ىلە قازاق اۆتونوميالى وبلىستىق تۇرعىن ءۇي جانە قالا،اۋىل قۇرىلىسى مەكەمەسىنىڭ ورىنباسار باستىعى ايبەك سابىلاجى
پومپەو شىندىقپەن ساناسپاي،جۇڭگونىڭ شينجياڭدى جونگە سالۋ ساياساتىنا سۇرقيالىقپەن شابۋىل جاساپ،ەلىمىزدىڭ ۇلتتار قاتىناسىنا ورشەلەنە ىرتكى سالىپ،شينجياڭنىڭ اسا تاماشا جاعدايىنا جانە ءار ۇلت حالقىنىڭ باقىتتى تۇرمىسىنا قاساقانا كۇيە جاعىپ،شينجياڭداعى ءار ۇلت حالىق بۇقاراسىنىڭ شىنايى سەزىمىن مۇلدە كوزگە ىلمەدى. بۇعان مەن باتىل قارسى تۇرامىن جانە قاتاڭ جازعىرامىن!
مەن شينجياڭدا تۋىپ،شينجياڭدا ەسەيىپ-ەرجەتتىم،وتان سىندى وسى كوپ ۇلتتى ۇلى شاڭىراقتىڭ مەيىرى مەن قامقورلىعىن باستان-اياق سەزىندىم،ءار ۇلت اعا-باۋىر،اپەكە-سىڭلىلەر ۇزاق ۋاقىتتىق تۇرمىس،قىزمەت بارىسىندا ەتەنە بولىپ،توننىڭ ىشكى باۋىنداي تەرەڭ دوستىق سۇيىسپەنشىلىك ورناتتى.
وسى بىرنەشە جىلدا تۇرعىن ءۇي جانە قالا،اۋىل قۇرىلىسى مەكەمەمىز ءار ۇلت بۇقاراسى ءۇشىن اۋىل-قىستاق بەيقۇت ءۇي ينجەنەرياسىن سالۋدى ماڭداي الدى مىندەت رەتىندە يگەرىپ كەلەدى،قالا-قالاشىقتاعى لاشىقتى وڭىرلەردى جاڭالاپ،ارحيۆ تۇرعىزىلىپ،كارتچكالاندىرىلعان كەدەي وتباسىلارىنىڭ تۇرعىن ءۇي حاۋىپسىزدىگى ماسەلەسىن شەشىپ،«باسپاناسى بولۋ» نىساناسىن جۇزەگە اسىردى. اۋىل-قىستاق بەيقۇت ءۇي ينجەنەرياسى كوزبەن كورىپ،قولمەن ۇستاۋعا بولاتىن حالىق تىلەگى ينجەنەرياسىنا اينالدى. بۇگىنگى كۇندە شينجياڭ تاريحتاعى ەڭ جاقسى كوركەيىپ-گۇلدەنگەن،دامىعان مەزگىلدە تۇر،ءتۇرلى قوعامدىق ىستەر جاپپاي ىلگەرىلەپ،ءار ۇلت حالقى تىنىش ءومىر،شات-شادىمان تىرشىلىك كەشىرىپ،تۇرمىستارى تىنىش،بەرەكەلى بولدى.
«اياق كيىمنىڭ ءدال كەلگەن-كەلمەگەنىن ءوزىڭ كيسەڭ عانا بىلەسىڭ». جۇڭگونىڭ ماسەلەسىندە جۇڭگونىڭ ەڭ سويلەۋ ۇقىعى بار،شينجياڭنىڭ ىستەرىندە شينجياڭ حالقىنىڭ ايتقانى ەسەپ. سىرتقى ىستەر مينيسترلىگىنىڭ مالىمدەمەشىسى ايتقانداي: «قازىر شينجياڭنىڭ ورنىقتى،گۇلدەنىپ-كوركەيگەن اسا تاماشا جاعدايىن پومپەو تەكتەستەردىڭ جالا جابۋى،كۇيە جاعۋى وزگەرتە الا ما؟ جۇڭگوداعى 56 ۇلت،ءبىر ميلليارد 400 ميلليون حالىق اناردىڭ دانىندەي تىعىز ۇيىسىپ،تاسقىنداعان قايراتپەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا ساپارىندا قول ۇستاسا ىلگەرىلەۋدە پومپەو تەكتەستەردىڭ قۇر قۇقايى بۇعان بوگەت بولا الا ما؟» ءبىز بەرىك بەكىم جانە باتىل ارەكەت ارقىلى شينجياڭنىڭ ورنىقتى،جاراسىمدى اسا تاماشا جاعدايىن قورعايمىز، ءبىزدىڭ باقىتقا بەتتەگەن قادامىمىزعا ەشتەڭە دە بوگەت بولا المايدى. شينجياڭنىڭ ەرتەڭى،ءسوز جوق،ءتىپتى دە كوركەم بولادى!
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى