قارامايلى قالاسىنىڭ ورىنباسار باستىعى احمەت بارات
پومپەو،جىڭ گو-ىن تەكتەستەر جۇڭگونىڭ شينجياڭدى جونگە سالۋ ساياساتىنا قاساقانا كۇيە جاعىپ، حالىقارالىق زاڭدار مەن حالىقارالىق قارىم-قاتىناستىڭ نەگىزگى ولشەمىن اۋىر دارەجەدە اياق استى ەتىپ، جۇڭگونىڭ ىشكى ىسىنە دورەكىلىكپەن كيلىگىپ جۇڭگونىڭ ادامدىق ۇقىق ىستەرىنىڭ دامۋىنا جات نيەتپەن سوقتىعىپ،شينجياڭداعى ءار ۇلت بۇقاراسىنىڭ شىنايى سەزىمىن ەلەپ-ەسكەرمەدى. مەن مۇنى قاتاڭ جازعىرامىن جانە وعان باتىل قارسى تۇرامىن.
مەن شينجياڭدا تۋدىم،شينجياڭدا ەسەيدىم،وسى جىلداردا تيانشان الابىندا تۋىلعان وراسان زور وزگەرىستەرگە كۋا بولدىم. «13-بەسجىلدىق» مەزگىلىندە قارامايلى قالاسىنىڭ رايوندىق ءوندىرىس جالپى ءونىم قۇنى،قالا-قالاشىق تۇرعىندارىنىڭ جان باسىندىق ورتاشا قولداعى تابىسى،اۋىل-قىستاق تۇرعىندارىنىڭ جان باسىندىق ورتاشا قولداعى تابىسى قاتارلى كورسەتكىشتەردىڭ بارلىعى ورنىقتى ارتتى؛جۇمىستاندىرۋ، وقۋ-اعارتۋ،ەمدەۋ،قوعامدىق قامتاماسىزداندىرۋ،تۇرعىن ءۇي سياقتى جاقتارداعى حالىق تۇرمىسىنا جۇمسالاتىن شىعىس ۇزدىكسىز ارتىپ،ءار ۇلت بۇقاراسىنىڭ تابىس سەزىمى،باقىت سەزىمى،حاۋىپسىزدىك سەزىمى ۇزدىكسىز كۇشەيدى.
توسىننان تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا،پارتيا مەن ۇكىمەت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باستان-اياق ءبىرىنشى ورىنعا قويىپ،حالىقتى بارىنەن جوعارى قويۋ،ءومىردى بارىنەن جوعارى قويۋ ۇستانىمىن ايگىلەدى. قارامايلى قالاسىنداعى ءار ۇلت پارتيالى كادرلار، ەمدەۋ قىزمەتكەرلەرى،قوعام حاۋىپسىزدىگى كادر-ساقشىلارى،الەۋمەتتىك اۋماق قىزمەتكەرلەرى،ەرىكتىلەر قاتارلىلار قىزمەت ورىندارىندا كۇن-ءتۇن دەمەي شايقاس جاساپ، جۇدىرىقتاي جۇمىلىپ،ەل بىرلىگىنەن بەرىك قامال تۇرعىزعان ىنتىماق كۇشىن كورسەتتى.
جوعارىداعى بولاتتاي فاكتتەر پارتيا ورتالىق كوميتەتىنىڭ دۇرىس باسشىلىعىندا شينجياڭداعى 25 ميلليون ءار ۇلت بۇقاراسىنىڭ ورنىقتى،بەرەكەلى ورتاسىندا باقىتتى تۇرمىس كەشىرىپ جاتقاندىعىن تولىق تۇسىندىرەدى.
پومپەو،جىڭ گو-ىن تەكتەستەردىڭ قاسكۇنەمدىگى ماڭگى ىسكە اسپايدى، ونىڭ اق پەن قارانى شاتاستىرعان شينجياڭعا ساياتىن وسەك-اياڭدارىنىڭ شينجياڭدا بازارى جوق،كورەرمەنى تىپتەن جوق،شينجياڭداعى ءار ۇلت بۇقاراسى ءبىزدىڭ كورىكتى مەكەنىمىزدى ومىرلەرىن قورعاعانداي قورعايدى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى