تۇرپان قالالىق مادەنيەت-دەنە تاربيە جانە ساياحات مەكەمەسىنىڭ باستىعى ءومار ابدوللا
پومپەو شينجياڭعا ساياتىن ساندىراعىن جاريالاپ،شينجياڭنىڭ ادامدىق ۇقىق جاعدايىن داتتاپ، ءار ۇلت حالقىنىڭ تاماشا باقىتتى تۇرمىسىن قاساقانا بۇلدىرۋگە ۇرىندى، مەن بۇعان توتەنشە كەكتەندىم. مەن ءوز كەشىرمەلەرىم مەن باقىتتى تۇرمىسىم ارقىلى پومپەونىڭ عاسىرلىق وسەك-اياڭىن پاش ەتەمىن ءارى پومپەوعا مىنانى ەسكەرتەمىن: قازىر ءبىز تاريحتاعى ءارقانداي مەزگىلدەگىدەن دە اناعۇرلىم باقۋاتتى، اناعۇرلىم تاماشا، اناعۇرلىم باقىتتى تۇرمىس كەشىرىپ جاتىرمىز!
مەن شينجياڭنىڭ ءتول تۋماسىمىن،پارتيا مەن مەملەكەتتىڭ تاربيەلەۋىنىڭ،باۋلۋىنىڭ ارقاسىندا داشۋەدەن وقۋ تاۋىسقاننان كەيىن، ىلگەرىندى-كەيىندى مادەنيەت، راديو- تەلەۆيزيا،دەنە تاربيە، ساياحات سياقتى ءتۇرلى قىزمەتتەرمەن شۇعىلدانىپ، قاراپايىم ورگان قىزمەتكەرىنەن باسشى كادر بولىپ ەسەيىپ، شينجياڭنىڭ گۇلدەنگەن، دامىعان شۇعىلالى بارىسىنا كۋا بولىپ، پارتيا مەن مەملەكەتتىڭ ىقىلاستى قامقورلىعىن شىنايى سەزىندىم.
تۇرپان قالاسىنان 200 دەن استام ورىننان مادەنيەت جۇرتى بايقالعان،تاريحتا 18 تۇرلىدەن استام كونە جازۋ، 25 ءتۇرلى ءتىل جالپىلاسىپ، پايدالانىلعان. ەجەلدەن بەرى ءار ۇلت حالقى وسىناۋ وڭىردە بىرگە ىنتىماقتاسا كۇرەس جاساپ، بىرگە گۇلدەنىپ،دامىپ، اشىق، سيىسىمدى، كوپ نەگىزدى، ءبىر تۇلعالى جۇڭحۋا مادەنيەتىن جالعاستىردى جانە وعان مۇراگەرلىك ەتتى. بۇل ارادا گاۋچاڭ بايىرعى قالاسى، جياۋحى بايىرعى قالاسى، تۇرپان ورتەڭى سىندى 3 دۇنيە جۇزىلىك مادەنيەت مۇراسى بولىپ قانا قالماستان، استانا كونە قابىرلىعى، سۇلەيمەن مۇناراسى قاتارلى تاريحي مادەني كورىنىس اۋماقتارى، سونداي-اق ايگىلى بويلۇق، جالىنتاۋ، كارىز، قۇمتاع ءشولى سياقتى جاراتىلىستىق، گۋمانيتارلىق كورىنىس اۋماقتارى دا بار، ساياحات مادەنيەت بايلىعى شوعىرلانعان، مادەنيەت ساياحات سەزىنىس ەرەكشەلىگى ايقىن. بۇل ارادا جۇڭحۋا مادەنيەتى ۇزاق تاريحقا يە بولىپ قانا قالماستان، تاعى تامىرلاس جالعاسقان تۇرعىندار تۇراعى، ءدامدى تاعام، كيىم-كەشەك،ادەت-عۇرىپ سياقتى حالىقتىق سالت-سانا مادەنيەتى، سونداي-اق تۇرپان مۇقامى، نازىركوم، ءماشىراپ، اتەش تالاستىرۋ، قوشقار ءسۇزىستىرۋ جانە دوپپا، كەستە، توقىما، تۇت قابىعى قاعازى شەبەرلىگى سياقتى بەيزاتتىق مادەنيەت مۇرالارى دا بار.
مەن شينجياڭنىڭ ەرتەڭىنىڭ،ءسوز جوق،ءتىپتى دە كوركەم بولاتىندىعىنا كامىل سەنەمىن!
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى