شونجى اۋداندىق پارتكومنىڭ تۇراقتى مۇشەسى،بىرلىكساپ ءبولىمىنىڭ باستىعى ءيىلھام
وسى جەردىڭ وزىندە تۋىپ وسكەن شينجياڭدىق رەتىندە،مەن شينجياڭنىڭ ەكونوميكاسىنىڭ،قوعامىنىڭ تەز دامىعانىنا كۋامىن. پارتيالى كادر رەتىندە،مەن پارتيا مەن ۇكىمەتتىڭ ازاماتتاردىڭ ءدىني سەنىم ەركىندىگى ۇقىعىنا تولىق قۇرمەت ەتكەندىگىن جانە قامتاماسىز ەتكەندىگىن شىنايى سەزىندىم. مەن ءوزىمنىڭ ۇيرەنۋ،ەسەيىپ-ەرجەتۋ،قىزمەت بارىسىم ارقىلى پومپەونىڭ وسەك-اياڭدارىنا تويتارىس بەرەمىن.
بالا كەزىمدە جاتاعان ۇيدە تۇردىق،سول كەزدەگى كورشىلەرىمىز جانە اكە-شەشەمنىڭ قىزمەتتەستەرى،دوستارى حانزۋ،حۇيزۋ،قازاق ۇلتتارىنان ەدى،ولار ءبىر-بىرىنە كومەكتەسىپ،ءبىر ءۇيلى جانداي وتەتىن. مەن كىشكەنتايىمنان تاماشا تاربيە كوردىم. داشۋە تاۋىسقان سوڭ قىزمەتكە قاتىناسىپ،ۇيىمنىڭ دەن قويا باۋلۋىمەن بىرتىندەپ پارتيالى كادرگە اينالدىم. مەن قاشاندا جۇڭگو كوممۋنيستىك پارتياسى مەن ۇلى وتانىمىز بولماسا،پارتيا ورتالىق كوميتەتىنىڭ شينجياڭعا،از ۇلتتارعا دەگەن ابزال ساياساتى بولماسا،شينجياڭنىڭ بۇگىنگىدەي دامۋى مەن گۇلدەنىپ-كوركەيۋى بولماس ەدى،ءتىپتى،مەنىڭ ءوسىپ-جەتىلۋىم مەن العا باسۋىم دا بولماس ەدى دەپ قارايمىن.
ۇلت،ءدىن قىزمەتىمەن ۇزاق ۋاقىت شۇعىلدانعاندا ماعان ەڭ تەرەڭ اسەر ەتكەنى وسى جىلداردا ءدىني ورىندار مەن ءدىني قيمىل شارت-جاعدايى بارىنشا جاقسارىپ،دىنگە سەنەتىن بۇقارانىڭ قالىپتى ءدىني قاجەتىنىڭ تولىق قامتاماسىز ەتىلگەنى بولدى. ۇكىمەت ءار جىلى ءدىني قايراتكەرلەردىڭ دەنساۋلىعىن اقىسىز تەكسەرىپ،جىل بويى ارالاپ حال سۇراپ تۇرادى،قالىڭ ءدىني قايراتكەرلەر شىن جۇرەكتەن پارتياعا العىس ايتتى،وتانعا العىس ايتتى. اسىرەسە،سوڭعى جىلدارى بۇكىل شينجياڭدا جوعارىدان تومەنگە دەيىن «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلى كۇش سالا ورىستەتىلدى،قالىڭ پارتيا مۇشەلەرى مەن كادرلار نەگىزگى ساتىداعى بۇقارامەن جۇپ قۇراپ،تۋىس بولىپ،شىنايى سۇيىسپەنشىلىك،ىزگى نيەتپەن كومەكتەسىپ،سۇيەمەلدەدى،ءار ۇلت كادر-بۇقاراسى ۇلتتار ىنتىماعىن كوز قاراشىعىنداي قورعادى،ۇلتتار ىنتىماعىن ءوز ومىرلەرىندەي قاستەرلەدى،اناردىڭ دانىندەي تىعىز ۇيىستى،پارتيانىڭ ۇلت ساياساتى كادر-بۇقارا اراسىندا «تامىر تارتىپ،گۇل اشتى»، ءار ۇلت بۇقاراسىنىڭ تابىس سەزىمى،باقىت سەزىمى،حاۋىپسىزدىك سەزىمى كورنەكتى كۇشەيدى،پارتيا مەن مەملەكەتتىڭ ۇلت ساياساتى شينجياڭداعى ءار ۇلت بۇقاراسىنىڭ شىنايى قولداۋىنا يە بولدى.
بۇگىنگى شينجياڭ باسقالاردىڭ كوكۋىنە جول بەرە المايدى. قازىرگى شينجياڭدا قوعام جاراسىمدى،ورنىقتى،حالىق باقىتتى تۇرمىس، تىنىش ءومىر،شات-شادىمان تىرشىلىك كەشىرۋدە،بۇل تاريحتاعى ەڭ تاماشا گۇلدەنىپ،دامىعان مەزگىل. پومپەو كوزدى باقىرايتىپ قويىپ وتىرىك ايتتى،ونىڭ شينجياڭعا ساياتىن ساندىراقتارى،ءسوز جوق،تاريحتىڭ نالەتىنە قالادى!
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى