ەرىكتى ءتىلشى شۇي شياۋچيڭ
3-اي كىرگەنىمەن سۋىق قايتا قويماعان شاق. كوككە بوي سوزعان سەمىزتاي تاۋى اق ءماۋتى جامىلعان قارياداي قاسقايىپ تۇر،تاۋ ەتەگىندەگى شاعانادىرعى قىستاعىنىڭ مالشىلارى كوشى-قوننىڭ دايىندىق جۇمىسىنا كىرىسكەن.
3-ايدىڭ 15-كۇنى مەملەكەتتىك ەلەكتر تورابى تارباعاتاي ەلەكترمەن قامداۋ سەرىكتەستىگىنىڭ قوبىقسارى موڭعۇل اۆتونوميالى اۋدانى تەكپىسۋ اۋىلى شاعانادىرعى قىستاعىندا تۇراتىن قىزمەت اترەتىنىڭ مۇشەلەرى كەشكى داستارقانىن جيعان سوڭ،كۇندەگىسىندەي كەڭسەلەرىنە كىرىپ،ءوز جۇمىستارىنا كىرىسكەن.
قىزمەت اترەتىنىڭ باستىعى،قىستاقتىڭ ءبىرىنشى شۋجيى جاڭ ۋىنكاي اترەت مۇشەلەرىنە: «بۇگىن قار قالىڭ جاۋدى،كوش جولىن قار باسىپ، كوشكەن مالشىلار قينالىپ قالۋى مۇمكىن،كەز كەلگەن ۋاقىتتا شۇعىل ارەكەتتەنۋگە دايىن تۇرىڭىزدار» دەدى.
ىمىرت ۇيىرىلىسىمەن قاردىڭ ارتى بورانعا اينالعان. ساعات 21 مولشەرىندە ۇلىعان بورانمەن جارىسا تەلەفون قوڭىراۋى بەزىلدەي جونەلدى. «قىزمەت اترەتى مە؟مەن بادىمجاپپىن،قىستاۋعا قايتىپ بارا جاتقاندا اۆتوكولىك شىرعالاڭىنا تاپ بولدىق،ءوزىمىز امانبىز،تەك اۆتوكولىگىمىز بۇزىلىپ قالدى،كومەكتەسىپ جىبەرسەڭىزدەر». تاۋ ىشىندە سيگنال جاقسى بولماعاندىقتان،بادىمجاپتىڭ كومەك سۇراعان ابىرجىڭقى داۋىسى بىردە ەستىلىپ،بىردە ەستىلمەي تۇردى.
«ابىرجىما،ناقتى ورنىڭدى ايت،ءبىز دەرەۋ جەتەمىز». جاڭ ۋىنكاي دەرەۋ قىزمەت اترەتىنىڭ ەكى مۇشەسىن ازىق جانە قايناق سۋ الىپ،قىستاق پارتيا ياچەيكاسىنىڭ شۋجيى بوتامەن بىرگە تاۋ جاققا اتتاندىردى.
قارلى بوران اۆتوكولىكتىڭ تەرەزەسىن ۇرعىلاپ كەلەدى،كورۋ ارالىعى 10 مەترگە دە جەتپەيدى. «قارلى بوراندا جول كورىنبەي قالدى،مىنا جولمەن ءجۇرۋ تىم حاۋىپتى،مەن الدىدا ءجۇرىپ جول باستايىن» دەپ قىزمەت اترەتىنىڭ مۇشەسى جيان لياڭ اۆتوكولىكتەن ءتۇسىپ جاياۋ جول باستادى.
قايقايما تاۋ جولىندا اۆتوكولىك ارلى-بەرلى سىرعىپ،جول باستاۋشى قايتا-قايتا جىعىلىپ،20 كيلومەترگە جەتپەيتىن جولدىڭ قيىندىعىن ارتتىرا ءتۇسىپ،ساعات 23 دەگەندە ولار ناق مايدانعا زورعا جەتتى.
قىزمەت اترەتىندەگىلەردىڭ كەلگەنىن كورگەندە،سۋىقتان ءتىسى تىسىنە تيمەي قوقشاقتاپ تۇرعان بادىمجاپ باستاعان ءۇش ادامنىڭ قاباقتارى اشىلىپ،كوڭىلى ورنىعا باستادى.
بادىمجاپ قالتىراعان قولىمەن قايناق سۋ ىشە تۇرىپ: «تۇستەن كەيىن كوشىپ بولعان سوڭ،تۇرمىستىق بۇيىم الا قويايىق دەپ شىققان ەدىك، قايتاردا بۇرقاسىن تۇرعاننان كەيىن، قاتايىپ كەتەمە دەپ تەزىرەك جۇرىپ ەدىك،جولدان شىعىپ كەتتىك. كۇن وتە سۋىق ەكەن،سىزدەر كەلمەگەن بولساڭىزدار،بۇگىن وسىندا قالۋشى ەدىك» دەدى.
ناق مايداندى كورىپ،مالشىلاردىڭ امان ەكەنىنە كوز جەتكىزگەن سوڭ جيان لياڭ: «تاۋداعى مالعا قارايتىن ادام بارما ەدى؟قىستاۋعا باراتىن باسقا جول بارما؟» دەپ سۇرادى.
«وندا مالعا قارايتىن ادام بار، قىستاۋلىققا باراتىن تاعى ءبىر جول بار،ءبىراق نەداۋىر ايلانبا» دەدى بادىمجاپ قىزمەت اترەتىنىڭ مۇشەلەرىنە ۇمىتتەنە كوز تاستاپ.
«وقاسى جوق،قانشا الىس بولسا دا سىزدەردى امان-ەسەن جەتكىزىپ قويامىز» دەدى جيان لياڭ بادىمجاپتىڭ يىعىنان قاعىپ.
بادىمجاپ ايتقان جول 100 نەشە كيلومەتر كەلەتىن اينالما جول ەكەن. ەكىنشى كۇنى تاڭعى ساعات 3 تەن اسقاندا كوپشىلىك بادىمجاپ قاتارلى ءۇش ادامدى امان-ەسەن مەجەلى جەرگە جەتكىزەدى.
«ءبىز اقىرى امان-ەسەن ۇيگە جەتىپ الدىق،سىزدەرگە كوپتەن-كوپ راقىمەت» دەدى بادىمجاپ تەبىرەنە.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى