ءتىلشىمىز زىڭ جاۋمەي،ەرىكتى ءتىلشى لي چۋلين حابارلايدى. جاقىنعى كۇندەردەن بەرى ساۋان قالاسى دۇڭۋان قالاشىعى پارتكومى پارتيا تاريحىن ۇيرەنۋ تاربيەسىن وراي،بۇقارا ءۇشىن ناقتى ءىس ىستەۋدى نىسانا ەتىپ،پارتيالى كادرلاردى پارتيا تاريحىن ۇيرەنۋ، بورىشتى امالياتتا ايگىلەۋ «اعاش ەگىپ،ورمان وتىرعىزۋ __ اۋىل-قىستاقتى كوركەيتۋگە ءبىز ات سالىسۋدامىز» قيمىلىن ورىستەتۋگە ۇيىمداستىردى.
دۇڭۋان قالاشىعى قىزىلوزەن قىستاعىنىڭ پارتيا مۇشەلەرى مەن قىستاق كادرلارى قىستاقتىڭ نەگىزگى جولىنداعى جانە 11 كوشەدەگى اۋلا قابىرعالارىن ءبىر تۇتاس سۋ سىڭبەيتىن بوياۋمەن بويادى،سونىمەن بىرگە،3 كيلومەتر جەردەگى اعاشتاردى دا اكتەدى؛11-كوشەنىڭ ەكى جاعالاۋىنداعى جاياۋلار جولىنا ءتۇستى كەرپىش جاتقىزۋدىڭ قاربالاستىعىنا ءتۇستى.
«ءبىز جاقسى باستاما اشىپ،جاقسى قادام تاستاپ،اۋىل شارۋاشىلىعى ءوندىرىسىن ويداعىداي يگەرۋمەن قاتار،قىستاقتى ءتىپتى دە كورىكتى، قونىستانۋعا جايلى ەتىپ،قىستاق تۇرعىندارىن مەكەندەرىن ءتىپتى دە قىزۋ سۇيۋگە باستايمىز» دەدى قىزىلوزەن قىستاعى پارتيا ياچەيكاسىنىڭ شۋجيى جۇمادىل تۇردى.
«اعاش ەگۋگە قاتىناسۋ،تالداردى اكتەۋ،قوقىر-قوقسىق تەرۋ سياقتى ەڭبەكتەردىڭ بارلىعى ورتانى كورىكتەندىرىپ،جاسىل تاۋ،تۇنىق سۋ ۇستانىمىن امالياتتا ايگىلەۋ ءارى ازاماتتىق بورىشىمىزدى وتەۋ بولىپ تابىلادى. الدا مەن پارتيا تاريحىن ۇيرەنۋدەن العان اقىل-پاراساتتارىمدى قىزمەتتىڭ قوزعاۋشى كۇشىنە اينالدىرىپ،مەكەنىمىزدىڭ قۇرىلىسىنا ءبىر كىسىلىك ۇلەسىمدى قوسۋمەن بىرگە،ءتىپتى دە كوپ ادامداردى مەكەندى كوركەيتۋ قىزمەتىنە ات سالىسۋعا جەتەلەيمىن» دەدى دۇڭۋان قالاشىعى پارتيا جانە بۇقاراعا قىزمەت وتەۋ ورتالىعىنىڭ كادرى ۋاڭ جياجي.
كورىكتى اۋىل-قىستاق قۇرىلىسىن ىلگەرىلەتۋ ءۇشىن،دۇڭۋان قالاشىعى ورگانىنداعى پارتيا مۇشەلەرى مەن كادرلار ساۋان جىلجىمالى حابارلاسۋ سەرىكتەستىگىنىڭ دۇڭۋان قالاشىعى شيدي قىستاعىندا تۇراتىن قىزمەت اترەتىنىڭ مۇشەلەرىمەن،قىستاق «ەكى كوميتەتى» القاسىنىڭ مۇشەلەرىمەن،سونداي-اق قىستاق تۇرعىندارىمەن بىرگە شيدي قىستاعىنىڭ نەگىزگى جولىنىڭ ەكى جاعالاۋىندا بىلەكتەرىن سىبانىپ،قولدارىنا كۇرەك الىپ،شۇڭقىر قازىپ،كۇلگىن جاپىراقتى مويىل اعاشى مەن التىن جاپىراقتى شوگىرشىن اعاشى سياقتى كورىنىس اعاشتارىنىڭ كوشەتىن وتىرعىزدى.
سونىمەن بىرگە،پارتيا مۇشەلەرى مەن كادرلار باستاماشىلدىقپەن جاڭا ءداۋىر وركەنيەتىن امالياتتا ايگىلەۋ پۋنكتىندەگى ەرىكتىلەرمەن بىرگە كوشە-كوشەلەرگە بارىپ،قالتارىس جەرلەردى،ورمان بەلدەۋلەرىن تازالاپ،تاماشا قونىستانۋ ورتاسىن جاراتىپ،ءار ۇلت بۇقاراسىنا ماڭىنداعى وزگەرىستەردى شىنايى سەزىندىرىپ، باقىت سەزىمدەرىن جوعارىلاتتى.
دۇڭۋان قالاشىعى حالىق قۇرىلتايىنىڭ ءتوراعاسى جاڭ چيڭگاڭ: «قيمىل ارقىلى پارتيالى كادرلاردىڭ ىنتىماقتاسا سەلبەسەتىن،جاپا-ماشاقاتتان قورىقپايتىن،بۇقارا ءۇشىن قىزمەت وتەيتىن تاڭداۋلى ستيلدى ساۋلەلەندىرىپ،كادرلار مەن بۇقارانىڭ اتا مەكەندى كوركەيتۋ،وتاندى جاسىلداندىرۋ تانىمىن ۇزدىكسىز جوعارىلاتىپ،كادرلار مەن بۇقارانىڭ ەكولوگيانى الدىمەن ويلاستىرۋ ۇستانىمىن بەرىك ورناتۋىنا مۇمكىندىك جاساۋ ارقىلى قونىستانۋ ورتاسىن ۇزدىكسىز وڭاپ،بۇقارانىڭ تۇرمىس ساپاسىن جوعارىلاتامىز» دەدى.
الدا دۇڭۋان قالاشىعى كاسىپ سالاسى ارقىلى گۇلدەندىرۋ،ەكولوگيا ارقىلى گۇلدەندىرۋ،مادەنيەت ارقىلى گۇلدەندىرۋ،دارىندىلار ارقىلى گۇلدەندىرۋ،ۇيىم ارقىلى گۇلدەندىرۋدى ارقاۋ ەتىپ،اۋىل-قىستاقتى گۇلدەندىرۋدى ۇزدىكسىز ويداعىداي اتقارىپ،كورىكتى اۋىل-قىستاق قۇرىلىسىن ىلگەرىلەتەدى؛ نەگىزدىك كاسىپ سالاسىنىڭ ساپاسىن جوعارىلاتىپ،ونىمدىلىگىن ارتتىرۋدى اناعۇرلىم ويداعىداي يگەرىپ،اۋىل-قىستاق ەكولوگياسىن قورعاۋ جانە اۋىل-قىستاق قونىس ورتاسىن رەتتەۋ-وڭاۋدى كۇشەيتىپ،قونىس ورتاسىن جاقسارتادى ەكەن.
قازىرگە دەيىن دۇڭۋان قالاشىعىنان قيمىلعا قاتىناسقان پارتيالى كادرلار 600 دەن استام رەتكە جەتىپ،110 مۋ جەرگە اعاش وتىرعىزىلىپ،16 توننا قوقسىق تازالانعان.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى