ۋانپيڭ قالاسى بەيجيڭ فىڭتاي رايونىنداعى ميڭ داۋىرىندە سالىنعان ەجەلگى قالا،تالاي رەت جوندەلگەنىمەن،قالا داۋالدارىنان وق ءتيىپ،بومبى جارىلۋدان تۇسكەن ىعى-جىعى ويىقتار مەن مۇندالايدى.
وسى ەجەلگى قالا مەن ماڭىنداعى ايقىش-ۇيقىش زاقىم ىزدەرى،80 نەشە جىلدىڭ الدىنداعى قان سەلدەي اققان سول ءبىر تۇنگە كۋا بولدى: 1937-جىلى 7-ايدىڭ 7-كۇنى جاپون ارمياسى اككىلىكپەن ءبىر اسكەرىمىز جوعالىپ كەتتى دەپ شىمىرىكپەستەن لۋگوۋچياۋ كوپىرى مەن ۋانپيڭ قالاسىنا سۇراپىل شابۋىل جاساپ،جاپونيانىڭ جۇڭگوعا جالپى بەتتىك شاپقىنشىلىق سوعىسى قوزعالدى.
تارسىلداعان مىلتىق،زەڭبىرەك ءۇنى ۋانپيڭ قالاسىنىڭ تىنىشتىعىن بۇزدى ءارى جۇڭحۋا ۇلتىنىڭ شاپقىنشىلىققا قارسىلىق كورسەتۋ جاۋىنگەرلىك جىگەرىن وياتتى.
«7-شىلدە وقيعاسىنىڭ بۇرق ەتۋى جاپونيانىڭ جۇڭگوعا جالپى بەتتىك شاپقىنشىلىق جاساۋىنىڭ باستالعاندىعىنىڭ بەلگىسى،سونداي-اق جۇڭگودا بۇكىل ۇلتتىڭ جاپون شاپقىنشىلارىنا قارسى سوعىسىنىڭ باستالۋى. ونىڭ ۇلى تاريحي ماڭىزى __ بۇكىل ۇلتتىڭ ويانۋىن تەزدەتىپ،بۇكىل جۇڭحۋا پەرزەنتتەرىنىڭ جاپون شاپقىنشىلارىنا قارسى سوعىسىنىڭ تەلەگەي كۇشىن ۇيىستىرعاندىعىندا» دەدى جۇڭگو حالقىنىڭ جاپون شاپقىنشىلارىنا قارسى سوعىسى ەسكەرتكىش سارايىنىڭ تەتە اعا زەرتتەۋشىسى لي چيڭحۇي.
بەيپيڭ،تيانجين حاۋىپتە قالدى! حۋابەي حاۋىپتە قالدى! جۇڭحۋا ۇلتى حاۋىپتە قالدى! بۇرىن بولماعان ەل جويىلۋ،ءناسىل جويىلۋ داعدارىسى الدىندا،7-ايدىڭ 8-كۇنى جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ جاپون ارمياسىنىڭ لۋگوۋچياۋ كوپىرىنە شابۋىل جاساعاندىعى جونىندەگى جەدەلحاتىن» تاراتىپ: بۇكىل جۇڭگولىق باۋىرلاستار،ۇكىمەت پەن ارميا ىنتىماقتاسىپ،ۇلتتىق بىرلىكساپتىڭ بەرىك ۇلى قورعانىن تۇرعىزىپ،جاپون قاراقشىلارىنىڭ شاپقىنشىلىعىنا قارسى تۇرايىق دەگەن ۇندەۋ تاستادى.
جۇڭگو كوممۋنيستىك پارتياسىنىڭ بەلسەندىلىكپەن ىلگەرىلەتۋىندە،كومپارتيا مەن گومينداڭ سەلبەستىگىن نەگىز ەتكەن جاپون شاپقىنشىلارىنا قارسى ۇلتتىق بىرلىكساپ رەسمي قالىپتاستى. جاپون شاپقىنشىلارىنا قارسى ۇلتتىق بىرلىكساپ تۋى استىندا،شاپقىنشىلىققا قارسى اتتانىپ،وتاندى جويىلۋدان قۇتقارىپ قالۋ جۇڭگوداعى ءارقايسى پارتيا-توپتاردىڭ، ۇلتتاردىڭ،تاپتاردىڭ،جىكتەردىڭ،ۇيىمداردىڭ،سونداي-اق شەتەلدەگى حۋاچياۋلاردىڭ، جۇڭگولىقتاردىڭ ورتاق ەركى مەن ارەكەتىنە اينالدى.
«جۇڭگو كوممۋنيستىك پارتياسى جاپون شاپقىنشىلارىنا قارسى جالپى بەتتىك سوعىس جۇرگىزۋدىڭ تىرەكتى كۇشىنە اينالىپ،تۇلعالىق رولىن ساۋلەلەندىردى،مۇنىڭ باستى سەبەبى ۇشەۋ: ءبىرىنشى،جۇڭگو كوممۋنيستىك پارتياسى جاپون شاپقىنشىلارىنا قارسى ۇلتتىق بىرلىكساپ ورناتۋدى قۋاتتادى،بۇل جاپون شاپقىنشىلارىن جەڭۋدىڭ ءتۇبىرلى كەپىلى؛ ەكىنشى،جۇڭگو كوممۋنيستىك پارتياسى جاپون شاپقىنشىلارىنا قارسى جالپى بەتتىك سوعىس جۇرگىزىپ،حالىق بۇقاراسىن كەڭىنەن اتتانىسقا كەلتىرىپ جانە ولارعا سۇيەنۋدى قۋاتتاپ، جاپون شاپقىنشىلارىنا قارسى جالپى بەتتىك سوعىس جۇرگىزۋ پرينسيبىن العا قويدى،ۇزاققا سوزىلاتىن سوعىس باعىتى مەن جۇيەلى سوعىس جۇرگىزۋ باعىتى پرينسيبىن العا قويدى،بۇل سول كەزدەگى جاۋ ارتقى شەپ سوعىس مايدانىنداعى نازاريالىق جەتەكشى،سونداي-اق جاپون شاپقىنشىلارىن جەڭۋدىڭ جانە بۇكىل ۇلتتىڭ جاپون شاپقىنشىلارىنا قارسى سوعىسىنىڭ جەڭىسىنە جەتۋدىڭ ماڭىزدى كەپىلى بولدى؛ ءۇشىنشى،جۇڭگو كوممۋنيستىك پارتياسى باسشىلىق ەتكەن حالىقتىق قارۋلى كۇش جاپون شاپقىنشىلارىنا قارسى پارتيزاندىق سوعىستى كەڭ كولەمدە قوزعاپ،جاۋدىڭ ارتقى شەبىنەن سوعىس مايدانىن كەڭىنەن اشىپ،شانشي-گانسۋ-نيڭشيا،سانشي-چاحار-حىبەي سياقتى 19 بولىكتە جاپون شاپقىنشىلارىنا قارسى سوعىستىڭ نەگىزگى بازاسىن قالىپتاستىردى» دەدى لي چيڭحۇي.
ياڭ جيڭيۇي تورماقتانى استىق ەتىپ،اعاش قابىعىن كەمىرىپ،قۇربان بولعانعا دەيىن جان قيارلىقپەن شايقاستى؛ جاۋ يمان اۋىر جازادان قورىقپاي،قاھارماندىقپەن قۇربان بولدى؛ جاپون شاپقىنشىلىعىنا قارسى دۇڭبەي بىرىككەن ارمياسىنداعى 8 ايەل جاۋىنگەر،لاڭياشان تاۋىنداعى 5 باتىر وزەنگە سەكىرۋگە،قۇزدان سەكىرۋگە پەيىل بولسا دا جاۋعا تىزە بۇكپەدى... قاھارمانداردىڭ ايبىندى ەرلىكتەرى جۇڭحۋا ۇلتىنىڭ ەل بىرلىگىنەن قامال تۇرعىزۋىنىڭ،جاپون قاراقشىلارىنا قارسى تۇرۋىنىڭ تەلەگەي كۇشىن ۇيىستىردى.
شاپقىنشىلاردىڭ تەمىر تەگەۋرىنى شەڭگەلىن سوزعاندا،چاڭجياڭنىڭ وڭتۇستىگى مەن سولتۇستىگىندە،ۇلى قورعاننىڭ ءىشى-سىرتىندا بۇكىل جۇڭحۋا پەرزەنتتەرى جاۋ وعىنان تايسالماي،ۇدەرە العا تارتىپ،ەل باسىنا تونگەن اۋىر كۇندى بىرگە كوتەردى،سان ميلليونداعان وتانشىل قولباسىلار مەن جاۋىنگەرلەر تولارساقتان قان كەشە ەرلىكپەن سوعىس جۇرگىزىپ،اجال الدىندا قايمىققان جوق. جۇڭگونىڭ بايتاق دالاسىنىڭ تۇكپىر-تۇكپىرىنەن «شەشەسى ۇلىن جاپونعا قارسى سوعىسقا جىبەرسە،ايەلى كۇيەۋىن مايدانعا اتتاندىرعان» اسەرلى كورىنىستەر جارىققا شىقتى؛دۇنيەنىڭ جەر-جەرىندە،جات ەل،جات جەردە،تۇس-تۇستان حۋاچياۋلار،جۇڭگولىقتار «شەتەلدىڭ قورلىعىنا قارسى تۇرىپ،وتاندى جويىلۋدان قۇتقارىپ،تىرەك بولۋدى قالاعان» بەلسەندى ارەكەتتەر جارىققا شىقتى...
«لۋگوۋچياۋداعى زەڭبىرەك داۋىسى جۇڭحۋا ۇلتىن جاپون شاپقىنشىلارىنا قارسى سوعىسقا جالپى بەتتىك جۇمىلدىرۋ دابىلىن قاقتى،تۇتاس جۇڭحۋا الابىنىڭ تۇس-تۇسىنان جاپون شاپقىنشىلارىنا قارسى كەك ءورتى لاۋلادى. تاۋ كوشىرىپ،تەڭىز قوتاراتىن،ەرلىكپەن العا ۇمتىلاتىن كۇش شىرت ۇيقىدا جاتقان ۇلت رۋحىن وياتتى» دەدى لي چيڭحۇي.
قازىر سوعىس ءتۇتىنى ايىقتى،«الباستىلاردىڭ باسىندا قىلىش ويناتايىق» دەگەن ەكپىندى ۇندەر حۋاشيانىڭ بايتاق دالاسىندا ءباز- باياعىسىنداي جاڭعىرىپ تۇر. جۇڭگو حالقىنىڭ جاپون شاپقىنشىلارىنا قارسى سوعىسى ەسكەرتكىش سارايى الاڭىندا،جۇڭحۋا ۇلتىنىڭ ويانۋىنىڭ سيمۆولى بولعان «لۋگوۋ ويانعان ارىستانى» اتتى الىپ ءمۇسىن اسقاق بوي كوتەرىپ تۇر.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى