بايىنعولين موڭعۇل اۆتونوميالى وبلىستىق پارتكومنىڭ تۇراقتى مۇشەسى قۇربانجان قۇتلۇق
پومپەو شينجياڭعا ساياتىن اق پەن قارانى شاتاستىرعان ساندىراقتارىن جاريالاپ،جۇڭگو ۇكىمەتىنىڭ شينجياڭدى جونگە سالۋ ساياساتىنا قاساقانا قيسىنسىز سوقتىقتى جانە ونى قاساقانا داتتادى. مەن مۇنى قاتاڭ جازعىرامىن جانە وعان باتىل قارسى تۇرامىن.
پارتيانىڭ قامقورلىعى مەن ماپەلەۋىندە ەرجەتكەن كادر رەتىندە،مەن كوپتەگەن قىزمەت ورىندارىندا شىنىقتىم. تولى اۋدانىنىڭ،تارباعاتاي ايماعىنىڭ قازىنا جۇيەسىندە قىزمەت ىستەگەن كەزىمدە ىلگەرىندى-كەيىندى تولى اۋدانىنىڭ باس مەجە ەسەپ بۇعالتىرى،ايماقتىق قازىنا باسقارماسى اۋىل شارۋاشىلىق قازىنا ءبولىمىنىڭ باستىعى بولدىم،ۇكىمەت قازىناسى توتەنشە قىسىلتاياڭ بولسا دا ءار جىلعى شىعىستىڭ باسىم بولىگى حالىق تۇرمىسى قۇرىلىسىنا جۇمسالدى،كەدەيلىكتەن ارىلتۋ،جۇمىستاندىرۋ،وقۋ-اعارتۋ،ەمدەۋ،قوعامدىق قامتاماسىزداندىرۋ سياقتىلاردى ءتۇيىن ەتكەن حالىققا تيىمدىلىك جەتكىزۋ ينجەنەريالارى اتقارىلىپ،پارتيانىڭ ابزال ساياساتى سانسىز بۇقاراعا «باقىت ەسىگىن» اشتى. ءدوربىلجىن اۋدانىنىڭ،تارباعاتاي ايماعىنىڭ اۋىل شارۋاشىلىعى جۇيەسىندە قىزمەت ىستەگەن كەزىمدە مەن بارلىق اكىمشىلىك قىستاقتارى مەن ەگىس الاڭدارىن،مال فەرمالارىن ارالاپ،پارتيانىڭ حالىققا تيىمدىلىك جەتكىزۋ ساياساتىنىڭ نۇر-شۇعىلاسىندا نەگىزگى ساتى بۇقاراسىنىڭ تۇرمىسىندا تۋىلعان وراسان زور وزگەرىستەردى كوزىممەن كوردىم،ەگىنشى-مالشىلاردىڭ كىرىسى جىل سايىن ارتىپ،ءار ۇلت بۇقاراسى ءبىر ءۇيلى جانداي ءبىر-بىرىنە كومەكتەسىپ،تۇرمىستارى شالقي ءتۇستى. بايىنعولين وبلىسىندا قىزمەت ىستەگەن كەزىمدە مەن كورلا توقىماشىلىق،كيىم-كەشەك ورتالىعى قۇرىلىسىنىڭ جالپى بارىسىنا ات سالىستىم،ءبىر توپ كاسىپورىن ەنگىزىلىپ،كوپتەگەن جەرگىلىكتى بۇقارا ورنىقتى جۇمىستاندى،كەيبىر اۋدان، قالالار زاۆودتى قىستاقتارعا اپارىپ قۇرىپ،بۇقارانىڭ ۇيلەرىنىڭ ماڭايىندا جۇمىستانۋىنا قولايلىلىق جاسادى. وتە-موتە،مەن حالىق ىستەرى قىزمەتىمەن اينالىسۋ ارقىلى قيىنشىلىعى بار بۇقارانىڭ تۇرمىسىنىڭ جاقسارعاندىعى جونىندە تەرەڭ جانە تىكە اسەرگە يە بولدىم،مەملەكەت تۇزىمدىك جاقتان قامتاماسىزداندىرىپ قانا قالماستان،ونان دا ماڭىزدىسى،قارجىلىق ۇسىنىلىمدى جىل سايىن ارتتىردى. «13-بەسجىلدىق» مەزگىلىندە قالاداعى ەڭ تومەنگى تۇرمىستى قامتاماسىزداندىرۋ قاراجاتى ولشەمى ايىنا ورتا ەسەپپەن 344 يۋاننان 503 يۋانعا،اۋىل-قىستاقتىڭ ەڭ تومەنگى تۇرمىستى قامتاماسىزداندىرۋ قاراجاتى ولشەمى جىلىنا ورتا ەسەپپەن 2421 يۋاننان 4294 يۋانعا ءوسىپ،قامتاماسىزداندىرۋعا تيىستىلەر مۇمكىندىگىنشە قامتاماسىزداندىرىلدى؛16 اۋىل-قىستاق قارتتار كۇتىمحاناسى جاڭادان،وزگەرتىپ نەمەسە كەڭەيتىپ سالىنىپ،بەستە قامتاماسىزداندىرىپ باعىلاتىن وبيەكتىلەردىڭ نەگىزگى تۇرمىسى پارمەندى تۇردە قامتاماسىز ەتىلدى؛قالا، اۋىلداعى قيىنشىلىعى بار بۇقاراعا ۋاقىتشا قۇتقارۋ-كومەكتەسۋ ۇدايىلاندىرىلىپ ورىستەتىلدى،جالپى تيىمدىلىك جەتكىزىلگەن ءار ۇلت بۇقاراسى 90 مىڭ ادام-رەتكە جەتتى؛80 جاستان اسقان قارتتارعا قارتتىق قوسىمشا قاراجات تاراتىلىپ،دەنساۋلىعى تەگىن تەكسەرىلدى؛بالالار يگىلىك قۇرىلىمى سالىنىپ پايدالانۋعا بەرىلىپ،بالالاردى قامتاماسىزداندىرۋ ورەسى اناعۇرلىم جوعارىلادى؛«بولاشاق جوسپارى»،«شۇعىلالى ەرتەڭ»،«كەدەي وتباسىلارىنداعى جارىق اۋرۋىنا شالدىققان بالالاردى» ەمدەۋ،قۇتقارۋ-كومەكتەسۋ نىسانى اتقارىلىپ،600دەن استام جەتىم،مۇگەدەك بالا مەن كەدەي وتباسىلارىنىڭ بالالارى قۇتقارۋ- ەمدەۋدەن يگىلىكتەندى؛90 مىڭنان استام مۇگەدەك بۇقارا قيىنشىلىعى بار مۇگەدەكتەرگە بەرىلەتىن تۇرمىستىق قوسىمشا قاراجات پەن اۋىر دارەجەدەگى مۇگەدەكتەردى كۇتىمدەۋ قوسىمشا قاراجاتىنان يگىلىكتەندى.
پارتيانىڭ حالىققا تيىمدىلىك جەتكىزۋ ساياساتى كۇن نۇرىنداي شۋاق شاشىپ،ءار ۇلت بۇقاراسىنا نۇر-شۇعىلا،ءۇمىت،سەنىم، كۇش-قۋات اكەلىپ،تۇتاس شينجياڭنىڭ جوعارىدان تومەنگە دەيىن ىنتىماقتى دارىپتەيتىن،دامۋعا ۇمتىلاتىن تىلەگىن بارىنشا قاۋلاتتى،ءار ۇلت كادرلارى مەن بۇقاراسى شىن جۇرەكتەرىنەن پارتياعا العىس ايتتى،ۇلى وتانعا العىس ايتتى. وسى جىلداردا شينجياڭنىڭ ەكونوميكالىق،قوعامدىق دامۋى مەن حالىق تۇرمىسى قۇرىلىسىندا قول جەتكىزگەن ارشىندى ىلگەرىلەۋشىلىكتەردى دۇيىم جۇرت كورىپ وتىر. پومپەونىڭ تاراتقان وتىرىگى مەن ۋىتى وزىمەن بىرگە،ءسوز جوق،تاريحتىڭ كۇرەسىنىنە سىپىرىلىپ تاستالادى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى