___ شاۋەشەك قالالىق ادىليا مەكەمەسىنەن «ۇعىسۋ،تيىمدىلىك جاساۋ،توعىستىرۋ» بويىنشا ەمىل اۋىلى سانگۇڭ قىستاعىندا تۇراتىن قىزمەت اترەتى جونىندە
□ ءتىلشىمىز ۋاڭ زىلين
ەرىكتى ءتىلشى تۇڭ ليڭ
شاۋەشەك قالاسى ەمىل اۋىلى سانگۇڭ قىستاعىنا بارا قالساڭىز،ءتۇپ-ءتۇزۋ اسفالت جولدار، سامالاداي جارقىراعان جول شىراقتار،تازا دا رەتتى شارۋالار اۋلاسى... كوزىڭىزگە شالىنۋمەن بىرگە،ۇلكەندەر مەن بالالاردىڭ جۇزدەرىنەن دە باقىتتىڭ لەبى ەسەدى.
2018-جىلى شاۋەشەك قالالىق ادىليا مەكەمەسىنىڭ «ۇعىسۋ،تيىمدىلىك جاساۋ،توعىستىرۋ» قىزمەت اترەتى ەمىل اۋىلى سانگۇڭ قىستاعىنا تۇرعاننان كەيىن قىستاق تۇرعىندارىن كىرىسىن ارتتىرىپ،اۋقاتتاندىرۋدى جۇمىس جۇرگىزۋ نەگىزى،ورتا تازالىعىن رەتتەپ-وڭاۋدى دامۋدىڭ ماڭىزدى ءتۇيىنى،ناقتى ءىس،جاقسى ءىس ىستەۋ مەن مادەنيەتپەن نارلەندىرۋدى رۋحاني جەتەكشى ەتتى. بۇگىنگى كۇنى قىستاق تۇرعىندارىنىڭ اۋقاتتانۋ ارناسى كەڭەيىپ،شۇعىل،قيىن ىستەرىن شەشەتىن ادام تابىلىپ،قىستاقتىڭ بەت-بەينەسى دە شىت جاڭا تۇسكە ەندى.
قىستاق تۇرعىندارى اۋقاتتانىپ،جۇزدەرىنەن كۇلكى ەستى
2018-جىلى قىزمەت اترەتى سانگۇڭ قىستاعىنىڭ ءىس جۇزىندىك جاعدايىنا بىرلەستىرە وتىرىپ،قىستاق تۇرعىندارىنىڭ سىرتقا شىعىپ جۇمىس ىستەۋىنە،اۋلا شارۋاشىلىعىن،ەرەكشە ەگىمشىلىكتى دامىتۋىنا كومەكتەسۋ سياقتى تاسىلدەر ارقىلى قىستاق تۇرعىندارىنىڭ اۋقاتتانۋ ارناسىن كەڭەيتتى.
قىزمەت اترەتى مەن قىستاق «ەكى كوميتەتى» قىستاق تۇرعىندارىنىڭ شاعىن كولەمدى قارىز اقشا ءوتىنىش ەتۋىنە كومەكتەسىپ،قىستاق تۇرعىندارىن دەربەس شارۋاشىلىق قۇرۋعا جىگەرلەندىردى.
قىستاق تۇرعىنى مۇقتارجان مامەتجان شاعىن كولەمدى سەنىمدى امانات قارىزىنىڭ پايداسىن كورۋشىلەردىڭ ءبىرى. ول ءوزى مۇگەدەك،ەكى بالاسى بار. 2011-جىلى قاشقار ايماعى ءپايزاۋات اۋدانىنان سانگۇڭ قىستاعىنا كەلگەن،سول كەزدە قولىندا قارجى بولماعاندىقتان،جەر ەگۋگە لاجىسىز ەدى،ءبىر ءۇيلى جان تەك ونىڭ قوشقاناق ساتىپ اقشا تابۋىنا سۇيەنىپ كەلگەن،تۇرمىسى توتەنشە جۇپىنى ەدى.
قىزمەت اترەتى بۇل جاعدايدان حابار تاپقاننان كەيىن دەرەۋ قىستاق «ەكى كوميتەتىمەن» بىرلەسىپ، مۇقتارجانعا كەپىل بولىپ 100 مىڭ يۋان قارىز اقشا الىپ بەرەدى. مۇقتارجان وسى اقشامەن ساۋدا- ساتتىق ىستەپ،جاڭعاق،شىلان جانە مەيىز سياقتى كەپتىرىلگەن جەمىس ساتتى. قاجىرلىلىقپەن ءبىر جىل تيجارات جۇرگىزۋ ارقىلى بانكەدەن العان قارىز اقشاسىن قايتارىپ قانا قالماي،40 مىڭ يۋاننان ارتىق كىرىس كىرگىزدى.
«قىزمەت اترەتى مەن قىستاق ‹ەكى كوميتەتىنىڭ› ماعان كومەكتەسكەنىنە العىس ايتامىن،مەنى باقىتتى تۇرمىسقا جەتەلەدى» دەدى مۇقتارجان كۇلىمسىرەي.
ناقتى،جاقسى ىستەر ىستەپ،جۇرت جۇرەگىن جىلىتتى
2018-جىلى 6-ايدا قىستاق تۇرعىنى سۋ پيڭشيننىڭ جاڭا ءۇيى سالىنىپ بىتسەدە،قىستاقتان نەداۋىر الىس بولعاندىقتان،ەلەكتر،قۇبىر سۋى جەتكىزىلمەگەن ەدى. قىزمەت اترەتى جاعدايدان حاباردار بولعاننان كەيىن،دەر كەزىندە قىستاق كادرلارىنان جاعداي ۇعىسادى ءارى قاتىستى تاراۋلارمەن كوپ رەت قىزمەتتى سايكەستىرۋ ارقىلى اقىرى 7-ايدىڭ باس شەنىندە ونىڭ ءۇيىنىڭ ەلەكتردەن جانە قۇبىر سۋدان پايدالانۋ ماسەلەسىن شەشىمدەدى.
سونىمەن بىرگە،سانگۇڭ قىستاعى قىستاق تۇرعىندارىن تۇرعىن ۇيمەن قامتاماسىزداندىرۋ جۇيەسىن بەلسەنە كەمەلدەندىرىپ،بەيقۇت ءۇي نىسان قۇرىلىسى عيماراتىنان 12 بينا،288 ءۇي سالدى. قىستاق تۇرعىندارىن جاڭا ۇيگە كوشىرىپ،باقىتتى تۇرمىستان ءلاززات الۋلارىنا مۇمكىندىك جاراتىپ،ولاردىڭ قاجىرلى ەڭبەگىنە سۇيەنىپ اۋقاتتانۋ سەنىمى مەن بەكىمىن ارتتىردى.
سانگۇڭ قىستاعى پارتيا ياچەيكاسىنىڭ شۋجيى ۋاڭ جيانجۇن: «قازىر ۇكىمەت پەن قىزمەت اترەتىنىڭ قولداۋى جانە كومەگىنىڭ ارقاسىندا،قىستاق تۇرعىندارىنىڭ مۇڭ-مۇقتاجىن شەشەتىن،قايشىلىق،داۋ-شارلارىن جاراستىراتىن ادام تابىلىپ،باقىت كورسەتكىشتەرى ارتا ءتۇستى» دەدى.
ورتانى رەتتەپ-جونگە سالىپ، اۋىل-قىستاقتى گۇلدەندىردى
بۇرىن قىستاق ورتاسى ناشار،لات بولعاندىقتان،قىستاق بەت-بەينەسىن بۇزىپ،قىستاق تۇرعىندارىنىڭ پىكىرى كوپ ەدى.
وسىعان قاراتا،قىزمەت اترەتى ساياساتتى،وزگەرىستى،دامۋدى ءتۇسىندىرۋ سياقتى ۇگىت تاسىلدەرىنەن پايدالانىپ،پارتيا مۇشەلەرى مەن بۇقارانى اۋىل-قىستاق قونىس ورتاسىن رەتتەۋ-وڭاۋ قيمىلىن ورىستەتۋگە ۇيىمداستىردى.
قازىرگە دەيىن،تۇتاس قىستاقتا قونىس ورتاسىنا جيىنى 12 رەت جاپپاي رەتتەۋ-وڭاۋ جۇرگىزىلىپ،نەگىزگى كوشەلەر مەن كوشە بويلارىنداعى قوقىر-قوقسىقتى تەرىپ ءارى ورتا تازالىعى باسقارماسىنىڭ قوقىر-قوقسىق تاسۋ ماشيناسىن سايكەستىرىپ،مەرزىمدى تۇردە قىستاق ىشىندەگى وندىرىستىك،تۇرمىستىق قوقسىقتاردى تازالاپ-جوتكەدى. جالپى 200 توننادان ارتىق قوقىر-قوقسىقتى تازالادى.
سونىمەن قاتار،106 مىڭ 800 يۋان قارجى قوسىپ 178 وتباسىنىڭ دارەتحاناسىن جاڭالاپ،ورىندالۋ مولشەرى %85 كە جەتتى.
قىزمەت اترەتىنىڭ باستىعى، قىستاقتىڭ ءبىرىنشى شۋجيى پاتيگۇل عانيبەك: «اۋىل-قىستاقتىڭ ورتا تازالىعىن رەتتەۋ-وڭاۋ اۋىل-قىستاقتى گۇلدەندىرۋدىڭ باستى مىندەتى جانە نەگىزى،حالىق تۇرمىسىن جاقسارتىپ، كورىكتى اۋىل-قىستاق قۇرۋدىڭ ماڭىزدى مازمۇنى،ورتانى جاقسارتۋعا،ءسوزسىز،كۇش سالىپ،ۇزدىكسىز ىلگەرىلەتۋىمىز كەرەك» دەدى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى