لياۋنيڭ ولكەسىندەگى ەمدەۋ دارىندىلارىنىڭ «ۇيىرمە ۇلگىسىندە» شينجياڭعا كومەككە كەلگەن ەمدەۋ اترەتىنىڭ قىزمەتىنەن ەستەلىك
□ ءتىلشىمىز لي دان
2020-جىلى 5-ايدا جۇڭگو مەديتسينا داشۋەسىنىڭ 5-توپتاعى ەمدەۋ دارىندىلارىنىڭ «ۇيىرمە ۇلگىسىندە» شينجياڭعا كومەكتەسەتىن ەمدەۋ اترەتى جۇڭگو مەديتسينا داشۋەسى تارباعاتاي شيپاحاناسىنا كەلدى. وسى ءبىر جالىندى دا جىگەرلى ۇجىم جيىنى 20 ادامنان قۇرالىپ،18 كلينيكالىق ەمدەۋ بولىمدەرىن قامتىعان،شەبەر ەمدەۋ تەحنيكالارىمەن جانە قىزۋ ىنتالارىمەن شينجياڭعا كومەككە كەلگەن شيپاگەرلەردىڭ بورىشتارىن امالياتتا ايگىلەپ،ەمدەۋ جاعىندا شينجياڭعا كومەكتەسۋ سالاسىنا ۇلەس قوسۋدا.
ارالاپ ەمدەۋ جۇرگىزىپ،نەگىزگى ساتىعا قىزمەت وتەدى
«كوزىم ۇنەمى قىزارىپ ءىسىنىپ، جاس توقتاماي،تۇرمىسىما كوپتەگەن قولايسىزدىق اكەلدى. شينجياڭعا كومەككە كەلگەن مامانداردىڭ كەلگەنىن ەستي سالا دەرەۋ جەتتىم. شيپاگەر ەكى كوزىمنىڭ دانەكەر قابىعىندا قابىنۋ بار ەكەنىن،وڭ كوزىمنىڭ جاس قالتاسى سوزىلمالى قابىنعاندىعىن ايتتى، شاۋەشەككە شاپقىلاماي-اق ناۋقاسىمدى تەكسەرتىپ الدىم،وتە قولايلى بولدى» دەدى بيڭتۋان 9-شى 164-تۋانىنىڭ جۇمىسشىسى چىن مىرزا.
4-ايدىڭ 19-كۇنىنەن باستاپ جۇڭگو مەديتسينا داشۋەسى تارباعاتاي شيپاحاناسىنىڭ «ۇيىرمە ۇلگىسىندە» شينجياڭعا كومەككە كەلگەن ەمدەۋ اترەتى مەن بيڭتۋان 9-شى شيپاحاناسىنىڭ ارالاپ ەمدەۋ اترەتى 6 كۇندىك ۋاقىتپەن ارالاپ ەمدەۋ قىزمەتىن ورىستەتىپ،بيڭتۋان 9-شى شيپاحاناسى،166-تۋان شيپاحاناسى،164-تۋان شيپاحاناسى،سونداي-اق اۋىل-قالاشىق ەمحانالارىندا ايرىم-ايرىم ەمدەۋ جۇرگىزە باستادى.
قازىرگە دەيىن شينجياڭعا كومەككە كەلگەن ەمدەۋ اترەتى 25 رەت سىرتقا شىعىپ ەمدەۋ جۇرگىزىپ،200 رەتتەن استام امبۋلاتوريادا ناۋقاس تەكسەرىپ،23 رەت وقىتۋ ۇلگىسىندە ناۋقاستار بولمەسىن ارالاپ،4 ساعات ساباق ءوتتى. وسى رەتكى قيمىل ارقىلى قاراستى وڭىردەگى ەمدەۋ،دەنساۋلىق ساقتاۋ قۇرىلىمدارىنىڭ قىزمەت وتەۋ قابىلەتى مەن تەحنيكالىق دەڭگەيىن جوعارىلاتىپ،بيڭتۋان مەن جەرگىلىكتى ورىنداعى ءار ۇلت بۇقاراسىنىڭ ناۋقاس ەمدەتۋدەگى تابىس سەزىمىن،باقىت سەزىمىن، حاۋىپسىزدىك سەزىمىن كۇشەيتتى.
وزىق ەمدەۋ تەحنيكالارىمەن جۇرت جۇرەگىن جىلىتتى
3-ايدىڭ 6-كۇنى ساعات 2 دەن 40 مينۋت وتكەندە،شۇعىل ەمدەۋ ءبولىمىنىڭ سەستراسى ەرەسەك ادامنىڭ كيىمىنە وراعان ءبىر نارەستەنى كوتەرىپ بالالار بولىمىنە اسىعىس كىرىپ كەلەدى،الگى قىز نارەستەنىڭ جاعدايى بالالار بولىمىندەگى قىزمەتكەرلەردى الاڭداتىپ جىبەرەدى.
شينجياڭعا كومەككە كەلگەن شيپاگەر ان دۇڭ دەرەۋ جۇڭگو مەديتسينا داشۋەسى تارباعاتاي شيپاحاناسىنىڭ بالالار بولىمىندەگى شيپاگەرلەرمەن بىرلەسىپ دياگنوزىن ايىرۋ-تەكسەرۋ جۇمىسىنا كىرىسەدى. 2020-جىلى 8-ايدىڭ 14-كۇنى تۋىلعان بۇل نارەستەنىڭ ەسىمى جانسايا تۇرسىن ەكەن، اي-كۇن تولماي تۋىلعاندىقتان،دەنە سالماعى نە بارى 2.16 كيلوگرام ەكەن،6 ايدان اسقان كەزدەگى سالماعى 4 كيلوگرامعا ارەڭ تولىپتى.
جانسايانىڭ اكەسىنىڭ قولى كەمتار،شەشەسىنىڭ اقىل-ەسى تومەن بولعاندىقتان،جانسايا جايشىلىقتا تۋىستارىنىڭ باعۋىندا ەكەن. وتباسىلارىندا قيىنشىلىق بولعاندىقتان،بالانى ويداعىداي ازىقتاندىرا الماپتى.
تەكسەرۋ ارقىلى شيپاگەرلەر جانسايانىڭ وكپە قابىنۋ،كوپ ءبولىم ىشكى مۇشەلەرى زاقىمدالۋ،ورتاشا قان ازدىق سياقتى اۋرۋلارعا شالدىققانىن بايقايدى،ان دۇڭ مەن بالالار ءبولىمىنىڭ شيپاگەرلەرى دەرەۋ جانساياعا ەمدەۋ جۇرگىزەدى.
جانسايا شيپاحاناعا جەتكىزىلگەندە تەك كيىمگە ورالىپ اكەلىنگەندىكتەن،ىڭعايلى كيىمى دە،ءسۇت ۇنتاعى سياقتى نارەستەلەر بۇيىمى دا جوق بولعاندىقتان، بالالار ءبولىمىنىڭ قىزمەتكەرلەرى وزدىكتەرىنەن جىلۋ جيناپ،وعان ءسۇت ۇنتاعى،جايالىق،كيىم-كەشەك سياقتى بۇيىمداردى ساتىپ اكەلىپ بەرۋمەن بىرگە،ونىڭ اكە-شەشەسى مەن تۋىستارىنا بالانى قالاي دۇرىس ازىقتاندىرۋ ادىستەرىن دە ۇيرەتەدى.
12 كۇن ەمدەلگەننەن كەيىن جانسايا شيپاحانادان جازىلىپ شىعادى. ان دۇڭ: «قىزمەت بارىسىندا مەن جەرگىلىكتى تۇرعىنداردىڭ بالانى ازىقتاندىرۋ جانە اۋرۋدان ساقتانۋ بىلىمدەرى كەمشىل ەكەنىن،سونىڭ سالدارىنان قان ازدىق اۋرۋىنا شالدىققان بالالاردىڭ وتە كوپ ەكەنىن بايقادىم. مەن قازىرگە دەيىن 3 رەت لەكسيا سويلەدىم،كوپشىلىك ەكىلىكتى جايمالاسا بولعانى،ۇيرەنە بەرۋىنە بولادى. مەن بالالاردىڭ ۇيلەسىمدى ازىقتانۋىنا،ءوسىپ-جەتىلۋىنە قاتىستى بىلىمدەردى جالپىلاستىرۋ ارقىلى بالالاردىڭ اقاۋسىز ەسەيۋىن ءۇمىت ەتەمىن» دەدى.
شينجياڭعا كومەككە كەلگەن ەمدەۋ اترەتىنىڭ جەتەكشىسى جۇڭ حۇڭشان: «ءبىز ءوز قىزمەتىمىزدى باستان-اياق جاقسى ىستەپ،جەرگىلىكتى ورىنداعى شيپاگەرلەردى باۋلىپ،ولارعا تەحنيكا ۇيرەتىپ،تاپجىلمايتىن ەمدەۋ اترەتىن تۇلعالاپ،شيپاحانانىڭ ەمدەۋدەن قىزمەت وتەۋ ورەسىن جوعارىلاتامىز. سونىمەن بىرگە،ارالاپ ەمدەۋ،ەرىكتى ەمدەۋ جۇرگىزۋ ارقىلى شەتكەرى،شالعاي وڭىرلەردەگى بۇقارانى ساپالى ەمدەۋ قاينارىنان يگىلىكتەندىرەمىز» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى