بۇراتالا موڭعۇل اۆتونوميالى وبلىستىق پارتكوم ساياسي-زاڭ كوميتەتىنىڭ ورىنباسار شۋجيى ارشيدين شامشيدىن
پومپەو شىندىقتى ەلەڭ عۇرلى كورمەي،دۇرىس پەن بۇرىستى شاتاستىرىپ،جۇڭگونىڭ شينجياڭىنىڭ ادامدىق ۇقىق جاعدايىن داتتاعان،شينجياڭنىڭ اسا تاماشا جاعدايىنا جانە ءار ۇلت بۇقاراسىنىڭ باقىتتى تۇرمىسىنا قاساقانا كۇيە جاققان وتىرىك-وسەكتەردى ەسىرە جاريالاپ،شينجياڭنىڭ ورنىقتىلىعىن قاساقانا بۇلدىرۋگە،شينجياڭنىڭ دامۋىنا كەدەرگىلىك جاساۋعا ۇرىندى. ونىڭ سۇرقيا كەيىپ- كەسپىرى مەن زۇلىم نيەتى بەسەنەدەن بەلگىلى،از ۇلت پارتيالى كادر رەتىندە،مەن بۇعان قاتتى كەكتەنەمىن،باتىل قارسى تۇرامىن. پومپەو وتىرىكتى مەيلى قالاي سىقپىرتسا دا شينجياڭنىڭ ورنىقتى،دامىعان شىنايى بولمىسىن ماڭگى بۇركەمەلەي المايدى،شينجياڭداعى ءار ۇلت بۇقاراسىنىڭ باقىتتى تۇرمىس كەشىرگەن شىنايى بولمىسىن وزگەرتە المايدى. شينجياڭنىڭ قانداي ەكەندىگى،بۇقارانىڭ قانداي تۇرمىس كەشىرىپ جاتقاندىعى جونىندە وسىندا تۇرمىس كەشىرىپ جاتقان ءار ۇلت بۇقاراسى ەڭ سويلەۋ ۇقىعىنا يە.
رەفورما جاساعاننان،ەسىك اشقاننان بەرى،اسىرەسە،پارتيانىڭ 18- قۇرىلتايىنان بەرى شينجياڭنىڭ اۋىل-قىستاقتارىندا وراسان زور وزگەرىس بولدى،مەيلى اۋىل شارۋاشىلىعى ماشينا جابدىقتارى،قاتىناس قۇرالدارى،قىستاق بەت-بەينەسى بولسىن،الدە قىستاقتىڭ نەگىزدىك قۇرىلعىلارى بولسىن، تۇگەلدەي كورنەكتى جاقسارىپ،ءار ۇلت بۇقاراسىنىڭ ءوندىرىس،تۇرمىس شارت-جاعدايى بارعان سايىن جاقسارىپ،مادەنيەت،كوڭىل اشۋ قيمىلدارىنىڭ مازمۇنى بايي ءتۇستى. حالىققا تيىمدىلىك جاسايتىن ءتۇرلى ساياساتتار شىعارىلىپ،ءار ۇلت بۇقاراسىن زەينەتكەرلىك،ەمدەۋ، وقۋ-اعارتۋ،جۇمىستاندىرۋ سياقتى جاقتاردان اناعۇرلىم جاقسى قامتاماسىزداندىردى. تەحنيكالىق شەبەرلىككە باۋلۋ ارقىلى كوپشىلىك رازى بولارلىقتاي جۇمىس تاۋىپ،ورنىقتى كىرىسكە يە بولىپ،تۇرمىس ساپاسى ۇزدىكسىز جوعارىلادى. مەن شينجياڭدا پارتيا ورتالىق كوميتەتىنىڭ پارمەندى باسشىلىعىندا وراسان زور وزگەرىس بولعانىن،جۇڭگو كوممۋنيستىك پارتياسى بولماسا،شينجياڭنىڭ بۇگىنگىدەي گۇلدەنىپ،دامىمايتىندىعىن،ءار ۇلت بۇقاراسىنىڭ باقىتتى تۇرمىسىنىڭ بولمايتىندىعىن شىنايى سەزىندىم.
ءار ۇلت بۇقاراسىنىڭ ءوندىرىس،تۇرمىس شارت-جاعدايىن شىنايى جاقسارتقان وسى شارالارعا پومپەو ادامدىق ۇقىققا سۇعاناقتىق جاساۋ دەپ جالا جاپتى. شينجياڭنىڭ قوعامى ورنىقتى،ەكونوميكاسى گۇلدەنگەن، حالقى تىنىش ءومىر،شات-شادىمان تىرشىلىك كەشىرگەن تاماشا جاعدايى كوز الدىمىزدا تۇر،پومپەو مەيلى قالاي وتىرىك ايتسا دا شينجياڭنىڭ جاراسىمدى،ورنىقتى بولعان شىندىعىن وزگەرتە المايدى،ءار ۇلت بۇقاراسىنىڭ تاماشا تۇرمىسقا تالپىنعان قادامىنا كەدەرگىلىك جاساي المايدى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى