىش ەتەمىن. كوپ جىلدان بەرى ءبىز حالىقتى وزەك ەتكەن دامۋ يدەياسىنا تاباندى بولىپ،حالىق تۇرمىسىن كۇش سالا قامتاماسىز ەتتىك جانە جاقسارتتىق،جۇمىستانۋ،وقۋ- اعارتۋ،ەمدەۋ،قوعامدىق قامسىزداندىرۋ سياقتى ءتۇرلى حالىق تۇرمىسى ينجەنەريالارىن زور كۇشپەن ىلگەرىلەتىپ،ءار ۇلت بۇقاراسىنىڭ تابىس سەزىمى،باقىت سەزىمى،حاۋىپسىزدىك سەزىمى كورنەكتى جوعارىلادى. بۇقارا تۇگەلدەي: «ءبىزدىڭ تۇرمىسىمىز بالدان ءتاتتى،تاماشا تۇرمىسىمىز پارتيانىڭ تاماشا ساياساتىنان كەلگەن»،- دەيدى. پومپەو،جىڭ گو-ىن بار كۇشىن سالىپ جۇڭگوعا كۇيە جاعىپ، اۋزىنا كەلگەنىن ساندىراقتاعانىمەن، ءبىراق،وسەك-اياڭ شىندىقتى استە بۇركەمەلەي المايدى.
«جاپپاي دوڭگەلەك داۋلەتتى قوعام قۇرۋدى جۇزەگە اسىرۋدا از ۇلتتاردىڭ بىردە-بىرەۋى كەم بولسا بولمايدى،بىردە-بىرەۋىنىڭ قاتاردان قالۋىنا بولمايدى» دەگەن ايبىندى ۋادە قۇلاعىمدا ءالى جاڭعىرىپ تۇر، سانسىزداعان كادرلار ءار ۇلت كەدەي بۇقاراسىن جاقىنىنا بالاپ،كەدەي بۇقارانى باستاپ بىرگە جۇمىس ىستەدى. بۇگىنگى كۇنگە جەتكەندە،پوسكامداعى ءار ۇلت حالقى شىلان،جاڭعاق سياقتى ەرەكشە كاسىپ سالاسىن دامىتۋ ارقىلى كىرىستەرىن ارتتىرۋدى جەدەلدەتىپ،قىستاقتاردا زاۆود قۇرىپ،قىستاق تۇرعىندارى ۇيلەرىنىڭ ماڭايىنان جۇمىستانا الاتىن بولدى. پوسكامنىڭ بارلىق جەرىنەن جاراسىمدى،كىسىنى قۋانىشقا بولەيتىن دامۋ كورىنىستەرى كوزگە تۇسەدى،بەيقۇت ۇيلەر كەڭ دە جارىق،اسفالت جولدار ءۇيىمىزدىڭ ەسىك الدىنا دەيىن تارتىلدى،جاسىل اعاشتار ءبىر-بىرىنە كورىك قوسىپ، قۇستار سايراپ،گۇلدەر جايناپ، جەر-جەردىڭ بارىندە اۋىل-قىستاق كوركەيگەن،حالقى باقىتتى كوركەم كارتينا مەن مۇندالايدى.
پومپەو،جىڭ گو-ىن گۇلدەنگەن،ورنىقتى شينجياڭدى كورۋدى قالاماي،قۇدىرەتتى سوتسياليستىك جۇڭگونىڭ كوركەيۋىن كورۋدى قالاماي،اق پەن قارانى شاتاستىرىپ،شىندىقتى بۇرمالاپ،ءبىزدىڭ ۇلت قاتىناسىمىزعا ىرتكى سالۋعا،شينجياڭنىڭ گۇلدەنۋىن، ورنىقتىلىعىن بۇلدىرۋگە ۇرىندى،بۇل بۇكىلدەي ەسالاڭنىڭ ەسكەۋىلى. اۋمەسىرلەردىڭ ايلاسىن الدەقاشان ءبىلىپ الدىق،ولاردىڭ سۇرقيا نيەتى ماڭگى ىسكە اسپايدى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى