تۇرپان قالالىق بازار باقىلاۋ-باسقارۋ مەكەمەسىنىڭ ورىنباسار باستىعى ءشىرالي ماحسۇت
جۋىقتا پومپەو شينجياڭعا ساياتىن ساندىراقتار جاريالاپ،شىندىقپەن ساناسپاي،جۇڭگو ۇكىمەتىنىڭ شينجياڭدى جونگە سالۋ ساياساتىنا ارام ويمەن سوقتىعىپ،شينجياڭداعى ادامدىق ۇقىق جاعدايىن قاساقانا داتتاپ،شينجياڭنىڭ دامۋ جەتىستىكتەرىن جوققا شىعارۋعا جىنىگىپ،ءوزىنىڭ ەشقانداي تومەنگى شەگى جوق قوس ولشەمىن جانە مونتانى،سۇرقيا زورەكەرلىك لوگيكاسىن تاعى ءبىر رەت پاش ەتتى.
مەن شينجياڭدا تۋىپ-ءوستىم،مەنى پارتيا مەن حالىق باۋلىپ-ءوسىردى،جەتىلدىردى. 2017-جىلى مەن گاۋچاڭ رايونى شاتقال اۋىلى باقىت قىستاعىندا «ۇعىسۋ،تيىمدىلىك جاساۋ،توعىستىرۋ» بويىنشا قىستاقتا تۇرۋ قىزمەتىن ورىستەتىپ،پارتيا مەن ۇكىمەتتىڭ اۋىل-قىستاق قىزمەتىن قولداۋ سەرپىنىن اناعۇرلىم شىنايى سەزىندىم. اسىرەسە،وقۋ- اعارتۋ جاعىندا،وقۋ جاسىنداعى ءار ۇلت جاستارى مەن ورەندەرى تۇگەلدەي ءبىلىم الۋ مۇمكىندىگىنە،وقۋ وقيتىن ورايعا يە بولىپ،ءتالىم-تاربيە الىپ،ونەر-قابىلەتتەرىن ۇشتاۋدا. وتان ۇلى شاڭىراعىنىڭ قۇشاعىندا ءومىر ءسۇرىپ جاتقان بالالار قانداي باقىتتى دەسەڭىزشى. مەن شينجياڭنىڭ ورنىقتى جاعدايىنىڭ بارعان سايىن جاقسارىپ،ءتۇرلى ىستەرىنىڭ كۇن سايىن وركەندەپ،شالقىپ كەلە جاتقاندىعىن،ءار ۇلت بۇقاراسىنىڭ ىنتىماققا،بەرەكەگە ۇيىسىپ،تاتۋ-ءتاتتى سيلاسىپ،اناردىڭ دانىندەي تىعىز ۇيىسقاندىعىن تەرەڭ سەزىندىم. شينجياڭنىڭ ناعىز بەينەسى مىنە وسى،شينجياڭداعى ءار ۇلت بۇقاراسىنىڭ ەڭ تىكە،ەڭ شىنايى اسەرى دە وسى.
سوڭعى جىلدارى پارتيا ورتالىق كوميتەتىنىڭ پارمەندى باسشىلىعىندا،ءار ۇلت كادر-بۇقاراسىنىڭ بىرگە قۇلشىنۋىندا،شينجياڭداعى ءار ۇلت بۇقاراسىنىڭ تابىس سەزىمى،باقىت سەزىمى،حاۋىپسىزدىك سەزىمى ايتارلىقتاي ءوستى. ءبىز بار كۇشىمىزدى ىسكە قوسىپ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتىپ،ءبىزدىڭ قىستاقتاعى 40 وتباسىنداعى 148 كەدەي بۇقارا ۋاعىندا كەدەيلىكتەن ارىلىپ،«ەكىدەن تارىقتىرماۋ،ءۇشتى قامتاماسىز ەتۋ» ماسەلەسى جاپپاي شەشىلىپ،«بەستى جەتكىزۋ،جەتى بولۋ» تۇگەل جۇزەگە اسىپ،كەدەيلىك ماسەلەسى تاريحي تۇرعىدا شەشىلدى. ءبىز اۋىل-قىستاقتى گۇلدەندىرۋ ستراتەگياسىن زور كۇشپەن اتقارىپ،اۋىل-قىستاقتاعى الەۋمەتتىك ەمدەۋ-دەنساۋلىق ساقتاۋ،قوعامدىق قامتاماسىزداندىرۋ،الەۋمەتتىك اۋماقتاعى زەينەتكەرلىك سياقتى قوعامدىق سيپاتتى الەۋمەتتىك قىزمەت وتەۋلەردىڭ ۇسىنىلىم سەرپىنىن ارتتىرىپ،اۋىل-قىستاق قونىس ورتاسىن رەتتەۋ-جونگە سالۋدى كۇشەيتىپ، اۋىل-قىستاقتىڭ بەت-بەينەسى بۇكىلدەي جاڭاردى. ءبىز ءار ۇلت بۇقاراسىنىڭ ءدىني سەنىم ەركىندىگىن زاڭ بويىنشا قامتاماسىز ەتۋگە تاباندى بولىپ،ءدىني قيمىل ورىندارىنىڭ شارت-جاعدايىن جاقسارتتىق،دىنگە سەنەتىن بۇقارانىڭ ءدىني سۇيىسپەنشىلىگى،سەنىم قاجەتى تولىق قۇرمەتتەلدى.
قازىرگى تاڭداعى شينجياڭ بۇرىنعى ءارقانداي كەزدەگىدەن دە اناعۇرلىم ىنتىماقتى،اناعۇرلىم ورنىقتى،اناعۇرلىم جاراسىمدى،ءار ۇلت حالقى شينجياڭنىڭ جاراسىمدى،ورنىقتى جانە گۇلدەنگەن،دامىعان تاماشا جاعدايىن كوزقاراشىعىن ايالاعانداي ايالاپ قورعاۋدا. تاريح پومپەونىڭ وسەك-اياڭى ادامداردىڭ كوزىن كولەگەيلەي المايتىندىعىن،ونىڭ زاندەم سۇرقيا قاسكۇنەمدىگىنىڭ ماڭگى ىسكە اسپايتىندىعىن،ءسوزسىز،دالەلدەيدى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى