بۇراتالا تاس جول باسقارۋ مەكەمەسىنىڭ ورىنباسار باستىعى شوكىرات ومەرجان
جۋىقتا امەريكانىڭ بۇرىنعى مەملەكەت ىستەرى حاتشىسى پومپەو شينجياڭعا ساياتىن ساندىراقتار جاريالاپ،جۇڭگو ۇكىمەتىنىڭ شينجياڭدى جونگە سالۋ ساياساتىنا قيسىنسىز سوقتىعىپ،شينجياڭنىڭ اسا تاماشا جاعدايى مەن ءار ۇلت حالقىنىڭ باقىتتى تۇرمىسىنا قاساقانا كۇيە جاقتى. بۇل جۇڭگونىڭ ىشكى ىسىنە دورەكىلىكپەن كيلىككەندىك،بۇعان مەن كەكتەنەمىن جانە وعان باتىل قارسى تۇرامىن!
مەن جاستايىمنان مەكەمەنىڭ اۋلاسىندا ەسەيدىم،بۇل اۋلانىڭ تۇرعىندارى كوپ ۇلتتان قۇرالعان. اۋلاداعى ءار ۇلت كىشكەنتاي دوستارىممەن ۇنەمى ءبىر داستارقاندا تاماقتانىپ،بىرگە ويناۋ مەنىڭ بالالىق شاعىمداعى ەڭ قىمباتتى ەستەمەم،ولارمەن كۇنى بۇگىنگە دەيىن تەرەڭ دوستىقتى ساقتاپ كەلەمىن. مەن قاراپايىم وتباسى بالاسىنان پارتيا مەن مەملەكەتتىڭ قامقورلىعىندا جاقسى تاربيە الىپ، داشۋەدەن وقۋ تاۋىسقاننان كەيىن مەكەمە ورىنعا كىرىپ قىزمەت ىستەدىم ءارى باسشى كادر بولىپ ەسەيدىم.
تاس جول جۇيەسىندە قىزمەت ىستەگەندىگىمنەن تاس جولداعى دامۋشىلىقتى ابدەن سەزىنەمىن. وتكەن عاسىردىڭ 70 -،80-جىلدارىندا جول ءجۇرۋ اسا قولايسىز،اۋىل-قىستاقتاردىڭ جولى نەگىزىنەن تۇگەلدەي توپىراق جول،جاڭبىر جاۋسا ءۇستى-باسىڭا بالشىق باتتاسسا،كۇن اشىلسا ونە بويىڭ اپپاق توپىراق بولاتىن،قازىر مەملەكەتتىك،ولكەلىك نەگىزگى تاس جولدار جاپپاي توراپتاندى،تاسپاداي تارتىلعان جوعارى قارقىندى تاس جولدار شار تاراپتا قالالار مەن اۋىل-قىستاقتاردى تۇتاستىرىپ جاتىر... كوپ تۇرلىلەنگەن اشىق قاتىناستىڭ «ۇلكەن ارناسى» كۇن سايىن تۇلەگەن شينجياڭدى ەكونوميكالىق وركەندەۋدىڭ «قارقىندى جولىنا» ءتۇسىردى.
پارتيا ورتالىق كوميتەتىنىڭ پارمەندى باسشىلىعىندا،شينجياڭداعى ءار ۇلت حالقى ىنتىماقتاسا كۇرەس جاساپ،شينجياڭ قىزمەتى ەلەۋلى ونىمدىلىككە قول جەتكىزدى،ەكونوميكانىڭ، قوعامنىڭ دامۋى مەن حالىق تۇرمىسىنىڭ جاقسارۋى بۇرىن بولىپ كورمەگەن ناتيجەگە جەتتى،ءار ۇلت بۇقاراسىنىڭ تابىس سەزىمى،باقىت سەزىمى،حاۋىپسىزدىك سەزىمى ۇزدىكسىز كۇشەيدى. پومپەو دۇرىس پەن بۇرىستى،مەيلى،قالاي شاتاستىرسا دا، شينجياڭ قوعامىنىڭ ورنىقتى بولعان اسا تاماشا جاعدايىن بۇلدىرە المايدى،شينجياڭداعى ءار ۇلت حالقىنىڭ ىنتىماقتاسا ەكپىندەي ىلگەرىلەگەن قادامىنا كەدەرگى بولا المايدى!
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى