بۇراتالا موڭعۇل اۆتونوميالى وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى يولۋاس باتۇر
پومپەو مىندەتىنەن بوسار الدىندا «عاسىرلىق وسەك-اياڭ» جاريالاپ،جۇڭگونىڭ ىشكى ىسىنە كيلىگىپ،شينجياڭداعى ءار ۇلت حالقىنىڭ كوڭىلىنە قاياۋ سالدى. مەن مۇنى قاتاڭ جازعىرامىن جانە قاتاڭ ايىپتايمىن.
مەن اۋىل-قىستاقتا تۋدىم،بۇرىن وتباسىمىزدىڭ شارت-جاعدايى جاقسى بولمادى. پارتيا مەن مەملەكەتتىڭ كوڭىل ءبولۋى مەن باۋلۋىندا،مەن وقۋىمدى تاۋىستىم. مەن شينجياڭدا 57 جىل ءومىر كەشتىم،سونداعى ەڭ تەرەڭ سەزىنگەنىم،پارتيانىڭ حالىققا ءتيىمدى ساياساتتارى كوكتەم جاڭبىرىنداي بۇراتالا وبلىسى سىندى وسىناۋ مەكەندى نارلەندىرگەنى بولدى: ەگىنشى-مالشىلار تام ۇيلەرگە قوش ايتىپ،كەڭ دە جارىق بەيقۇت ۇيلەرگە وتىراتىن بولدى؛ سور تاتىعان سۋعا قوش ايتىپ،قۇبىر سۋىن ىشەتىن بولدى؛ قىستاقتاردىڭ بارىندە ەمحانا،قىستاق شيپاگەرى بار؛ ەڭبەكشىلەر تولىق جۇمىستاندى؛ ەكولوگيالىق قۇرىلىس تىڭعىلىقتى ىلگەرىلەتىلىپ،اسپانى اشىق،دالاسى مانات،سۋى تۇنىق بۇراتالا وبلىسى ساياحاتتىڭ ايگىلى ورنىنا اينالدى.
پارتيانىڭ پارمەندى باسشىلىعىندا،ءار ۇلت اناردىڭ دانىندەي تىعىز ۇيىسىپ،كورىكتى مەكەندى بىرگە قۇرىپ،شينجياڭ قوعامىنىڭ ورنىقتىلىعىن،تىنىشتىعىن ىلگەرىلەتتى،ەكونوميكا گۇلدەنىپ-كوركەيىپ،دامىدى،مادەنيەت جالعاسىپ،وركەندەدى،ۇلتتار ىنتىماقتى، جاراسىمدى بولدى،ءدىني سەنىم ەركىن بولدى،ءار ۇلت حالقى تىنىش ءومىر،شات-شادىمان تىرشىلىك كەشتى.
شينجياڭنىڭ ورنىقتىلىق،دامۋ تابىستارىن داتتاۋعا جانە وعان كۇيە جاعۋعا جول بەرمەيمىز. مەن،پومپەو مەيلى قالاي وتىرىك ايتىپ،قالاي الدامشىلىق ىستەسە دە،اق پەن قارانى قالاي شاتىستىرسا دا شينجياڭ قوعامىنىڭ ورنىقتى بولعان اسا تاماشا جاعدايىن استە بۇلدىرە المايتىندىعىنا،ءار ۇلت حالقىنىڭ مەملەكەتتىڭ تۇتاستىعىن،ۇلتتار ىنتىماعىن قورعاۋ جىگەرىنىڭ بولاتتاي بەرىك ەكەندىگىنە،شينجياڭنىڭ بولاشاعىنىڭ،ءسوز جوق،ءتىپتى دە كوركەم بولاتىندىعىنا كامىل سەنەمىن!
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى