شاپشال سىبە اۆتونوميالى اۋدانىنىڭ ورىنباسار اكىمى ءجۇرات احات
پومپەو شينجياڭنىڭ ادامدىق ۇقىق جاعدايىن داتتاپ،ەلىمىزدىڭ ۇلت قاتىناسىنا ىرتكى سالۋعا،شينجياڭنىڭ ورنىقتىلىعىنا،دامۋىنا كەدەرگىلىك جاساپ،بۇلدىرۋگە ۇرىندى. مەن بۇعان قاتتى كەكتەنەمىن،مۇنداي نامىسسىز ارەكەتتى قاتاڭ جازعىرامىن.
مەن شينجياڭدا تۋىپ،شينجياڭدا ەسەيىپ-ەرجەتتىم. شاپشال سىبە اۆتونوميالى اۋدانى سىندى وسى توپىراقتا كوپ ۇلت تۇرمىس كەشىرۋدە،كوپشىلىك كۇندەلىكتى تۇرمىستا ىنتىماقتاسىپ،ءوزارا قارايلاسىپ تۇرادى. مىسالى،تالاي جىلدى ءبىر كۇنگىدەي وتكىزىپ،20 نەشە ءار ۇلت بالاسىنا ءۇن-ءتۇنسىز قارجىلاي كومەكتەسكەن ۋ شيۋفاڭ كاريا،كورشىسىنە ۇزاق ۋاقىت كومەكتەسىپ كەلگەن جۇماحان قۇرجانباي شەشەي قاتارلىلار بار. كوپشىلىكتىڭ ءوزارا كومەكتەسىپ،ىنتىماقتى،تاتۋ-ءتاتتى وتكەن مىسالدار شاپشالدا ساناپ تاۋىسقىسىز.
تالاي جىلدان بەرى اۋدانىمىزدا از ۇلت ءتىل-جازۋى،ءداستۇرلى مادەنيەت،سالت- ءداستۇر،ادەت-عۇرىپتار تۇگەلدەي وتە جاقسى قورعالدى جانە جالعاستىرىلدى،ءماشىراپ،قارا جورعا،بەيلۇن ءبيىن بيلەگەندەردى كەز كەلگەن جەردەن كورۋگە بولۋدان سىرت، دۇنيە جۇزىندە بىردەن-ءبىر سىبە تىلىندەگى گازەت __ «شاپشال گازەتىن» دە كورۋگە بولادى. جۋىق جىلداردان بەرى پارتيا مەن ۇكىمەت حالىققا ءتيىمدى ءبىرسىپىرا ساياساتتار شىعاردى،اۋدانىمىزدا وقۋعا ءتۇسۋ،ەمدەۋ، تۇرعىن ءۇي شارت-جاعدايى بارىنشا جاقساردى،قىستاق سايىن بالا باقشا بار،ءار قىستاقتا تۇگەلدەي سەمەنت جول توسەلگەن،قىستاق-قىستاقتىڭ بارىندە مادەنيەت بازاسى بار. ءار كۇنى كەشتە دۋماندى مۋزيكا داۋىسى كوتەرىلىپ،ءار ۇلت اعا-باۋىر،اپەكە-سىڭلىلەر ءان شىرقاپ،بيگە باسادى،جۇزدەرىنەن باقىت كۇلكىسى ەسەدى.
تەمىردەي شىندىق الدىندا،پومپەو،اۋمەسىر ەسالاڭ قۇساپ اۋزىڭا كەلگەنىڭدى كوكىپ،شاعىستىرما،باقىتتى تۇرمىسىمىزدى داتتاۋىڭا استە جول قويمايمىز.
«شينجياڭ گازەتىنەن»
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى