قىزىلسۋ وبلىسى پىڭتاي توقىماشىلىق شەكتى سەرىكتەستىگى:
جۋىقتا ءىشىنارا ايگىلى ماركالار مەن حالىقارالىق قۇرىلىمدار شينجياڭدا ايتىلمىس «زورلىقپەن ەڭبەككە سالۋ» ماسەلەسى بار دەگەن وسەك-اياڭعا سەنىپ، شينجياڭ ماقتاسىن جانە ودان جاسالعان ونىمدەردى شەكتەپ،جۇڭگو قوعامىنىڭ،توقىماشىلىق،كيىم-كەشەك كاسىپ سالاسىنىڭ جانە تۇتىنۋشىلاردىڭ ايرىقشا عازابىن قوزعادى. سەرىكتەستىگىمىزدىڭ بارلىق جۇمىسشى-قىزمەتكەرلەرى مۇنداي ارسىز ارەكەتتى قاتاڭ جازعىرادى!
قىزىلسۋ قىرعىز اۆتونوميالى وبلىسى پىڭتاي توقىماشىلىق شەكتى سەرىكتەستىگى وندىرگەن ماقتا ءجىپ ونىمدەرىنە تۇگەلدەي شينجياڭ ماقتاسى پايدالانىلادى، ونىمدەرى بۇكىل ەلدىڭ جەر- جەرىنە ساتىلادى. اتۇش قالاسى گىدالاڭ اۋىلى 10 مىڭ مۋدان استام جەرگە ماقتا ەگىپ،سەرىكتەستىگىمىزدى ساپالى ۇزىن تالشىقتى ماقتا شيكىزاتىمەن قامداپ وتىر.
«جۇڭحۋا حالىق رەسپۋبليكاسىنىڭ ەڭبەك زاڭى»،«جۇڭحۋا حالىق رەسپۋبليكاسىنىڭ ەڭبەك توقتام زاڭى» سياقتى قاتىستى زاڭ،زاڭ ەرەجەلەرگە ساي،سەرىكتەستىگىمىز جۇمىسشى-قىزمەتكەرلەرمەن تەپە-تەڭ، ەرىكتى بولۋ العى شارتىندا ەڭبەك توقتامىنا قول قويىسادى؛ مەملەكەتتىڭ قاتىستى بەلگىلەمەلەرىنە قاتاڭ بويسۇنىپ،جۇمىسشى- قىزمەتكەرلەردىڭ دەنە جانە پسيحيكالىق اقاۋسىزدىعىنا شىنايى كەپىلدىك ەتەدى.
سەرىكتەستىك «كوپ ىستەپ كوپ الۋ،ەڭبەگىنە قاراي ءبولۋ» سىندى ءادىل ءبولىس پرينسيبىن اتقارىپ، جۇمىسشى-قىزمەتكەرلەردىڭ ءوندىرىس مىندەتىن ورىنداۋ جاعدايىنا قاراي سايكەستى ەڭبەكاقى بەرىپ،مامىلە جاسايدى ءارى جۇمىسشى-قىزمەتكەرلەردىڭ قوعامدىق قامتاماسىزداندىرۋ،ەمدەۋ قامسىزداندىرۋ اقىسىن دەر كەزىندە،تولىعىمەن تولەپ بەرەدى. سونىمەن بىرگە،كاسىپورىننىڭ ىشىندەگى شەبەرلىك باۋلۋى ارقىلى جۇمىسشى-قىزمەتكەرلەردىڭ دامۋ ءورىسىن جوعارىلاتىپ،جۇمىسشى- قىزمەتكەرلەردىڭ كىرىسىن بىرتىندەپ جوعارىلاتتى،قازىر زاۆودىمىزداعى جۇمىسشى-قىزمەتكەرلەردىڭ ايلىق كىرىسى 3000-5000 يۋان، «ءبىر ادام جۇمىستانسا،تۇتاس وتباسى كەدەيلىكتەن ارىلۋدى» نەگىزىنەن جۇزەگە اسىردى. جۇمىسشى-قىزمەتكەرلەر بىرگە ەڭبەك ىستەپ،بىرگە تۇرمىس كەشىرىپ،بىرگە كوڭىل كوتەرىپ،كوپشىلىك توقىماشىلىق تەحنيكالارىن بىرگە ۇيرەنىپ،تەحنيكالىق دەڭگەيلەرىن جوعارىلاتىپ،وزدەرىنىڭ قوس قولدارىنا سۇيەنىپ قاجىرلىلىقپەن بايىدى.
سەرىكتەستىگىمىزدەگى بارلىق جۇمىسشى-قىزمەتكەرلەر شىندىقتى بۇرمالاۋ،شينجياڭ جانە شينجياڭ ماقتاسىنا كۇيە جاعۋ سىندى سۇرقيا ارەكەتكە باتىل قارسى تۇرادى،قاتاڭ جازعىرادى. سەرىكتەستىگىمىز ۇزدىكسىز شينجياڭ ماقتاسىن شيكىزات ەتىپ،ساپالى ماقتا ءجىپ ونىمدەرىن ءوندىرىپ شىعارادى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى