بۇراتالا موڭعۇل اۆتونوميالى وبلىستىق قوعام حاۋىپسىزدىگى مەكەمەسىنىڭ ورىنباسار باستىعى دىلشات ابدىراحمان
پومپەو،جىڭ گو-ىن شينجياڭعا قيسىنسىز سوقتىعىپ،كۇيە جاعىپ،شينجياڭنىڭ ۇلت قاتىناسىنا ىرتكى سالۋعا،شينجياڭنىڭ ورنىقتىلىعىن بۇلدىرۋگە ۇرىندى،ولاردىڭ بۇيرەكتەن سيراق شىعاراتىن وسەك-اياڭدارى،ساندىراقتارى ادامنىڭ زىعىردانىن قايناتادى.
مەن كوپ جىلدار بويى پارتيانىڭ تاربيەلەۋىن،باۋلۋىن قابىلداعان،لاڭكەستىككە قارسى تۇرىپ،ورنىقتىلىقتى قورعاۋدىڭ جانە جاۋعا قارسى تۇرۋ كۇرەسىنىڭ ءبىرىنشى شەبىندە 30 جىلدان استام ۋاقىت قىزمەت ىستەگەن پارتيالى كادرمىن. 30 نەشە جىلدان بەرى ۇيىمنىڭ قامقورلىعىندا،كوڭىل بولۋىندە قاراپايىم حالىق ساقشىسىنان باسشى كادر بولىپ جەتىلدىم،30 نەشە جىلدان بەرى مەن بۇراتالا وبلىسىنىڭ دامۋ وزگەرىسىنە كۋا بولدىم،رەفورما جاساعان، ەسىك اشقاننان بەرى،وتە-موتە،پارتيا 18-قۇرىلتايىنان بەرى بۇراتالا وبلىسى قارىشتاپ دامىدى دەۋگە ابدەن بولادى. 30 جىلدىڭ الدىنداعى بۇراتالا وبلىسىندا باتپاق بولىپ جاتاتىن ءبىر عانا چيڭدىلي ۇلكەن داڭعىلى،بىرنەشە شاعىن عيمارات عانا بار بولاتىن،كوشە ورتاسىنداعى ءبىر باقشا بۇراتالا وبلىسىنىڭ بارلىق تىنىعۋ،ويىن-ساۋىق ورتالىعى ەدى. بۇگىنگى تاڭداعى بۇراتالا وبلىسىنا كوز سالار بولساڭىز،ەكونوميكا ۇزدىكسىز جىلدام دامىدى،ءتۇرلى نەگىزدىك قۇرىلعى قۇرىلىسى كورنەكتى جاقساردى،وسى زامان قاتىناس تورى نەگىزىنەن قالىپتاستى، ەكولوگيالىق ورتانى قورعاۋ جانە قۇرۋ ۇزدىكسىز كۇشەيدى،ءار ۇلت بۇقاراسىنىڭ تۇرمىس دەڭگەيى زور دارەجەدە جوعارىلادى،كيەر كيىم،ىشەر اس،جاتىن ورىن،ءجۇرىس-تۇرىس شارت-جاعدايى وراسان زور دارەجەدە جاقساردى،ءبىز ءاربىرىمىز ءار كۇنى دەرلىك مۇنداي ناقتى دامۋ وزگەرىسىن تىكەلەي سەزىنىپ كەلەمىز.
جۋىق جىلداردان بەرى قوعام حاۋىپسىزدىگى ورگانى «تومەنگە بەرۋ،باسقارۋ،قىزمەت وتەۋ» رەفورماسىن ورىستەتىپ،«ءبىر جولدا ءبىتىرۋ،دەرەۋ ءبىتىرۋ،ينتەرنەتتە ءبىتىرۋ، الاقاندا ءبىتىرۋ،جاقىن ماڭدا ءبىتىرۋ، قولايلى ءبىتىرۋ» قىزمەت وتەۋىن ورتاعا قويدى،شەكارادان كىرىپ-شىعۋدى باسقارۋ تاراۋلارى «بۇكىل مەملەكەتتە ءبىر تۇتاس ءبىتىرۋ،ءبىر رەت عانا بارۋ» سياقتى شەكارادان كىرىپ-شىعۋ كۋالىگىن ءبىتىرۋ ءتۇزىمىن جولعا قويدى؛اماندىق باسقارۋ تاراۋلارى 2-ۇرپاق ازاماتتىق كۋالىگىن باسقا جەردە ءبىتىرۋ،ءبىر ورىندا كۋالىك ءبىتىرۋ،ازاماتتىق كۋالىكتى وتباسىنا نەمەسە قىزمەت ورنىنا پوچتادان جىبەرۋ سياقتى كاسىپتەردى جولعا قويدى؛قاتىناس ساقشى تاراۋلارى قول تەلەفون APP ى «قاتىناس باسقارۋ 123» تى جولعا قويۋ ارقىلى موتورلى كولىكتەردى تەكسەرتۋدى قول تەلەفوندا كۇنى بۇرىن كەلىسۋدى جۇزەگە اسىردى. «تومەنگە بەرۋ،باسقارۋ،قىزمەت وتەۋ» رەفورما شارالارىنىڭ اتقارىلۋى بۇقارانىڭ بارىپ-كەلۋ رەت سانىن ەڭ جوعارى شەكتە ازايتىپ،بۇقارانىڭ تابىس سەزىمى مەن باقىت سەزىمىن جوعارىلاتتى!
جاڭا تيپتى ايدارشا ۆيرۋس وكپە قابىنۋ ىندەتى تۋىلعاندا،مەن وتانىمىزدىڭ قۇدىرەتتىلىگى مەن ۇلتتار ۇلى ىنتىماعىنىڭ جىلۋلىعىن تاعى ءبىر مارتە سەزىندىم. ىندەت كەزىندە مەن تۇرعان الەۋمەتتىك اۋماقتىڭ قىزمەتكەرلەرى ىندەتتەن ساقتانۋ-تىزگىندەۋ ۇگىتىن ءار كۇنى ورىستەتىپ،مەرزىمدى ۋاقىت ىشىندە نۋكلەين قىشقىلىن تەكسەرتۋگە،ۇيدە اۋاشالانعاندارعا تۇرمىستىق قاجەتتى بۇيىمدار جەتكىزۋگە قىزمەتكەر ۇيىمداستىرىپ،ورتاق قۇلشىنۋ ارقىلى ءبىزدىڭ تۇرمىسىمىز قالپىنا كەلدى،ءار ۇلت بۇقاراسى تاتۋ-ءتاتتى، ىنتىماقتى،تىنىش ءومىر،شات-شادىمان تىرشىلىك كەشىرۋدە.
اتا مەكەنىمە كۇيە جاعۋعا جول بەرمەيمىن. پومپەو،جىڭ گو-ىن سەندەردىڭ وسەك- اياڭدارىڭ شينجياڭداعى ءار ۇلت حالقىنىڭ ىنتىماقتاسا ەكپىندەي ىلگەرىلەگەن قادامىنا كەدەرگى بولا المايدى،سەندەردىڭ قاسكۇنەمدىكتەرىڭ ءبىزدىڭ قازىرگى باقىتتى تاماشا تۇرمىسىمىزدى بۇلدىرە المايدى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى