حوتان ايماقتىق اكىمشىلىك مەكەمەسىنىڭ ورىنباسار ۋاليى گۇلنيساحان ءماتنياز
پومپەو اشىقتان-اشىق شينجياڭعا ساياتىن وسەك-اياڭ جاريالاپ، شىندىقتى ەلەپ-ەسكەرمەي،جۇڭگو ۇكىمەتىنىڭ شينجياڭدى جونگە سالۋ ساياساتىنا قيسىنسىز سوقتىعىپ جانە قاساقانا كۇيە جاعىپ،جۇڭگونىڭ ىشكى ىسىنە دورەكىلىكپەن كيلىگىپ، شينجياڭنىڭ ۇلتتار قاتىناسىنا ىرتكى سالۋعا ۇرىندى. شينجياڭنىڭ ورنىقتىلىعىنا،دامۋىنا ات سالىسۋشى جانە ونىڭ يگىلىگىنە كەنەلۋشى رەتىندە مەن پومپەونىڭ قيسىنسىز جازعىرۋىن جانە جات نيەتپەن جالا جابۋىن قاتاڭ جازعىرامىن جانە وعان باتىل قارسى تۇرامىن!
مەن وڭتۇستىك شينجياڭدا تۋدىم،وڭتۇستىك شينجياڭدا ۇزاق ۋاقىت قىزمەت ىستەدىم،پارتيانىڭ بۇكىل ەل حالقىنا باسشىلىق ەتىپ،كۇللى دۇنيە كوز تىككەن ۇلى تابىستارعا قول جەتكىزگەن بارىسىنا كۋا بولدىم، مەكەنىمىزدە جارىققا شىققان زور وزگەرىستەرگە كۋا بولدىم. پارتيا ورتالىق كوميتەتى شينجياڭعا ەرەكشە قامقورلىق جاساپ،شينجياڭعا كومەكتەسۋشى ولكە،قالالار شينجياڭعا قالتقىسىز كومەك بەردى،ءار ۇلت حالقى ءۇرتىس پارتيانىڭ نۇر شۇعىلاسىنا بولەنىپ،وقۋ-اعارتۋ،ەمدەۋ،تۇرعىن ءۇي سياقتى كوپ جاقتاردا حالىققا ءتيىمدى ساياساتتاردان يگىلىكتەندى،حوتان قازىرگى ولشەمدەگى كەدەي حالىقتى تۇگەلدەي كەدەيلىكتەن ارىلتۋدى،كەدەي قىستاقتاردى تۇگەلدەي كەدەيلىك تىزىمىنەن شىعارۋدى،كەدەي اۋدانداردىڭ كەدەيلىك قالپاعىن تۇگەلدەي الىپ تاستاۋدى جۇزەگە اسىردى. وقۋ-اعارتۋ ارقىلى حالىققا تيىمدىلىك جاساۋ قالىڭ وتباسىلارىن يگىلىككە كەنەلتىپ،ىشكى ولكەدەگى شينجياڭ تولىق ورتا كلاستارىنىڭ، رايون ىشىندەگى شينجياڭ ورتالاۋ كلاستارىنىڭ قۇرىلۋى شەت-شالعاي وڭىرلەردەگى بالالاردىڭ ىشكى وڭىردەگى جانە شينجياڭ ىشىندەگى ەڭ ساپالى وقۋ-اعارتۋ بايلىعىنان يگىلىكتەنۋىنە مۇمكىندىك جاسادى؛ەمدەۋ ارقىلى حالىققا تيىمدىلىك جاساۋ قالىڭ وتباسىلارىن مەيىرگە بولەدى،نەگىزگى ەمدەۋ قامسىزداندىرۋىمەن جاپپاي قامتۋ جۇزەگە اسىرىلىپ، ناۋقاستاردىڭ جاقىن ماڭنان جوعارى ورەلى ەم قابىلداۋىنا،«الدىمەن ەمدەلىپ،سوڭىنان اقى تولەۋ» قىزمەت وتەۋىنەن يگىلىكتەنۋىنە مۇمكىندىك جاسالدى؛بەيجيڭ،تيانجين،انحۇي جەكە-جەكە حوتان ايماعىنىڭ 7 اۋدان،ءبىر قالاسىنا باعىتتامالى كومەكتەسىپ،تۇرمىس،قىزمەت، وقۋ-اعارتۋ،ەمدەۋ شارت-جاعدايىمىزدى جاقسارتتى... بۇرىن بولماعان تاماشا تۇرمىس كەشىرۋدەمىز،تابىس سەزىمىمىز،باقىت سەزىمىمىز،حاۋىپسىزدىك سەزىمىمىز اناعۇرلىم كۇشەيىپ،ءتىپتى دە قامتاماسىز ەتىلدى.
پومپەوعا مىناداي سۇراۋ قويامىن: شينجياڭنىڭ قوعامىنىڭ جاراسىمدى،ورنىقتى،بۇقارانىڭ تىنىش ءومىر،شات-شادىمان تۇرمىس كەشىرگەن تاماشا جاعدايىن سەن جالعاننان كورمەسكە سالىنۋىڭدا،وسەك-اياڭدى ويدان قيىستىرىپ،قيسىنسىز جازعىرۋىڭدا نە بىلگەن ويىڭ بار؟ساياسي ماسقارالىعىڭدى دەرەۋ دوعار، ويتپەگەندە،وسەك-اياڭدارىڭمەن بىرگە،ءسوز جوق،تاريحتىڭ قوقسىق ۇيىندىسىنە سىپىرىلىپ تاستالاسىڭ.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى