شينجياڭ ينجەنەريا شۋەيۋانى مادەنيەت-كوركەمونەر شۋەيۋانىنىڭ دوتسەنتى قالبي ابدۇرەشيت
پومپەو وسەك-اياڭدى ويدان قيىستىرىپ،جۇڭگو شينجياڭىنىڭ ادامدىق ۇقىق جاعدايىن قاساقانا داتتاپ،جۇڭگونىڭ ۇشقارىلىقتى الاستاۋ جانە لاڭكەستىككە سوققى بەرۋدەگى قۇلشىنىستارىن بۇرمالاپ،جۇڭگو ۇكىمەتىنىڭ شينجياڭدى جونگە سالۋ ساياساتىن قيسىنسىز جازعىرىپ،جۇڭگونىڭ ىشكى ىسىنە دورەكىلىكپەن كيلىگىپ،حالىقارالىق زاڭ مەن حالىقارالىق قارىم-قاتىناستىڭ نەگىزگى ولشەمىنە اۋىر قايشىلىق جاسادى. بۇعان مەن باتىل قارسى تۇرامىن جانە ونى قاتاڭ جازعىرامىن.
مەن شينجياڭدا تۋىپ،شينجياڭدا ەرجەتتىم،پارتيا مەن ۇكىمەت مەنى ماپەلەدى،باۋلىدى. قىزمەت بارىسىندا،مەن ءار ۇلت قىزمەتتەستەرىممەن تىعىز سەلبەستىم،ءوزارا ۇيرەندىم؛ تۇرمىس بارىسىندا،مەن ءار ۇلت قىزمەتتەستەرىممەن بەرەكە-بىرلىكتە بولىپ،ءوزارا كومەكتەسىپ،توپ-توپ ءار ۇلت وقۋشىلارىن باۋلىدىم. مەنىڭ پومپەوعا مىنانى ايتقىم كەلەدى: شينجياڭدا مەن سياقتى تاماشا تاربيە كورگەن ءار ۇلت ايەلدەرى وتە كوپ،ولار شينجياڭنىڭ ەكونوميكالىق،قوعامدىق دامۋىن ىلگەرىلەتەتىن ماڭىزدى كۇشكە اينالعان.
شينجياڭ وقۋ-اعارتۋ ارقىلى حالىققا تيىمدىلىك جەتكىزۋ ينجەنەرياسىن ۇزدىكسىز اتقارىپ،مەكتەپتەردىڭ نەگىزدىك قۇرىلعىلارىن ساپالىلاندىرىپ،مەكتەپ باسقارۋ شارت- جاعدايىن ۇزدىكسىز جاقسارتىپ،وقۋ-اعارتۋ، وقىتۋ ساپاسىن كورنەكتى جوعارىلاتتى،وقۋ- اعارتۋداعى تابىس سەزىمىمىز ۇزدىكسىز كۇشەيدى.
قازىر وقۋ جاسىنداعى جاستار مەن ورەندەر تۇگەلدەي وقۋعا ءتۇسىپ،ءبىلىم الىپ،ونەر ۇيرەنۋدە. شينجياڭ مەملەكەتتە ءبىر تۇتاس قولدانىلاتىن ءتىل-جازۋ وقۋ-اعارتۋىن ىلگەرىلەتۋمەن بىرگە،مەملەكەتتىڭ ورتا،باستاۋىش مەكتەپ ساباقتارىن ورنالاستىرۋ جوباسىنىڭ تالابى بويىنشا،از ۇلت ءتىل-جازۋى ساباعىن اشىپ،از ۇلت وقۋشىلارىنىڭ ءوز ۇلتىنىڭ ءتىل-جازۋىن ۇيرەنۋ ۇقىعىن تولىق قامتاماسىز ەتىپ،از ۇلت ءتىل مادەنيەتىنىڭ جالعاستىرىلىپ، دامىتىلۋىن ءونىمدى جەبەدى.
مەيلى پومپەو قالاي وتىرىك ايتسا دا،شينجياڭنىڭ ورنىقتى دامىعان شىندىعىن بۇركەمەلەي المايدى،شينجياڭداعى ءار ۇلت حالقىنىڭ باقىتتى تۇرمىس كەشىرگەن شىندىعىن وزگەرتە المايدى،شينجياڭداعى ءار ۇلت وقۋشىلارىنىڭ وتاننىڭ مەيىرلى قۇشاعىندا اقاۋسىز ەرجەتكەن شىندىعىن جوققا شىعارا المايدى.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى