ىلە قازاق اۆتونوميالى وبلىسى دوستىق شيپاحاناسىنىڭ ورىنباسار باستىعى ءدىلمۇرات باتۋقان
پومپەو جاريالاعان شينجياڭعا ساياتىن ايتىلمىس «مالىمدەمە» شىندىقپەن ساناسپاي،دۇرىس پەن بۇرىستى شاتىستىرىپ،شينجياڭنىڭ ادامدىق ۇقىق جاعدايىن قاساقانا داتتاپ،جۇڭگونىڭ ۇشقارىلىقتى الاستاۋداعى جانە لاڭكەستىككە قارسى تۇرۋداعى قۇلشىنىستارىنا ورشەلەنە كۇيە جاعىپ،جۇڭگونىڭ شينجياڭدى جونگە سالۋ ساياساتىنا جات نيەتپەن سوقتىعىپ،جۇڭگونىڭ ىشكى ىسىنە اۋىر دارەجەدە كيلىگىپ،شينجياڭنىڭ ۇلتتار قاتىناسىنا ىرتكى سالىپ، شينجياڭنىڭ ءتۇرلى دامۋ جەتىستىكتەرىن جوققا شىعارىپ وتىر، ونىڭ ماقساتى __ شينجياڭنىڭ ورنىقتىلىعىن ءبۇلدىرۋ،شينجياڭنىڭ دامۋىنا كەدەرگىلىك جاساۋ،مەن بۇعان باتىل قارسى تۇرامىن جانە قاتاڭ جازعىرامىن.
مەن نىلقى اۋدانىندا دۇنيەگە كەلدىم،بالا كەزىمنەن ۇلكەندەردىڭ تاربيەسىن الدىم،وڭاي-وسپاق قولعا كەلمەگەن باقىتتى تۇرمىستى ايرىقشا قاستەرلەيمىن. اكەم ماعان ۇنەمى ءوز داۋىرىندەگىلەردىڭ بالا كەزىن اڭگىمەلەپ بەرۋشى ەدى: «ازاتتىقتىڭ الدىندا ىلەدەگى بۇقارا قارنى اسقا،ءيىنى كيىمگە جارىماعان تۇرمىس كەشىرىپ كەلدى،ول كەزدە بۇقارانىڭ تۇرمىسى وتە جاپالى، شيپاگەر از،ءدارى-دارمەك كەمشىل،كوپتەگەن بالا وقۋعا تۇسە المايتىن،قاتىناس ەرەكشە قولايسىز ەدى. جۇڭگو كوممۋنيستىك پارتياسى ءبىزدى ازات ەتكەننەن كەيىن عانا،تاعدىرىمىز جاقساردى». ءوسىپ-ەرجەتۋ جولىما قايىرىلا قاراسام،اكەمدەرمەن سالىستىرعاندا ءوزىمدى ەرەكشە تالەيلى سەزىنەمىن،كىشكەنە كەزىمنەن ىشەر اس،كيەر كيىمنەن تارىققام جوق،تاماشا تاربيە الدىم. ەلىمىز ەجەلدەن از ۇلت كادرلارى مەن كاسىپتىك-تەحنيكالىق دارىندىلاردى تاڭداپ وسىرۋگە،باۋلۋعا،ىستەتۋگە ءمان بەرىپ كەلدى. سول ءۇشىن دە مەن شىحىزى مەديتسينا شۋەيۋانىندا وقۋ ورايىنا يە بولدىم،كەيىن شينجياڭ مەديتسينا شۋەيۋانىنىڭ (قازىرگى شينجياڭ مەديتسينا داشۋەسى) اسپيرانتتار كلاسىنا ءتۇسىپ وقىپ،اعا شيپاگەر،پروفەسسور بولىپ جەتىلدىم. پارتيانىڭ جاقسى ساياساتى بولماسا،ۇيىمنىڭ باۋلۋى،تاربيەسى بولماسا،بۇگىنگى باقىتتى تۇرمىسىمنىڭ دا بولمايتىنىن تەرەڭ سەزىندىم.
ەمدەۋ قىزمەتكەرى رەتىندە،جاقىنعى جىلداردان بەرى شينجياڭنىڭ ەمدەۋ-دەنساۋلىق ساقتاۋ ىستەرىندەگى وزگەرىستەردى ءوز باسىمنان وتكىزدىم،الەۋمەتتىك دەنساۋلىق ساقتاۋ نەگىزدىك قۇرىلعىلارى ۇزدىكسىز كۇشەيتىلىپ،اۋدان،اۋىل،قىستاق 3 دارەجەنى قامتىعان نەگىزگى ساتى دەنساۋلىق ساقتاۋ،ەمدەۋ جۇيەسى قالىپتاستى،اۋىل-قىستاقتارعا جەتكىلىكتى ەمدەۋ قىزمەتكەرلەرى سەپتەلىپ،بۇقارانىڭ «جەڭىل اۋرۋ-سىرقاۋدى اۋىلدا ەمدەتۋى،سالماقتى ناۋقاستاردى اۋداندا ەمدەتۋى» نەگىزىنەن جۇزەگە اسىرىلدى.
شينجياڭداعى ءار ۇلت حالقىنىڭ باقىتتى تۇرمىسى تەك شينجياڭداعى ءار ۇلت حالقىنا عانا ەڭ ايان. مەن پومپەونىڭ شينجياڭعا ساياتىن ساندىراعىنا باتىل قارسى تۇرامىن.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى