حوشۇت اۋداندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ايگۇل يبىرايىم
پومپەو جۇڭگونىڭ وبرازىنا كۇيە جاعىپ،جۇڭگو ۇكىمەتىنىڭ شينجياڭدى جونگە سالۋ ساياساتىن داتتاپ، جۇڭگونىڭ ىشكى ىسىنە كيلىگىپ،حالىقارالىق قوعامدى الداۋعا،شينجياڭنىڭ ورنىقتىلىعىنا،دامۋىنا كەدەرگىلىك جاساۋعا،بۇلدىرۋگە ۇرىندى، نيەتى توتەنشە سۇرقيا.
شينجياڭدا تۇرمىس كەشىرگەن،قىزمەت ىستەگەن 50 جىلدا،تيانشان الابىندا تۋىلعان زور وزگەرىستەرگە كۋا بولدىم. حوشۇت اۋدانىن ايتار بولساق،2017-جىلى 3-ايدا كورىكتى اۋىل-قىستاق قۇرىلىسى باستالعاننان بەرى اۋىل-قىستاقتا تۇرمىستىق قوقىر-قوقسىقتاردى شوعىرلى ءبىر جاقتى ەتۋ جاپپاي جالپىلاستى،اۋلالارعا سۋ جەتكىزىلدى،كوشە جولدارى جاسىلداندى،كوشە بويلارىنا تۇگەلدەي داۋال تۇرعىزىلدى... ءار ۇلت بۇقاراسى اسپانى اشىق،جەرى جاسىل،سۋى تۇنىق،گۇل ءيىسى اڭقىعان كورىكتى اۋىل-قىستاقتا تۇرمىس كەشىرۋدە. حوشۇت اۋدانى كورىكتى اۋىل- قىستاق قۇرىلىسىن ىلگەرىلەتۋ بارىسىندا اۋلا ەكونوميكاسىن دامىتۋدى دا قاتار جوبالاپ،شارۋا وتباسىلارىن كوكونىستى،جەمىس-جيدەكتى دامىتۋعا شابىتتاندىرىپ،شارۋالاردىڭ اۋلاسىنداعى «الاقانداي جەردى» «كىرىستى ارتتىرۋ باقشاسىنا» اينالدىردى.
مەن داشۋەنى تاۋىسقاننان كەيىن ىلگەرىندى-كەيىندى كوپتەگەن قىزمەت ورنىندا قىزمەت ىستەپ،شينجياڭداعى ءار ۇلت حالقىنىڭ زاڭدى ۇقىق-مۇددەسىنىڭ ءونىمدى قورعالعاندىعىن تەرەڭ سەزىندىم. ءار ۇلت مەيلى جان سانى قانشالىقتى بولسىن،بارلىعى تەڭ دارەجەدەگى زاڭدىق ورىنعا يە بولدى،بارلىعى مەملەكەت ىستەرىن باسقارۋعا قاتىناسۋ،ءدىني سەنىم ەركىندىگى،تاربيە قابىلداۋ،ءوز ۇلتىنىڭ ءتىل-جازۋىن قولدانۋ،ءوز ۇلتىنىڭ ءداستۇرىن،مادەنيەتىن جالعاستىرۋ سياقتى ءتۇرلى ۇقىقتاردان زاڭ بويىنشا يگىلىكتەنىپ وتىر.
پومپەونىڭ وسەك-اياڭى مەن جالا جابۋى شينجياڭنىڭ ورنىقتى،دامىعان،العا باسقان شىندىعىن وزگەرتە المايدى. ونىڭ شينجياڭنىڭ جاراسىمدى،ورنىقتى اسا تاماشا جاعدايىن بۇلدىرۋگە ۇرىنعان پاسىق قىلىعى،ءسوز جوق، جەڭىلىسپەن تىنادى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى