بۇراتالا گازەتىنىڭ ورىنباسار باس رەداكتورى عايرات ابدىكەرىم
پومپەو،جىڭ گو-ىن شينجياڭنىڭ ادامدىق ۇقىق جاعدايىن بەتالدى داتتاپ،شينجياڭنىڭ اسا تاماشا جاعدايى مەن ءار ۇلت حالىق بۇقاراسىنىڭ باقىتتى تۇرمىسىنا كۇيە جاعىپ،شينجياڭ قوعامىنىڭ ورنىقتىلىعىن بۇلدىرۋگە ۇرىندى. از ۇلت اقپارات قىزمەتكەرى رەتىندە،مەن بۇعان قاتتى كەكتەنەمىن جانە وعان باتىل قارسى تۇرامىن!
سوڭعى جىلدارى مەن كوپ رەت ىشكى وڭىرلەرگە بارىپ ۇيرەنۋدە،باۋلۋدا بولدىم،جالپىلىق ساپام مەن قابىلەتىم بارىنشا جوعارىلادى. 2 قىزىم بار،ۇلكەن قىزىم ىشكى وڭىردەگى شينجياڭ ورتا مەكتەپ كلاسىنان (شىنجىن قالاسى سۇڭگاڭ ورتا مەكتەبى) وقۋ تاۋىسىپ،سىرتقى ەكونوميكا-ساۋدا داشۋەسىنە قابىلدانىپ،ماگيسترلىق وقىدى،قازىر جۇڭگو مەديا داشۋەسىنەن دوكتورلىق وقۋدا؛كىشى قىزىم دا ىشكى وڭىردەگى شينجياڭ ورتا مەكتەپ كلاسىنا (شىنجىن قالاسى سۇڭگاڭ ورتا مەكتەبى) قابىلدانىپ،كەيىن جۇڭگو مەديا داشۋەسىنە ءوتتى،داشۋە بىتىرگەن سوڭ سول مەكتەپتە جانە دە ماگيسترلىق وقىپ،قازىر شينجياڭ تەلەۆيزياسىندا ءتىلشى بولدى. 2 قىزىم بىردەي پارتيانىڭ ابزال ساياساتىنان يگىلىكتەنۋدە،ىركەس-تىركەس پارتياعا قابىلداندى،باقىتتى تۇرمىس كەشىرۋدە.
مەن شينجياڭدا تۋىپ ءوسىپ،شينجياڭدا قىزمەت ىستەدىم،شينجياڭداعى ءار ۇلت حالقىنىڭ باقىت سەزىمىنىڭ ۇزدىكسىز ارتقاندىعىنىڭ باستان كەشىرۋشىسى جانە كۋاگەرىمىن. جاقىنعى جىلداردان بەرى اۆتونوميالى رايون «ۇعىسۋ،تيىمدىلىك جاساۋ،توعىستىرۋ» بويىنشا قىستاقتا تۇرۋ قىزمەتىن ۇزدىكسىز ىشكەرىلەي ورىستەتتى،ءار دارەجەلى پارتكوم مەن ۇكىمەت بار ىنتا-پەيىلىمەن حالىق ءۇشىن قىزمەت ىستەدى،اۋىل-قىستاقتى گۇلدەندىرۋ كورنەكتى ونىمدىلىككە جەتتى،اۋىل-قىستاقتىڭ بەت-بەينەسى شىت جاڭاردى،وسى زامانعى وركەنيەتتى تۇرمىس ءتاسىلى بۇقارانىڭ تۇرمىسىنا بىرتىندەپ ەندى. قازىر مەيلى قالادا بولسىن،الدە اۋىل-قىستاقتا بولسىن،مەكتەپكە دەيىنگى 3 جىلدىق تاربيەمەن جانە 9 جىلدىق مىندەتتى وقۋ-اعارتۋمەن جاپپاي قامتۋ جۇزەگە اسىرىلىپ،ءاربىر جاس پەن ورەن ءادىل دە ساپالى وقۋ-اعارتۋدان يگىلىكتەندى،ءار ۇلت بۇقاراسىنىڭ اۋىرسا ەمدەۋ قاراجاتىن ەسەپتەن كوتەرتۋى،ەگىن سالسا قوسىمشا قاراجات الۋى،قارتايسا كۇتىمدەلۋى قامتاماسىز ەتىلدى. مىنە بۇل مەنى تۋىپ وسىرگەن جەر،مەنىڭ سۇيىكتى مەكەنىم!
تۇرمىسىمىز جاقسى ما،جامان با،ءبىزدىڭ ايتقانىمىز ەسەپ. پومپەو،جىڭ گو-ىننىڭ وسەك-اياڭدى ويدان قيىستىرۋى ءوزىن-ءوزى ماسقارالاعاندىق،ولاردىڭ ماسقارالىق ويىنى شينجياڭنىڭ العا باسقان قادامىن بوگەي المايدى!
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى