اقسۋ ايماقتىق حالىق ىستەرى مەكەمەسىنىڭ باستىعى ەركىن ءسىلام
مەنىڭ اتىم ەركىن ءسىلام،شينجياڭدا تۋىپ ءوستىم،پارتيا مەن حالىق مەنى تاربيەلەپ،باۋلىپ،بىرتىندەپ باسشىلىق قىزمەت ورنىنا كوتەرىلدىم. تۇرمىستا قىزمەتتەستەرىممەن ىنتىماقتى،تاتۋ-ءتاتتى وتەمىن،ءوزارا كومەكتەسەمىز؛قىزمەتتە قىزمەتتەستەرىممەن اعا-ىنىدەي ەتەنە ءوتىپ،ءبىر نيەتپەن ىنتىماقتاسىپ،ءوزارا ۇيرەنەمىز.
حالىق ىستەرى جۇيەسىنىڭ ءبىر باسشى كادرى رەتىندە،مەن بۇكىل ايماقتاعى ءار ۇلت حالقىنىڭ نەگىزگى تۇرمىس جاعدايىن بىلەمىن. نەگىزگى ساتىعا بارىپ احۋال ۇعىسىپ، تەكسەرۋ-زەرتتەۋ كەزىندە،اۋىلداستار ماعان وسى بىرنەشە جىلدا ۇكىمەتتىڭ نەگىزگى ساتى بۇقاراسىنا قاراتقان ءتۇرلى كومەكتەسۋ-سۇيەمەلدەۋ ساياساتىنىڭ وتە كوپ بولعاندىعىن،تۇرمىس ورەلەرىنىڭ ورنىقتى جوعارىلاعاندىعىن ايتتى. تاياۋ جىلداردان بەرى حالىق ىستەرى جۇيەسى ەڭ تومەنگى شەكتەن تۇسىرمەي قامتاماسىز ەتۋ تورىن ءجيى،مىقتى توقىپ،بۇكىل ايماقتاعى قارت،ءالسىز،اۋرۋ،مۇگەدەك قيىنشىلىعى بار بۇقارانىڭ وتباسىنداعى ادامداردى ەڭ تومەنگى تۇرمىس قامتاماسىزداندىرۋىنا ەنگىزدى،2568 ەرەكشە قيىنشىلىعى بار قارتتى ايماق،اۋدان ەكى دارەجەلى قوعامدىق يگىلىك قۇرىلىمىندا شوعىرلى باعىپ-قاقتى. ءار جولى ءوزىمنىڭ بۇقارا ءۇشىن ىستەگەن ناقتى ىستەرىمدى،يگى ىستەرىمدى ويلاعانىمدا،ولاردىڭ ريزا بولعان قۋانىشتى بەينەلەرىن كورگەنىمدە ءوزىمنىڭ حالىق قىزمەتكەرى بولعانىما ماقتانامىن.
شينجياڭنىڭ گۇلدەنگەن،دامىعان شىنايى بەينەسىن بۇرمالاۋعا جول بەرىلمەيدى. مەن پومپەوعا،جىڭ گو-ىنعا قاتاڭ تۇردە مىنانى ايتامىن: شينجياڭنىڭ «ءان-ءبي مەكەنى»،«جەمىس-جيدەك مەكەنى» ەكەندىگىنە،شينجياڭداعى ءار ۇلت حالقىنىڭ اناردىڭ دانىندەي تىعىز ۇيىسىپ، وسىناۋ توپىراقتا ىنتىماقتاسا كۇرەس جۇرگىزىپ، تاماشا،باقىتتى تۇرمىستى بىرگە جاراتقاندىعىنا كورىكتى شينجياڭنىڭ بايتاق دالاسىنداعى اشىق اسپان،اقشا بۇلت كۋا،شينجياڭداعى ءار ۇلت حالقى كۋا،دۇنيە ءجۇزىنىڭ ءار ەلىندەگى قوناقتار،دوستار كۋا.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى