حوتان شىفان جوعارى تەحنيكۋم مەكتەبى كاسىپتىك تەحنيكا وقۋ-اعارتۋ شۋەيۋانىنىڭ ورىنباسار باستىعى ءماتتۇرسۇن ياقۇپ
پومپەو شينجياڭعا ساياتىن ساندىراقتار جاريالاپ،جۇڭگو ۇكىمەتىنىڭ شينجياڭدى جونگە سالۋ ساياساتىنا قيسىنسىز سوقتىعىپ،شينجياڭنىڭ اسا تاماشا جاعدايىنا جانە ءار ۇلت حالقىنىڭ باقىتتى تۇرمىسىنا قاساقانا كۇيە جاقتى. مەن بۇعان باتىل قارسى تۇرامىن!
مەن حوتان شىفان جوعارى تەحنيكۋم مەكتەبىنىڭ ساقا وقىتۋشىسىمىن. پارتيا مەن مەملەكەتتىڭ قامقورلىعىندا قاراپايىم ەگىنشى ۇلىنان جوعارى مەكتەپتىڭ وقىتۋشىسى بولدىم،مەن شەكسىز ماقتانىش ەتەمىن. قىزىم دا داشۋەنى تاۋىسقاننان كەيىن وقىتۋشى بولىپ،باقىتتى وتباسىن قۇردى،ۇلىم ىشكى وڭىردە مەديتسينا داشۋەسىندە وقيدى.
شينجياڭنىڭ قانداي ەكەندىگى جونىندە وسى ارادا تۇرمىس كەشىرىپ جاتقان ادامدار عانا سويلەۋ ۇقىعىنا يە. شينجياڭ سىندى وسى كەڭ-بايتاق ولكەدە قىزمەت ىستەپ،تۇرمىس كەشىرىپ جاتقانىما 57 جىل بولدى،مەن دامۋدىڭ بارعان سايىن جەدەلدەپ،تۇرمىسىمىزدىڭ بارعان سايىن جاقسارىپ،ۇلتتار ارا قارىم-قاتىناستىڭ بارعان سايىن تاتۋ-ءتاتتى بولا تۇسكەندىگىن تەرەڭ سەزىندىم. ازاماتتاردىڭ ءتۇرلى ۇقىقتارىنا تولىق قۇرمەت ەتىلگەندىگىن جانە قامتاماسىزداندىرىلعاندىعىن،ءار ۇلت بۇقاراسىنىڭ جالىندى دا جىگەرلى،رۋحى تاسىپ،قايراتتانا ۇمتىلعاندىعىن كوردىم؛كەدەي حالىقتىڭ جاپپاي كەدەيلىكتەن ارىلعاندىعىن،قوعامدىق قامتاماسىزداندىرۋ دەڭگەيىنىڭ ورنىقتى جوعارىلاعاندىعىن،ەڭبەكشىلەردىڭ تولىق جۇمىستانعاندىعىن،ءار ۇلت بۇقاراسىنىڭ تۇرمىسىنىڭ كۇننەن-كۇنگە دامىپ،شالقي تۇسكەندىگىن كوردىم؛ ۇلتتار ءتىل-جازۋىنىڭ كەڭ كولەمدە قولدانىلعاندىعىن، مەملەكەتتە ءبىر تۇتاس قولدانىلاتىن ءتىل-جازۋدىڭ بارىنشا جالپىلاستىرىلىپ جاتقاندىعىن،جەر-جەردىڭ نەگىزگى الەۋمەتتىك مادەنيەت قىزمەت وتەۋىنىڭ بىركەلكىلەنۋ دەڭگەيىنىڭ ۇزدىكسىز جوعارىلاعاندىعىن كوردىم؛ازاماتتاردىڭ ءدىني سەنىم ەركىندىگىنىڭ زاڭ بويىنشا قامتاماسىز ەتىلگەندىگىن،ءدىني توپتاردىڭ زاڭدى ۇقىق-مۇددەسىنىڭ ءونىمدى قورعالعاندىعىن كوردىم؛ ەكولوگيالىق قۇرىلىستىڭ تىڭعىلىقتى ىلگەرىلەپ،اسپانى اشىق،جەرى جاسىل،سۋى تۇنىق شينجياڭنىڭ جۇرت ساياحاتتاپ بارۋدى اڭسايتىن كوركەم جەرگە اينالعاندىعىن كوردىم؛پارتيا ورتالىق كوميتەتىنىڭ شينجياڭ قىزمەتىنە باسا ءمان بەرگەندىگىن،بۇكىل ەلدەگى 19 ولكە،قالانىڭ شينجياڭعا باعىتتامالى كومەكتەسكەندىگىن،سوتسياليزمنىڭ كۇشتى شوعىرلاندىرىپ ءىرى ىستەر تىندىراتىن ءتۇزىم ابزالدىلىعىنىڭ تولىق ساۋلەلەنگەندىگىن،شينجياڭنىڭ دامۋدىڭ «جەدەل ارناسىنا» تۇسكەندىگىن كوردىم.
اعا-ءىنى،اپەكە-قارىنداستارىم تۇگەلدەي قاراپايىم ەگىنشى. ءار جولى اۋىلعا تۋىستارعا امانداسا بارعانىمدا اۋىل-قىستاقتاعى زور وزگەرىستەردى سەزىنە الامىن: تام ۇيلەردىڭ ورنىنا بەيقۇت ۇيلەر سالىنعان،وقۋ جاسىنداعى بالالاردىڭ تەگىن وقۋى جۇزەگە اسقان،قىستاقتا كۇن ەنەرگيالى جول شىراقتارى بار،توپىراق جولدار،شاعىل جولدار سەمەنت جولدار مەن اسفالت جولدارعا وزگەردى. پارتيانىڭ ابزال ساياساتىنىڭ ارقاسىندا قالا مەن اۋىلدا زور وزگەرىستەر جارىققا شىعىپ،قىستاقتاعى بارلىق ادام ونەر ۇيرەنۋ ءۇشىن قۇلشىنۋدا،قىستاق تۇرعىندارىنىڭ تۇرمىسى جاقسارىپ،تۇرمىس دەڭگەيى قاباعات جوعارىلادى. تۇرمىستارى بايىپ،اۋىلداستاردىڭ جۇزدەرىنە شاتتىق كۇلكىسى ۇيرىلدى. ءبىزدىڭ شينجياڭداعى ءار ۇلت بۇقاراسى ەركىن،باقىتتى،تۇرمىسىمىز تاماشا. جالپى حالىقتىڭ دەنساۋلىعىن تەكسەرۋ جاپپاي قامتىپ،ەمدەۋ قامسىزداندىرۋى،قوعامدىق قامتاماسىزداندىرۋ،ەڭبەكپەن جۇمىستانۋدى قامتاماسىز ەتۋ سياقتى ءتۇرلى تيىمدىلىك ساياساتى دا تاماشا تۇرمىسىمىزدى قامتاماسىزداندىرۋدا.
شينجياڭداعى ءار ۇلت حالقى بۇرىن بولماعان باقىتتى تۇرمىس كەشىرۋدە. شينجياڭنىڭ گۇلدەنىپ دامىعان شىندىعى پومپەونىڭ وسەك-اياڭىن پاش ەتەتىن بۇلتارتپاس شىندىق دەپ قارايمىن. پومپەونىڭ سۇمپايى ارەكەتتەرى مەن سۇرقيا سايقالدىعى تۇبىندە ىسكە اسپايدى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى