ىلە شىفان داشۋەسى ەلەكترون جانە ينفورماتسيا ينجەنەرياسى شۋەيۋانىنىڭ پروفەسسورى ءحۇرشيدا جۇماحۇن
پومپەو شينجياڭعا ساياتىن ساندىراعىن جاريالاپ،جۇڭگونىڭ شينجياڭىنا قيسىنسىز سوقتىعىپ جانە قاساقانا كۇيە جاعىپ،قۇتىرىنا ساياسي وسەك- اياڭ شىعارىپ،وسىدان پايدالانىپ ۇلتتار قاتىناسىنا ىرتكى سالۋعا، شينجياڭنىڭ دامۋىنا كەدەرگىلىك جاساۋعا ۇرىندى،سيپاتى توتەنشە ناشار،نيەتى ەرەكشە سۇرقيا. مۇنى مەن قاتاڭ جازعىرامىن،باتىل نالەت ايتىپ،قاتاڭ ايىپتايمىن.
پومپەو وتىرىك ايتىپ كۇيە جاعۋدى كانىگى داعدىسىنا اينالدىردى،مۇنىسى «وتىرىك قامقورسۋ،شىنداپ كيلىگۋ»، بۇلدىرۋگە ۇرىنۋ. پومپەو تاراتقان وسەك-اياڭ مەن ۋىت،ءسوز جوق،ونىمەن بىرگە تاريحتىڭ كۇرەسىنىنە تاستالادى.
شينجياڭ ەجەلدەن كوپ ۇلت شوعىرلى قونىستانعان ءوڭىر،شينجياڭداعى ءار ۇلت حالقى جۇڭحۋا ۇلتى شاڭىراعىنىڭ تامىرلاس مۇشەلەرى. ءار ۇلت ۇلاندارى تىنىستاس،تاعدىرلاس،جۇرەكتەس بولىپ،شينجياڭدى بىرگە اشىپ،بىرگە گۇلدەندىردى،شەكارا ءوڭىردىڭ ورنىقتىلىعىن،مەملەكەتتىڭ تۇتاستىعىن،ۇلتتار ىنتىماعىن بىرگە قورعادى. شينجياڭدا تۋىپ وسكەن،شينجياڭدا قۇلشىنا جۇمىس ىستەپ جاتقان ۇيعۇر وقىتۋشى بولعاندىعىم ءۇشىن،تۇرمىستا بولسىن،الدە ۇيرەنۋدە بولسىن،ءار ۇلت كاسىپتەستەرىم،ساباقتاستارىم مەنىمەن بىرگە بولىپ،ماعان كومەكتەستى. مەنىڭ جەتەكشى ۇستازىم ماعان كاسىپتىك بىلىمدەردى ۇيرەتىپ قانا قويماي،اسىرەسە،ماعان ادام بولۋ،ءىس ىستەۋ قاعيداسىن ۇيرەتتى، وتباسى-وتان سۇيىسپەنشىلىگىمدى جەتىلدىردى. مەنىڭ 2 بالام بار، بالالارىم وتان ۇلى شاڭىراعىندا كوڭىلدى ەسەيىپ-ەرجەتتى،ۇلكەن ۇلىم داشۋەنى ءبىتىرىپ قىزمەتكە قاتىناستى،كەنجە ۇلىم نانجيڭ داشۋەسىندە وقىپ جاتىر. قازىرگى باقىتتى تۇرمىسىمىز پارتيا مەن ۇكىمەتتىڭ ابزال ساياساتىنىڭ،جاراسىمدى، ورنىقتى قوعامدىق جاعدايدىڭ جانە گۇلدەنگەن ءداۋىردىڭ ارقاسىندا كەلدى.
بۇگىن ءبىز جاڭا تاريحي باستامادا ىلۋدە ءبىر كەزدەسەتىن دامۋ ورايىن قارسى الىپ وتىرمىز. قازىر شينجياڭنىڭ ورنىقتى،گۇلدەنگەن اسا تاماشا جاعدايىن پومپەو تەكتەستەر داتتاپ،كۇيە جاعىپ وزگەرتە الا ما؟ءبىز شينجياڭنىڭ بولاشاعىنىڭ،ءسوز جوق،اناعۇرلىم كوركەم بولاتىندىعىنا كامىل سەنەمىز!
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى