حوتان ايماعى ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ باستىعى گۇلنيساحان يمىن
پومپەو شينجياڭعا ساياتىن ساندىراقتارىن تاراتىپ،شىندىقتى ەلەڭ عۇرلى كورمەي،شينجياڭنىڭ اسا تاماشا جاعدايىنا جانە ءار ۇلت بۇقاراسىنىڭ باقىتتى تۇرمىسىنا قاساقانا كۇيە جاقتى، بۇل جۇڭگونىڭ ىشكى ىستەرىنە دورەكىلىكپەن كيلىككەندىك،حالىقارالىق زاڭ مەن حالىقارالىق قارىم- قاتىناستىڭ نەگىزگى ولشەمىنە اۋىر قايشى،ونىڭ سيپاتى ەرەكشە جيىركەنىشتى،نيەتى توتەنشە سۇرقيا، ءتۇبىرلى ماقساتى شينجياڭنىڭ گۇلدەنۋىن،ورنىقتىلىعىن ءبۇلدىرۋ. مۇنى مەن قاتاڭ ايىپتايمىن جانە وعان باتىل قارسى تۇرامىن.
وسى جىلداردا مەن حوتان ايماعىنىڭ ەكونوميكاسى،قوعامى،مادەنيەتى، وقۋ-اعارتۋى،قاتىناسى سياقتى جاقتاردا تۋىلعان وراسان زور وزگەرىسىنە ءوز كوزىممەن كۋا بولدىم. حوتان ايماعى ەڭبەككۇشتەردى باسقا سالاعا ويىستىرىپ جۇمىستاندىرۋدى ەگىنشى-مالشىلاردىڭ كىرىسىن ارتتىرۋداعى قامال الۋ ءتۇيىنى ەتۋگە تاباندى بولىپ،كۇش سالا ۇگىتتەپ،جەتەكتەپ،قىرۋار ەگىنشى-مالشى سىرتقا شىعىپ،باسقا سالاعا ويىسىپ جۇمىستانىپ بايىدى،«مەنى سىرتقا شىق» دەگەننەن «مەن سىرتقا شىعامىن» دەگەندى جۇزەگە اسىرىپ،«بىرەۋى جۇمىستانسا،بۇكىل وتباسىنىڭ باييتىندىعى» ءار ۇلت بۇقاراسىنىڭ ورتاق تانىمىنا اينالدى.
قازىر ءبىز كەڭ دە تەگىس اسفالت جولدا جۇرەمىز،حاۋىپسىز دە جايلى بەيقۇت ۇيدە تۇرامىز،تۇنىق تا ءدامدى قۇبىر سۋىن ىشەمىز،تازا دا قولايلى تابيعي گازدى ىستەتەمىز،يكەمدى دە جايلى جەڭىل اۆتوموبيل ايدايمىز،مەملەكەت قوسىمشا قاراجات بەرەتىن بايۋ اتىزىن ەگەمىز،مەكتەپتە تەگىن وقيمىز،تاعى جىلىنا ءبىر رەت جالپى حالىقتىق دەنساۋلىق تەكسەرتۋ بار. 60 جاستان جوعارى قالا،اۋىل تۇرعىندارى مەملەكەتتىڭ زەينەتاقى ساياساتىنان يگىلىكتەنەدى؛وتباسىندا قيىنشىلىعى بارلار نەگىزدىك زەينەتكەرلىك قامسىزداندىرۋى ساياساتىنان يگىلىكتەنەدى.
مەن پومپەودان شينجياڭعا كەلىپ كوردىڭ بە دەپ سۇراعىم كەلەدى،حوتان ايماعىنىڭ قوعامى ورنىقتى،حالىق تۇرمىسى ۇزدىكسىز جاقسارىپ كەلەدى،ءار ۇلت بۇقاراسىنىڭ رۋحاني بەت-بەينەسى شىت جاڭا بەينەگە ەندى،قالىڭ بۇقارانىڭ ىستەيتىن ءىسى بولۋىنا،كىرىس كىرگىزە الۋىنا،تۇرمىسىنىڭ ۇمىتكە تولۋىنا مۇمكىندىك جاسالدى،سەن ايتقان زورلىقپەن ەڭبەككە سالۋ دەگەن وسى ما؟
پومپەوعا مىنانى ەسكەرتەمىن: شينجياڭداعى ءار ۇلت بۇقاراسى پارتيانىڭ باسشىلىعىن باتىل قولدايدى، ادامدىق ۇقىق سياقتى سىلتاۋدان پايدالانىپ شينجياڭنىڭ دامۋىنا كەدەرگىلىك جاساۋعا جانە توسقىندىق جاساۋعا ۇرىنعان ءارقانداي قاسكۇنەمدىك ەشقاشان ىسكە اسپايدى،تۇبىندە جەڭىلىس تاعدىرىنان قاشىپ قۇتىلمايدى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى